مشهور الدبيان
مثل ما عوّدنا متابعينا الرهيبين كل سنة، بنحضر ان شاءالله انا ومدير التحرير (محمد الشريف) معرض جيمزكوم في ألمانيا بحيث نجيب لك جديد الألعاب وأي شي ثاني رهيب نلقاه هناك بطريقنا.
معرض جيمزكوم يعتبر الحدث الأضخم بالنسبة لمنطقتنا، لأن سوق الألعاب عندنا يتبع لأوروبا، وبالتالي الأسعار وتواريخ الاطلاق اللي بنعرفها في المعرض بتكون تقريباً نفس اللي بنشوفها في السوق السعودي، عكس معرض E3 اللي متخصص في السوق الأمريكي.
مثل ما سوينا في E3، حبينا نسهّل عليك متابعة التغطية وسوينا صفحة موّحده تلقى فيها كل شي نسويه للمعرض سواء كان مقالات، أو فيديوهات، أو صور، أو غيره!
الصفحة تلقاها هنا: saudigamer.com/gamescom
مجرّد ما ننزل فيديو من فيديوهات التغطيه بيظهر قسم الفيديو مباشرة في الصفحة. نفس الشي اذا نزلنا حلقة بودكاست خاصة (بنسجلها هالمرة ان شاءالله!). برضه روابط البث المباشر لكل مؤتمر بتطلع تحت العدّاد حقه، وأول ما يخلص المؤتمر بيتحول العدّاد الى رابط للملخص. صممنا الصفحة بحيث ترتاح وما عاد تحتاج تتابع شي غيرها، فنتمنى ان اعجبتك تشاركها مع اخوياك. واذا واجهت فيها أي خطأ أو مشكلة اتمنى تشاركنا فيه بالتعليقات عشان نصلحه بأسرع وقت.
انتظر تغطيتنا هاليومين!
بارعة
أيمن اليغشي
احمد خالد