محمد الشريف
بيل قيتس (Bill Gates) مؤسس شركة مايكروسوفت، قال في مقابلة انه لو طرحوا عليه في يوم من الأيام فصل اكس بوكس عن باقي شركة مايكروسوفت، فراح يوافق ويؤيد هذي الخطوة.
تكلم بيل عن كثرة مجالات الألعاب اللي دخلت فيها مايكروسوت، يقول: “حنا داخلين مجال ألعاب البي سي، ومجال ألعاب ويندوز، ومجال ألعاب اكس بوكس، وجالسين نحاول اننا نجمعهم كلهم ونخليهم قريبين من بعضهم. قوة الرسومات في البي سي تعني ان بامكانك تسوي ألعاب رائعة، وأنا متأكد ان ساتيا (المدير التنفيذي الجديد لمايكروسوفت) حاط هذا الشي في باله.”
بعدها قالوا لبيل جيتس افترض ان في يوم من الأيام انطرح موضوع فصل الاكس بوكس عن باقي مايكروسوفت، وش بيكون رأيك تجاه هالموضوع؟ رد بيل وقال انه بيؤيد هذا الموضوع “بكل تأكيد”.
ما أتوقع ان هذا له علاقة بفشل أو نجاح الاكس بوكس ون، على ان شكل الموضوع الخارجي يوحي للناس ان مايكروسوفت متورطه بالاكس بوكس وتبغى تفتك منه. أتوقع قرار الفصل بيكون شبيه باللي صار مع سوني يوم فصلوا BRAVIA عن باقي الشركة، بحيث صارت برافيا شركة شبه مستقلة ولكن ملكيتها تبع سوني.
حط نفسك مكان بيل قيتس، وجاك سؤال يقولك لو اقترحوا عليك في يوم من الأيام انك تفصل اكس بوكس عن باقي شركة مايكروسوفت، هل بتوافق؟
بارعة
أيمن اليغشي