محمد الشريف
أعلنت سوني قبل فترة ان مبيعات جهازها بلاي ستيشن 4 تجاوزت 7 مليون جهاز، وان مجموع الألعاب اللي باعتها على الجهاز تجاوزت 20 مليون لعبة. أظن كلنا يعرف ان بلاي ستيشن 4 ماهو متوفر بالأسواق من نزل الى الآن، بسبب الطلب الهائل عليه.
هذا السؤال يدور في بالي من فترة طويلة، خصوصاً وان سوني تعيش فترة استثنائية مع بلاي ستيشن 4. كل جهاز بلاي ستيشن بدأ بداية تعيسة، ولكن مع مر السنين تصحصح سوني وتبدأ تشتغل بشكل صحيح. شفنا بلاي ستيشن الأول يتخبط في البداية، ولكن في نهاية الجيل انتصر على الكل وباع 100 مليون جهاز، وكان الجهاز الأكثر مبيعاً وقتها. شفنا بعدها بلاي ستيشن 2 يتخبط في البداية، ولكن في نهاية الجيل ينتصر مرة ثانية ويبيع 155 مليون جهاز ويكسر رقمه القياسي حق بلاي ستيشن الأول. أما بلاي ستيشن 3 فحدث ولا حرج، بدايته كانت الأسوأ ولا قدرت سوني تستعيد السيطرة الا في 2009 (أو حولها) وترجع للمنافسة بعد تفوّق كبير وملحوظ سواءً من اكس بوكس 360 أو ننتيندو ويي.
نفس الشي مع PSP وPS Vita ولكن باختلاف بسيط، البي اس بي بدايته كانت تعيسة، لكن دعمته سوني ومشى حاله في آخر أيامه ووصلت مبيعاته الى 76 مليون نسخة. العدد هذا من المبيعات يعتبر ناجح، لكنه كان بعيد جداً عن منافسة Nintendo DS واللي باع أكثر من 153 مليون جهاز.
كل هذي الأشياء تخلي الواحد يخفف من توقعاته لبلاي ستيشن 4، وأنا أولهم. نزل بلاي ستيشن 4 قبل خمس او ست وشهور، ووصلت مبيعاته الى الآن 7 مليون وهذا مع الأخذ بالاعتبار ان الجهاز مخلّص في كل أنحاء العالم، وانه لو كان متوفر احتمال يبيع أكثر من هذا العدد.
بعيد عن التعصّب وغيره من السوالف، نبغاك تجاوب السؤال بصراحة: هل كنت تتوقع لبلاي ستيشن 4 هذا النجاح؟ ووش كانت توقعاتك لأداء الجهاز قبل لا ينزل؟
Saudi Gamer
أحمد عصام
