سوني تسحب المواصفات التقنيّة للعبة Watch Dogs اللي أعلنت عنها

دقة وضوح لعبة واتش دوجز (Watch Dogs) و معدل الاطارات تبقى شي غامض بما ان يوبي سوفت (Ubisoft) ترفض تعلق وسوني تتراجع عن تفاخرها بآداء اللعبة عالبلاي ستيشن 4. امس، موقع بلاي ستيشن قال ان الطريقة الوحيدة الي تستمتع فيها بواتش دوقز بدقة 1080p و معدل اطارات 60FPS هي عالبلاي ستيشن 4.

سوني تراجعت بهدوء عن الكلام الي كتبته بموقعها لكن مو قبل مايصيده موقع (GameInformer). انتشر الكلام بشكل كبير، وسلط الضوء على المنافسة بين آداء الالعاب عالبي اس 4 والاكس بوكس ون.

فيه اشاعه تقول ان اللعبة راح تكون بمعدل اطارات 30FPS على كل الانظمة، رغم ان نسخة الاكس بوكس ون راح تكون اقل دقة من نسخة البي اس 4.

واتش دوقز راح تنزل يوم 27 مايو عالبي سي، بلايستيشن3، بلايستيشن4، اكس بوكس 360، واكس بوكس ون. اما نسخة الوي يو (Wii U) ماتحدد موعد نزولها.

مهما كانت دقة وضوحها ومعدل اطاراتها ما اتوقع بتكون مخيسة على اجهزة الجيل الجديد عموما بتكون عالية لكن مو متاكدين من صحةالارقام.

وش تتوقع سبب سحب بلاي ستيشن لمواصفات ووتش دوجز التقنية؟