محمد الشريف
يقول بوبي كوتيك (Boby Kotick) المدير التنفيذي لشركة آكتفيجن،في مقابلة معه ان الشركة الناشرة للعبة الطموحة جداً ديستيني (Destiny) ان ميزانية لعبة ديستيني على وشك توصل 500 مليون دولار. يتوقع المحللين ان اللعبة لازم تبيع مبيعات “كبيرة” عشان تغطي تكاليف اللعبة، وعشان تبدأ تربح الشركة منها بعدها. عدد المبيعات اللي تحتاجها اللعبة عشان تغطي تكلفتها فقط هي 15 الى 16 مليون نسخة.
واحد من المحللين يتوقع ان ديستيني راح تشحن (تشحن وليس تبيع) 8 مليون نسخة. يقول المحلل برضه ان الموضوع صعب بما انها لعبة جديدة باسم جديد، ولكن احتمال ان اللعبة تفاجئ الجميع وتبيع كثير.
آكتفيجن من الشركات اللي ما تغامر كثير وغالباً تمشي على الطريق المضمون، وشفنا هذا الشي بوضوح في سلسلتها المعروفة كول أوف دوتي. لكن يبدو انها غيّرت رأيها أخيراً السنة هذي، سواءً مع ديستيني أو حتى مع سلسلتها كول أوف دوتي.
ديستيني لعبة بيتم دعمها لمدة عشر سنوات، حسب كلام المطوّر والناشر لها. اللعبة تركز بشكل كبير على العناصر التعاونية في عالم مفتوح.
وش اللي تحتاجه ديستيني عشان تنجح نجاح كبير وتغطي تكاليفها العالية؟
بارعة
احمد خالد
أيمن اليغشي
