أخبار

تسريب صور ومعلومات للعبتين أساسينز كريد بتنزل هذي السنة

leakedaccoverpic

يبدو ان السنه هذي راح تنزل لعبتين لسلسلة “اساسنز كريد”. اليوم تسربت صور وتفاصيل عن احد اللعبتين الي اسمها (احتمال يكون اسم أوّلي)  اساسنز كريد يونتي (Assassin’s Creed Unity ويظهر فيها شخصيه جديده. من الصور اللي تسربت، يبدو انها بتكون في باريس القرن ال 18 لان ظهر فيها بعض المعالم، ويبدو من ان اللعبه لازالت تحت التطوير والشخص الي سرب هذي الصور لموقع “كوتاكو” طلب انهم مايفصحون عن هويته، برضه قالوا ان اللعبه راح تنزل على اجهزة الجيل الحالي والقادم والـبي سي، اما اللعبه الثانيه الي محتمل اسمها يكون Assassin’s Creed: Comet  راح تنزل على اجهزة الجيل الحالي فقط ومافيه اي خبر عن الوي يو Wii U.

قصة يونتي راح تكون في الثوره الفرنسيه والبطل اسمه “ارنو” على حسب كلام الصدر اللي طلب عدم ذكر اسمه. هذي صورة ثانية مسربة، ويبدو انها نسخة قديمة للعبة.

leakedacgamepic

تتوقعون راح تنجح حركة اللعبتين ولا الشركه بدت “تحلب” السلسله اكثر من قبل؟ وهل الي سرب الصور يوبي سوفت نفسها ولا في شخص سربها؟ عن نفسي اشوف ان لعبتين في سنة وحده كثير بصراحه الا لو كانت احد اللعبتين لعبة اونلاين مثلاً او لعبه صغيره.

تحديث: الشركة نزلت فيديو رسمي

الوسوم
اظهر المزيد
إغلاق