مشهور الدبيان
وش سالفة اللعبة
عندك طفلة صغيرة (وغريبة) في عالم غريب، تحاول تساعدها تتجاوز العقبات وتعدّي المراحل عشان تلقى أمها المفقودة.
معلومات اللعبة
الايجابيات
- الطفلة اللي تساعدها ظريفة جداً (خاصة ردود فعلها) وراح ترتبط فيها بشكل كبير خلال مساعدتك لها.
- أسلوب الرسم الفني للعبة جميل، ومناسب جداً لعالمها الغريب.
- استخدام مزايا البلايستيشن فيتا بشكل مناسب لفكرة اللعبة.
- تنويع كبير في المراحل وألغاز جيدة عموماً. مافيه أي لغز صعب صراحة، لكنها تحرّك مخك، خاصة مع وجود أفكار أول مره نشوفها في لعبة على الفيتا.
السلبيات
- لعبة قصيرة جداً (3 ساعات كحد أقصى).
- اللعبة تجبرك في أوقات كثيرة (خاصة في المراحل المتقدمة) انك تستخدم عدة اصابع على شاشة الجهاز عشان تتجاوز بعض العقبات، وبالتالي تغطي كل اللي قدامك تقريبا! هذا غير المراحل اللي تتطلب انك تقلب الفيتا وتستخدم اللمس الامامي والخلفي بشكل سريع ورا بعض. مستفزه جداً.
- قصة سطحية ونهاية باردة ما تناسب الجانب العاطفي اللي كان موجود طوال اللعبة.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
السبب الوحيد اللي ممكن تجرّب اللعبة هذي عشانه هو الطفلة "الكيوت" اللي تساعدها خلال مراحل اللعبة وتهتم فيها، لانها بتعطيك تجربة مختلفة ما تلقاها في الألعاب عادة. اذا ما يهمك هالشي فلا تضيع وقتك معها.
ألعاب مشابهة
لعبة فريدة ولا فيه شي يشبهها بشكل واضح، تقدر تشوف عرض اللعبة عشان تفهم اللعبة بشكل أفضل.
فيديو اللعبة
Loading ...
عبد الله محمد
احمد خالد
Saudi Gamer
