أحمد قربان
بلاي ستيشن فور (Playstaion 4) مثل مانعرف غير متوفر بالسوق حالياً و الكميات الموجودة غير كافية لعدد المستهلكين، هذا الكلام ايضا قاله المدير التنفيذي لشركة سوني اندرو هاوس (Andrew House) في معرض مطوري الالعاب وقال كمان انه ماراح يكون متوفر بشكل كافي خلال الشهور القادمة.
قال مدير سوني التنفيذي: “احنا قاعدين نكافح عشان نلبي طلبات البلايستشن 4”
قال كمان: “عشان اكون صريح معاكم، الكميات راح تكون متوفرة بشكل كامل خلال بداية فترة الصيف” ياريته قال ان شاء الله، علما انه فترة الصيف تبدأ من شهر جون اللي هو بعد ثلاثة شهور تقريبا.
وقال ايضا انه اكثر الطلبات على الجهاز من امريكا الشمالية واوربا، ولكن بشكل عام المبيعات قوية في جميع المناطق اللي اصدروا فيها الجهاز.
نقطة اخيرة، حسب الاحصائيات الاخيرة، بلايستشن 4 سابق اكس بوكس ون (Xbox one) في المبيعات. بحيث اعلنوا في بداية بداية شهر مارس انه تم بيع 6 مليون جهاز بلايسيشن، ومن جهة ثانية اخر تصريح لمايكروسوفت كان مع بداية اصداره في شهر يناير و انه الاكس بوكس باع 3 مليون جهاز.
في الختام كلنا لاحظنا نقص الجهاز و كلنا نتمنا انه يرجع في اسرع وقت عشان نشتريه و يشتروه اصحابنا و نقدر نلعب سوا ونستغل الاجازة هذه بالشكل المطلوب. لكن للاسف التصريح هذا احبطني اولا واعتقد احبط معظم من كان ينتظر الجهاز في الفترة الحالية. نقول ان شاء الله انهم يوفروه قبل الصيف او على الاقل اذا هم على كلمتهم يوفروه بشكل فائض في الصيف مو بشكل كافي!
ايش رايك هل اشتريت الجهاز من بدري وارتحت ولا جالس تدور عليه؟ و اش رايك في تصريح اندرو هل تشوف انه صادق وقال الحقيقة ولا تقول انه لازم يوفر الجهاز بدري بأي طريقة؟
أحمد عصام
Saudi Gamer
