أحمد قربان
مصمم جهاز الاكس بوكس ون (Xbox One) كارل ليدبيتر (Carl Ledbetter) قال انهم فكرو بشكل جدي باضافة خدمة الكينكت (Kinect) في داخل جهاز الاكس ون لكن التقنية الحالية خلت الموضوع هذا شبه مستحيل.
اضافة الكينكت للجهاز راح تخلي الخدمة دائما شغالة، لكن بعد مافصلو الكينكت عن الاكس ون صار لازم يصنعو جهاز جديد اذا بيضيفو هذي الخاصية.
قال كارل:” صنعنا نماذج مختلفة بالكينيكت، واشغلنا فوق طاقتنا، هل نقدر فعلا نضيف كل المزايا في جهاز واحد؟ راح يشتغل تمام؟ مع العلم ان التقنية ماوصلت لهذي المرحلة اصلا. اذا سويت جهاز اكبر من الكينيكت الناس ماراح يحطوه بجانب التلفزيون، راح يكون حجمه مرة كبير.”
قال كارل عن سعادته بفصل الكينيكت عن الجهاز وانها صارت اختيارية مو اجبارية:” هم اتصنعوا مع بعض ويكملوا بعض، لكن المستهلك يقدر يختار اذا يبغا الكينيكت ولا لا، لو مااخذها كل الخدمتين راح تشتغل من دون مشاكل.”
كمل كارل:” انا اشارك الجميع بأن المستهلك أفضل يكون عنده اختيارات اكثر في الشراء، هذي الطريقة راح تجلب لنا مستهلكين اكثر، وهذا الشي رهيب.”
من يوم 9 يونيو (June) راح يكون الاكس ون متوفر في جميع الاسواق اللي تبيعه بسعر 399 دولار وراح يكون مفصول عن الكينكت، جهاز الكينكت راح ينباع لحاله في الخريف القادم.
في نظري الحركة هذي راح تخلي اللاعب يفكر مرتين لما يشتري اجهزة الجيل الجديد، السعر نفسه والمواصفات قريبة والشركتين تبغا تكسب العميل بأي طريقة، هذا الشي مررررة ممتاز لنا كمستهلكين، ننتظر ونشوف اش ردة الفعل من سوني.
اش رايكم تعتقدوا ان الاكس ون راح يتفوق في المبيعات على بي اس 4 بهذي الحركة؟ شاركونا
احمد خالد
بارعة
