محمد الشريف
يقولك فيه تقرير طلع في الانترنت اليوم عن نيّة سوني لكشف نظارات محاكاة في معرض GDC القادم في سان فرانسيسكو، واللي بيصير في 17 مارس (بعد حوالي 25 يوم من الآن).
التقرير هذا نزل بعد سلسلة من الاشاعات عن هذي النظارة، موقع Techradar يزعم ان عنده مصادر خاصة تؤكد نيّة سوني عن هذا الكشف، وان المصدر الخاص حقهم هذا فعلاً جرّب الجهاز.
يقول المصدر الخاص:” جودة ووضوح النظارة رائع جداً، متأكد ان الناس بتنهبل بالشي اللي صنعته سوني”.
النظّارة هذي بتكون منافسة للقطعة المعروفة والمشهورة Oculus Rift، واللي جربناها في جيمزكوم 2012. بامكانكم تشوفون الفيديو مرة ثانية هنا:
برضه وصلتنا القطعة وسوينا عليها فيديو، في حال كنت تبي تشوف معلومات أكثر عنها.
على اني أقف ضد التقنيات هذي في الألعاب، الا اني ما أمانع أبداً في كونها موجودة كخيار للاعبين اللي يحبون هذي الأشياء. لكن شخصياً ما أتوقع اني باستخدم هالأشياء بما اني لاعب تقليدي يفضل فقط يد تحكم مع تلفزيون وكنبة مريحة وخلاص.
بارعة
Saudi Gamer
احمد خالد
أيمن اليغشي