محمد الشريف
القاتل النرويجي آندرز بريفيك، والمحكوم عليه سجن 21 سنة بسبب قتله لسبعة وسبعين شخص في حادثة شنيعة في 2011، هدّد باضرابه عن الطعام مقابل عدّة أشياء طلبها. الأشياء هذي من ضمنها: بلاي ستيشن 3 وألعاب ناضجة هو يختارها بنفسه، بدال البلاي ستيشن 2 اللي اعطوه اياه، وكنب يجلس عليه وقت اللعب بدال “الكرسي اللي يوجع”!
من ضمن الكلام اللي قاله أندرز، في رسالته اللي تم صياغتها وكتابتها بشكل ممتاز، يقول:” باقي المساجين يلعبون ألعاب ناضجة بينما أنا يعطوني ألعاب أطفال مثل رايمان”.
آندرز برضه يشتكي من أشياء كثيرة ولا هو راضي عنها في السجن، ويقول انهم “حطّوني في جحيم” وقال لحقين السجن “أنتم تقتلوني بهذي الطريقة”
الخبر ما ذكر أي شي عن حالة آندرز العقلية، ولو اني حاولت ألقى أي شي عنه. الحقيقة ان هذا شي عجيب، يعني ذابح 77 شخص وجاي تقول لحقين السجن ابغى بلاي ستيشن ولا تراني بأموت؟ يارجل احمد ربك انك على قيد الحياة، وان رقبتك ما طارت الى الحين!
شكراً للأخ عبدالعزيز الشهري على مشاركته للخبر في مجتمعنا في جوجل بلس.
احمد خالد
