احمد جابر
عالم العاب الفيديو فيه اساطير وخرافات نسمع فيها لكن مافيه دليل ملموس على وجودها؛ أشهرها هو دفن شركة اتاري (Atari) لمجموعة من الأجهزة والالعاب، منها ملايين من نسخ للعبة E.T الصادرة على جهازهم.
اسطورة دفن العاب واجهزة اتاري
في عام 1982، انتجت اتاري لعبة مقتبسة من الفلم الشهير E.T. اعتقدت الشركة ان اللعبة راح تبيع وبتكون ناجحة بشكل كبير بسبب شهرة الفلم الكبيرة بذاك الوقت. انتجت اتاري 5 ملايين نسخة، اكثر من عدد مبيعات جهاز Atari 2600. اللعبة باعت حوالي مليونين نسخة او اقل، فكان هذا احد اسباب انهيار سوق الالعاب وصناعتها، واعتبروها اسوء اطلاق واسوء فشل اعلاني بتاريخ الألعاب. وسببت خسائر كبيرة لشركة اتاري. وهي اللي قتلت جهازهم المعروف Atari 2600. فالاسطورة هي ان اتاري أضطرت بإنها تتخلص من اجهزتها وبعض الألعاب، واهم شيء تتخلص من لعبة E.T اللي تورطت فيها. فدفنتها في Alamogordo في ولاية New Mexico بعام 1983م وبشكل غير قانوني وبدون ما احد يدري. الكل سمع بالدفن وتكلم عنه لدرجة انه صار خرافة محلية في المكسيك وبعالم الألعاب.
عملية الحفر والكشف عن الالعاب المدفونة
قبل سنة تقريباً (في مايو 2013)، سمحت جهة مسؤولة في مدينة Alamogordo لـFuel Entertainment بإنها تحفر المنطقة اللي صار فيها دفن الالعاب. بعدها بـ7 اشهر، تعاونت مايكروسوفت و LightBox Interactive مع فريق Fuel Entertainment، اللي حصل على حقوق حصرية لتصوير عملية حفر الموقع.
بدؤوا الحفر امس (يوم 26 ابريل، 2014) ولقوا حتى الأن الألاف من نسخ لعبة E.T ومازال الحفر مستمر. وأخيراً تحولت الخرافة الى حقيقة!
وهذي بعض صور النسخ المدفونة:
من يصدق ان هذي اللعبة مدفونه لـ30 سنة؟ هذي اللعبة كانت احد الاسباب اللي كادت تنهي صناعة الألعاب بكاملها لأنها كانت سيئة جداً، وسببت أزمة مالية لأكثر من شركة لدرجة انهم قرروا يدفنوها. شيء غريب. بس اللي حيرني ليش قرروا يبحثون عنها الأن؟ يمكن عشان اللعبة فيها فضائيين؟ مدري 🙂
هل تعتقد ان مايكروسوفت راح تخليها لعبة الشهر في جيمز وذ جولد؟ امزح امزح. وش رايك بهذا الحدث التاريخي؟
بارعة
احمد خالد
