أحمد قربان
قال المسؤول المالي لمعرض قيم ستوب (GameStop) توني بارتيل (Tony Bartel) بعد تخفيض سعر جهاز الاكس بوكس ون (Xbox One):” اعتقد ان الطلبات الزايدة على الاكس ون في معارضنا سببها الرئيسي هو تخفيض السعر. والشي الجيد بالنسبة لنا اننا راح نبيع اجهزة اكثر، وهذا يعني اننا راح نجيب اجهزة زيادة ونعرضها للبيع.”
التخفيض هذا صار بناء على طلبات اللاعبين لشركة مايكروسوفت (Microsoft)، بحيث ان مايكروسوفت قررت تبيع الجهاز من غير الكينيكت (Kinect)، و الطلبات الان بتزيد لان سعره صار نفس سعر الجهاز النافس له بالسوق وهو البلايستيشن 4 (PlayStation 4). لكن مايكروسف مازالت مخططة لدعم الكينكت في المستقبل.
قال المسؤول عن الاكس بوكس فيل سبنسر (Phil Spencer) عن دعم الكينكت:” الكينكت راح تظل مستحوذة على جزء مهم من نظرتنا الرئيسية للجهاز، راح نستمر نبتكر ونطور الكينكت، اعتقد انها ميزة مهمة جدا بالنسبة لنا.”
في نظري ان تخفيض السعر راح يجذب اللاعبين والمستهلكين بشكل كبير جدا، لكن راح يبعد المطورين عن التصنيع للاكس ون، لان التخبطات وتغيير الخطط المفاجئ راح يأثر بشكل كبير خلف الكواليس و راح يتعب المصممين جدا. لكن الزبدة ان انا كلاعب ومستهلك مبسوط بهذا القرار و مافرق معايا اللي يصير للمطور.
اش رايكم تتعقدو ان هذه بوادر زيادة مبيعات الاكس ون و ان الجهاز راح يبيع اكثر من البلايستيشن 4 في المستقبل؟ شاركونا.
بارعة
احمد خالد
