فرح عبدالله
رجل يقتل ولده الي عمره سنة عشان يلعب لعبة فيديو، اول ظهور له في المحكمه كان يوم الجمعة.
كودي يوجين وايجانت (Cody Eugene Wygant) عمره 24، متهم بتجاهل ولده دايميون وايجانت (Daymeon Wygant) مع اذى جسدي شديد وقتل من الدرجة الثالثة. يالطيف!
وايجانت حط يده على فم وخشم ولده ل3 الى 4 دقايق عشان يوقف بكاء! واعترف بانه لف ولده في غطاء السرير بطريقة تمنعه من انه يتنفس. الام لاحظت ان الولد تحول لونه بنفسجي ومايتنفس، واتصلت بالطوارئ على طول.
سبب اتهامه بقتل من الدرجه الثالثه هو انه قال للمحققين انه ماكان يبغى يقتل ولده. يقول براد سميث (Brad Smith) واحد من المحققين “حسب افادة وايجانت، كان يبغى يسكت ولده، ماكان يحاول يقتله. لكن اذا كنت حاط يدك على فم ولد صغير، وتمنعه من انه يتنفس، بعدين تلفه في غطاء السرير، راح يجي في بالك انك قاعد تقتله!”.
بعد ما انتهى وايجانت من جريمته الشنيعة، راح يتفرج مسلسل ويلعب اكس بوكس لمدة خمس ساعات. ماكأنه سوى شي.
القاضي غرّم وايجانت 50,000$ دولار لكل تهمه، يصير المجموع 100,000$ دولار.
محاكمة وايجانت الثانية راح تكون في 23 مايو من هذي السنة.
اول الاب الكوري والحين هذا، لكن المشكله في عقلياتهم مو في العاب الفيديو.
وش رأيكم بالقضية المخيفة؟
أيمن اليغشي
احمد خالد
بارعة
محمد ليلة