أحمد قربان
شركة نينتندو (Nintendo) أعلنت في مؤتمر لها في اليابان عن النسخ المطورة لاصدارات الـ3DS و3DS XL (في اليابان يسمونه 3DS LL).
الجهاز الجديد فيه الوان جديدة و فيه عصاة تحكم ثانية (C-Stick) فوق ازارير الاكس والواي. الجهاز راح يدعم خاصية الNFC الموجودة في الجوالات الجديدة، وراح يكون فيه ازرار الـZR و LR الموجودة في اجهزة تحكم الوي يو. اماكن بطاقة الذاكرة و زر التشغيل و القلم كلها صارت في اسفل الجهاز، بالاضافة الى انه يدعم بطاقة ذاكرة مايكرو اس دي.
الشي الجديد اللي سووه هو تطوير خاصية الثري دي، اول كان الناس يشتكوا من عدم وضوح الثري دي ويقولوا الشاشة كأنها مهزوزة، الان صارت الكاميرا تحدد عين اللاعب وتضبط الشاشة على عينه وتصير الرؤية واضحة. اضافوا كمان خاصية انك تغير غطا الجهاز السفلي والعلوي.
اخر شي، نينتدو وضحت ان الجهاز الجديد راح يكون اقوى و اسرع في التنزيل و في المعالجة. أعلنوا عن اصدار جديد للعبة زينوبلايد كرونيكلز (Xenoblade Chronicles).
الفيديو تحت راح يوضح فرق الجرافكس و قوة الجهاز على تشغيل العاب اقوى من الالعاب الي كانت تشتغل على الثري دي اس القديم. وهذا الشي يبين لنا ان بيكون في العاب جديدة ما راح يدعمها جهاز الثري دي الس القديم.
تقدروا تشوفوا صور اكثر للجهاز في المصدر الموجود اخر الخبر.
خطوة جميلة من نينتدو، ننتظر وصوله في الاسواق العالمية وعندنا بالتحديد و اذا سعره مقبول ممكن اشتريه، ممكن يكون زي الفيتا بحيث انه يقدر يشغل العاب الوي يو و ممكن يسمح بالكروس بلاي اللي تسمح لك تشتري اللعبة مرة وحدة وتلعبها على جهازين مجانا، كلها احتمالات ومالنا الا ننتظر اعلانات وتفاصيل اكثر ونحكم بشكل اكبر، لكن مبدئيا في نظري خطوة موفقة.
اش رايكم تشوفوا ان الخطوة موفقة ولا تقولوا ماله داعي؟ ممكن تشتروه لو نزل عندنا؟ شاركونا!
احمد خالد
بارعة
