محمد الشريف 
يقولك الشيخة كيرين جرافانو (Karen Gravano) من مسلسل Mob Wives، رفعت قضيّة على روكستار، مطوّرة لعبة جراند ثيفت أوتو 5، تتهمهم بأنهم استخدموا شكلها وقصتها في لعبتهم.
الشخصية اللي تشبه كيرين، تقدر تلعبها في مهمّة جانبية باسم Burial. أحداث المهمّة هذي تشبه حدث صار في حياة كيرين، بالاضافة الى ان المهمّة فيها شخصية تشبه كيرين الى حد كبير، وهذا الشي خلاها ترفع قضية على روكستار.
في الشكوى اللي تم تقديمها للمحكمة مكتوب:” على الرغم من ان المدّعية (اللي هي كيرين) تحمل كامل الاحترام والتقدير لكتّاب قصة ومطوّري لعبة جراند ثيفت أوتو 5، الا ان قصتها المفروض تطلع منها هي، مو من غيرها”.
اللي مزعل كيرين انها كانت ناوية تطلع كتاب لسيرة حياتها، وانها ناوية تكتب الحدث هذا فيه، وروكستار لمن حطوا المهمة هذي خربوا عليها. عشان كذا زعلانة.
وش رايكم في الموضوع؟ من تتوقعون يكسب القضية؟
احمد خالد
أيمن اليغشي
