كل شي مهم صار في مؤتمر مايكروسوفت Windows 10 تلقاه هنا

انتهى مؤتمر مايكروسوفت ويندوز 10 قبل شوي، وجبنا لكم أهم الأشياء اللي صارت واللي تهم الجيمرز.

بدون أي مقدمات ثانية، هذي أهم الاعلانات اللي صارت:

امكانية بث جميع ألعاب اكس بوكس ون على أي كمبيوتر بي سي

أعلنت مايكروسوفت عن ميزة جديدة، وهي امكانية بث كل ألعابك من اكس بوكس ون الى اي كمبيوتر ثاني عندك في البيت، بحيث تصير تقدر تلعب على أجهزة الكمبيوتر اللي عندك. مايكروسوفت قالت ان البث بيكون سريع، وعرضوا ديمو في الحدث وما لاحظنا وجود أي تأخير في الاستجابة. الميزة هذي تشمل الأجهزة اللوحية تبع ويندوز برضه، في حال كنت تملك وحدة.

البث بيكون مرتبط باتصال الانترنت حقك، بمعنى ان الرابط الأساسي ما بين الاكس بوكس وأجهزة الكمبيوتر هو الانترنت اللي عندك.

لعبة Fable Legends قادمة للبي سي واكس بوكس ون

بتنزل لعبة Fable Legends على اكس بوكس ون وبي سي نهاية هذي السنة، وبتدعم ميزة اللعب على المنصتين (cross platform) بمعنى انك تقدر تكمل لعبك سواءً من اكس بوكس ون او الكمبيوتر حقك، بنفس التخزين وكل شي.

نظام ويندوز 10 الجديد بيحتوي على تطبيق Xbox

من خلال هذا التطبيق، تقدر تسوي التالي:

• التواصل مع أصدقائك حقين اكس بوكس لايف سواءً رسايل أو مكالمات صوتية.
• تقدر تشوف انجازاتك achievements.
• تقدر تتفرج على الفيديوات اللي سجلتها في اكس بوكس ون.
• اذا لعبت على ويندوز 10، تقدر تسجل لقطات لعبك من خلال التطبيق.

تستخدم شبكة Steam على البي سي؟ ويندوز 10 بيشتغل معك تمام

صرّح فيل سبينسر ان برنامج ستيم “يشتغل بشكل رائع” على ويندوز 10. ويندوز 8 كان يعاني من بعض المشاكل مع ستيم، لكن يبدو ان مايكروسوفت الآن واعية بالوضع واخذت ستيم بالاعتبار. الكلام ما كان كثير عن ستيم، لكن جملة وحدة ممكن تعطي أمل كافي لأصحاب ستيم.

الاعلان عن جهاز واقع افتراضي باسم HoloLens

أعلنت مايكروسوفت عن جهازها للواقع الافتراضي، الجهاز ماهو بالضرورة منافس للأوكيولوس ريفت المعروفة، لكن تم تصميمه بحيث تقدر تستخدمه في التفاعل مع أشياء مثل البرامج (مثل سكايب) والألعاب (مثل ماينكرافت).

تقول مايكروسوفت ان هالجهاز هو أكثر الجهاز التفاعلي ثلاثي الأبعاد الأكثر تطورًا في العالم. الجهاز هذا ما راح يتطلب أي اتصال بجهاز ثاني، ما يحتاج انك تشبكه في جوالك أو غيره. هو يشتغل كجهاز بحد ذاته.

مايكروسوفت دعت كل الشركات الثانية انها تشاركها هالمشروع، وذكرت جوجل وأوكيولوس وغيرهم.

وش رأيك في الحدث؟

المصدر