بعد خمس سنوات من التطوير، Metal Gear Solid The Phantom Pain قريبة من الانتهاء [محدّث]

تحديث: مع نهاية معرض طوكيو للألعاب 2014، أطلقت كونامي آخر المعلومات بالاضافة الى رسمات من رسام السلسلة الشهير Yoki Shinkawa. هذي المعلومات:

• كل الشخصيات اللي يساعدونك تحت نظام اسمه buddy system، احتمال يموتون ولا يرجعون. هالكلام يشمل الحصان، والكلب (أو الذيب) DD، أو حتى شخصية Quiet! موت الشخصيات هذي ما راح يأثر في مسار القصة.
• بامكانك تخلص اللعبة بدون ما تقابل الكلب دي دي أو كوايت، لكن اذا قابلتهم بتفتح قصص صغيرة جانبية معهم.
• تقدر تاخذ أكثر من شخص أو كائن يساعدك في المهمات، فيه أربع أماكن تقدر تستخدمها.
• بالنسبة للأحداث اللي مر فيها سنيك في القصة، يوصفها كوجيما بأنها “مؤلمة، مؤلمة جدًا”.

أما بالنسبة للرسومات، فهذي هي:

النص الأصلي:

أطلقت كونامي عن بعض المعلومات المهمة عن ميتال جير سوليد 5: ذا فانتوم بين، من أهمها ان اللعبة على وشك تنتهي من التطوير.

فيه معلومات كثيرة شوي، وبنذكرها لكم أهمها:

• بعد خمس سنوات من العمل، ميتال جير سوليد 5 ذا فانتوم بين على وشك الانتهاء من التطوير.
• كوجيما يقول اللعبة هذي هي اللي يبغى يسويها من 27 سنة.
• اذا خلصت ميتال جير سوليد جراوند زيروز، بيجيك شي “رهيب مره” في ذا فانتوم بين.
• تقدر تاخذ المهمات في اللعبة بدون ما ترجع للقاعدة الرئيسية. (هذا أرهب شي بالنسبة لي :)).
• نظام Buddy System (شخصية Quiet أو الكلب DD يساعدونك في المهمات) هو نظام اختياري، وبامكانك تلعب اللعبة كاملة بدونه.
• بالنسبة لمحرك اللعبة Fox Engine، المصممين بامكانهم يسوون 80% من شغلهم بنفسهم، عكس المحركات الثانية اللي لازم يراجعون فيها المبرمجين في أشياء كثير.

أخيرًا، كونامي قبل فترة بسيطة كشفت عن كلب يقدر يساعدك في تنفيذ المهمات، الفيديو هذا له يومين تقريباً لكن ما يمنع اننا نشارككم اياه:

مره ثانية، بامكانك تلعب اللعبة كاملة بدون هذا.

وش رأيكم في المعلومات اللي أطلقتها كونامي اليوم؟