أكثر لعبة استمتعنا فيها هذا الشهر (ابريل 2014)

انتهى شهر ابريل، اللي نزل فيه عدد قليل من الألعاب. هذا الشهر كان عكس شهر مارس اللي قبله، واللي كان فيه الكثير من الألعاب.

نزلت ألعاب جيّدة، لكن مافيه شي استمتعنا فيه كثر ما استمتعنا بالحلقة الثالثة من الذئب بيننا (The Wolf Among Us)، واللي خلّتنا نختارها كأكثر لعبة استمتعنا فيها، على الرغم من انها “حلقة” من لعبة.

تميّزت الحلقة الثالثة بأشياء كثيرة تكلمت عنها في تقييمي لها، من أهمها الشخصية الشريرة الجديدة الرهيبه، والارتفاع اللي لاحظته في مستوى الموسيقى التصويرية في اللعبة، حتى اللي يقرون الكوميك (قصص مصوّرة) اللي تم استيحاء اللعبة منها تغيّرت آراءهم عن اللعبة، بعد ما كانوا يعتبرونها شاطحة وبعيدة عن الكوميكس.

وش كانت أكثر لعبة استمتعت فيها هذا الشهر، وليش؟