محمد الشريف
حسب تقرير انتشر على الانترنت، اشترا الناشر الياباني كادوكاوا (Kadokawa Games) المطوّر الياباني الموهوب فروم سوفت وير (From Software) المطوّر اللي اشتهر بتطوير لعبة التعذيب المعروفة، دارك سولز الأولى والثانية.
حسب التقرير، عملية شراء كادوكاوا لفروم سوفت وير المفروض انها تتم في 21 من شهر مايو الجاي. اشترى الناشر كوداكاوا 80% من أسهم سوفت وير، وبكذا يصير يملكها بشكل قانوني.
تكلم الرئيس التنفيذي لفروم سوفت وير عن عملية الشراء، وقال انه من الآن وطالع راح يقدرون يسوون ألعاب أعمق وأفضل في المستقبل.
فروم سوفت وير من المطورين اليابانيين القليلين اللي ظهروا في الوقت اللي طاحت فيه الصناعة اليابانية. أطلقوا في 2009 لعبتهم الحصرية على بلاي ستيشن 3 Demon’s Souls وبعدها بسنتين أطلقوا لعبتهم الثانية Dark Souls (نفس ديمونز سولز لكنها مطوّرة بشكل كبير) واللي نزلت على كل الأجهزة، وفي عام 2014 أطلقوا Dark Souls II واللي نزلت برضه على كل الأجهزة.
أحب فروم سوفت وير وأعتقد انهم من أفضل المطوّرين الموجودين حالياً، لعبتهم ديمونز سولز في 2009 أعادت لي الأمل في المطوّر الياباني. أغلب المطورين اليابانيين في السنوات الأخيرة يحاولون يقلدون الغرب ويفشلون، عكس فروم سوفت وير اللي “عرفوا السر” وصاروا يطورون بطريقتهم الخاصة، خصوصاً بطريقة القتال العجيبة واللي خلت كثير من اللاعبين اذا سمعوا عن طريقة قتال ممتازة على طول يقولون: “أفضل من دارك سولز؟”.
وش رأيك في لعبة دارك سولز؟
بارعة
احمد خالد
