احمد جابر
لعبة Another World احد افخم الالعاب القديمة بأيام 16 بت (16-bit) صدرت بعام 1991م ، هي لعبة مناقز (2D) تصير احداثها بعالم غريب تواجه فيه فضائيين وتحل الغاز علشان تنجوا بحياتك، اللعبة الهمت مطورين كبار امثال كوجيما (Hideo Kojima) اللي يعتبرها واحده من الالعاب الخمسة اللي اثرت فيه، أويدا (Fumito Ueda) يقول انها ألهمته لتطوير لعبة ايكو (Ico) وغيرهم، اللعبة تم اعادة اصدارها في 2010 لأجهزة الـPC ، الـIOS والاندرويد.
قبل شوي اشارت منظمة تقييم الالعاب الالمانية USK الى انه ممكن نشوف اعادة اصدار للعبة على اجهزة الالعاب المنزلية المختلفة منها اجهزة الجيل الحالي الـPS4 و الـXbox one والجيل السابق الـPS3 و الـXbox 360 والاجهزة المحمولة الـPS vita و الـ3DS وجهاز Wii U ( ماقدرت احدد من أي جيل 🙂 )، العبة راح تصدر رقميا (على المتاجر الالكترونية) لكن مافيه الى الان تأكيد ولا فيه أي معلومات من راح يكون مسؤول عن نشر اللعبة.
ودي اجرب هذي اللعبة على الـPS vita ياخي يكفي انها اثرت في كوجيما والهمت اويدا، صح موجودة على الجوال والـPC لكن احسها بتكون اجمل بكثير على الفيتا. هل راح تجرب اللعبة ؟ ووش الألعاب الكلاسيكية اللي تتمنى تشوفها على أجهزة الجيل الجديد؟
محمد الشريف
أحمد قربان
