محمد الشريف
من قال ان البي سي ما يجيب فلوس؟ حسب كلام DFC Intelligence -جهة بحوث متخصصة في ألعاب الفيديو والترفيه بشكل عام- ان أرباح البي سي تجاوزت أرباح الأجهزة المنزلية كلها مجتمعة مع بعضها.
يقول ديفيد كول في مقابلة: “بين اللاعبين الهاردكور (اللي يلعبون كثير) فيه تداخل كبير بسبب ان كثير من لاعبي الأجهزة المنزلية عندهم جهاز كمبيوتر يلعبون فيه. الفرق الكبير الحين ان الجهاز المنزلي صار جهاز فخم (يقصد مو ضروري) بينما البي سي صار وجوده شي ضروري. قبل سنوات بسيطة، العكس كان صحيح. هذا كله يعني ان جمهور البي سي أكبر من جمهور الأجهزة المنزلية.”
“ألعاب MOBA (ألعاب أونلاين تعتبر داخله تحت نوع RTS) مثل League of Legends وDota 2 سيطرت على كل شي من ناحية كثرة اللعب.”
حسب ما أذكر ان سوق البي سي له فترة وهو متجاوز الأجهزة المنزلية من ناحية الأرباح، على انه لا زال يعاني من مشكلته الأزلية وهي التهكير السهل اذا ما قارنّاه بالأجهزة المنزلية اللي غالباً يعرفون اللاعب اللي منزل الألعاب بشكل غير قانوني ويتم استبعاده من شبكة الأونلاين حقت الجهاز بكبرها.
عموماً، البي سي سوق رائع سواءً للمطوّر أو للاعب، وبتستمر هذي الأفضلية لصالح البي سي لسنوات قدام. شخصياً أنا مكتفي بالأجهزة المنزلية ومقتنع انها تعطيني تجربة “أسهل وأسرع” من البي سي.
وش جهاز اللعب المفضل بالنسبة لك، وليش تفضله على غيره؟
احمد خالد
Saudi Gamer
