فرح عبدالله
تم الاعلان بشكل مفاجئ عن قدوم لعبة بوردرلاندز: بري سيكويل (Borderlands: The Pre-Sequel) على البي سي واجهزة الجيل السابق فقط، اعلان كان مفاجئ لجماهير السلسلة. استوديو التطوير الاسترالي (2K Australia) قال ان فيه امل لاصدار اللعبة على اجهزة الجيل الجديد.
المطور توني لورنس (Tony Lawrence) قال في مقابلة مع (GameReactorTV) “احنا نعتقد اننا مكتفين بالتطوير على البلايستيشن 3، والاكس بوكس 360، والبي سي. جميع لاعبين بوردرلاندز 2 (Borderlands 2) يلعبون على هذي الاجهزة. هذا الخيار الي عندهم واحنا نكافئهم. لو الجمهور طلب اللعبة على اجهزة الجيل الجديد، راح نفكر بالموضوع. لكن حاليا نركز على الاجهزة الي نعرفها.”
مارك ارمسترونغ (Matt Armstrong) مخرج السلسلة اتفق مع كلام لورنس واضاف ” اكثر جماهيرنا مازالوا يملكون اجهزتهم الاكس بوكس 360 والبلايستيشن 3. والشي الثاني هو ان اللعبة جزء من ثلاثية على اجهزة الجيل السابق، ولو اصدرناها على اجهزة الجيل الجديد كذا نجبر الجمهور يشتري جهاز جديد عشان يلعبها، واحنا نبغى نبعد عن هذا الشي”.
“ومثل ماقلنا، ممكن بيوم من الايام نفكر نصدرها على الجيل الجديد، بعد مانشوف ردة فعل الناس للعبة وقد ايش استمتعوا فيها، و اذا الكل راح ينتقل لاجهزة الجيل الجديد بعد سنه او لا. لكن حاليا احنا مبسوطين بقرارنا واعتقد الناس بعد بيكونون مبسوطين بالقرار.”
قرار مناسب لجماهير اللعبة الي مايملكون اجهزة الجيل الحالي، لكن احسها مسألة وقت لين تنزل السلسلة على اجهزة الجيل الحالي.
بارعة
احمد خالد
