الرئيسية / مقالات / ليش ما عندنا تطبيقات جوال، وما نخلي أحد يطوّرها لنا

ليش ما عندنا تطبيقات جوال، وما نخلي أحد يطوّرها لنا

whywedonthavemobileapparticle

أحد أكثر الاسئلة تكراراً اللي توصلنا على الايميل هي “ليش ما عندكم تطبيق جوال؟”. يبدو شيء منطقي صح؟ الجوالات الآن منتشره أكثر حتى من الكمبيوترات، والناس تفضّل تتصفّح المحتوى من خلال تطبيقات مو من خلال متصفّح الجوال، فليش لنا سنوات الآن ما طورنا تطبيق جوال؟ وليش نرفض مبادرات بعض المطوّرين اللي عندهم رغبة في انهم يطورون لنا تطبيقات؟

الموضوع أكثر تعقيداً مما يبدو. خلني أبدأ بنقطة ليش إلى الآن ما عندنا تطبيقات جوال

تكلفة التطوير

developmentcostpic

أول وأهم عنصر أخرنا في تطوير تطبيق هو ارتفاع تكاليف تطوير التطبيقات، خاصة اننا نحتاج (على الاقل) تطبيقين، واحد للآيفون وواحد للآندرويد.

تكلفة تطوير تطبيق على منصّة وحدة فقط ممكن تكلّفنا من 5000 ريال إلى 20 الف أو أكثر حتى. هل نقدر نتحمل مبلغ زي كذا؟ نقدر، ولكن هنا تجي المشكلة الثانية

جودة التطبيقات

appdevelopment

تقريباً كل الجهات اللي تواصلنا معها لتطوير تطبيق رسمي لسعودي جيمر تسوي تطبيقات جودتها “تمشي الحال”، وماشي الطلب عليها للأسف. تلقى التطبيق بطيء، أو ما يقدر يحمل المقالات بحيث يستعرضها أوفلاين، أو شكلة قبيح…الخ من المشاكل اللي تخليك ما تقبل فيه حتى لو هو ببلاش. الموضوع ماهو اننا نسوي تطبيق جوال لمجرد انه يكون عندنا تطبيق جوال. اذا تطبيق الجوال ما راح يخلي تصفّحك للمحتوى أسهل (وأرهب) من المتصفّح، فماله فايده صراحة.

وشخصياً اللي يصعّب علي اني القى تطبيق بجودة مناسبة هو اني مطوّر سابق، ومتخصّص في مجال تجربة المستخدم (user experience)، فأقدر انتبه لمشاكل كثير غيري ممكن يقبل بها ويعتقد انها شي عادي ما يأثر.

طيب ليش ما نسمح لأحد يطوّر لنا تطبيق؟

usingkeyobardphoneandtab

البعض يشوف أنه المفروض (منطقياً) نسمح لأي أحد حاب يطوّر لنا تطبيق (كمبادرة شخصية) اننا نسمح بهالشي ونفرح فيه. لكن للأسف ما نقدر نسمح بهالشي لعدة أسباب:

  • أي تقصير في شغل المطوّر هذا راح ينعكس سلبياً علينا بشكل مباشر. حتى الشكاوي راح تجينا حنا ما تجيه هو، وللأسف ما نقدر نسوي شي طالما أنه شخص آخر ماسك التطبيق.
  • تشتيت المتابعين بوجود أكثر من تطبيق كل واحد بمزايا وجودة تختلف عن الثاني.
  • الاستمرارية غير مضمونة أبداً. المطوّر سوا التطبيق بدون مقابل لأنه يحبنا (أو يبي يستغل شهرتنا)، لكن هالشي ما يعني انه مستعد يحل كل مشاكل التطبيق ويستمر في تطويره. فنتضرر حنا والمستخدمين.

وللأسف اضطرينا سابقاً اننا نتواصل مع آبل وجوجل لحذف عدة تطبيقات من متاجرهم تدّعي انها لنا. استغرب كيف مطوّرين هالتطبيقات يحسبون الوضع فوضى، وكل واحد يسوي تطبيق لأي جهه يبيها بدون إذن مسبق منها. نظرياً تبدو الحركة لطيفة جداً، لكن على أرض الواقع هي مجرد “توريط” لنا ولمستخدمينا.

متى بنشوف التطبيق الرسمي

manusingphone

لنا شهور نبحث بشكل مستمر عن شركة ممكن تطوّر لنا تطبيق رسمي بسعر معقول وجودة مناسبة، وحالياً جالسين نتواصل مع عدة شركات. مافيه وقت معيّن لطرح التطبيق الرسمي للأسف، لكن ثق تماماً اننا شغالين بشكل مستمر على هالشي، وما راح نرضى الا بجودة تخلي متابعتك للمحتوى اللي ننتجه أسهل وأسرع وأمتع.

شاهد أيضاً

Destiny 2

ملخص بأبرز ما جاء في حدث الكشف عن Destiny 2

خلال البث المباشر الذي استضافه استوديو “بِنجي”، أُعلِنَ عن عددٍ كبيرٍ من التفاصيل والمعلومات حول ...

  • سلطان

    السلام عليكم,
    اوافقك الراي اخوي, انت يوم تسوي شي لزم يكون بجودة عاليه حتى تستطيع ان تنافس ولا تفقد المستخدمين عندما يكون تطبيق مش حالك,
    التطبيقات عالية الجود يحتاج لها مبلغ وقدره وازين شي انك توظف مطورين بالساعه,

    انا مثلك اريد ان انشيء تطبيق العاب ولكن ابحث عن مطورين محترفين حتى لو كانوا اجانب ولكن حاط براسي ان التطبيق يمكن يتعدى تكلفتة ال 100$ الف دولار,,
    ي ليت اذا تعرف مطورين محترفين تعطيني خبر لاني عجزت احصل المطور المطلوب واكثر المعلومات الي حصلتها بالبحث هي مشتته,,

  • محمد الغامدي

    انا انصح الجميع ب طلب تطبيق من الموقع السعودي الأول لتطبيقات الجوال http://www.app101.sa عن تجربة شركة جبارة وعندها منتجات وخدمات احترافية وشكرا

  • تر كلها لغه برمجه و خلاص xD
    و الرفع على منصه الاندرويد و ال ios مجاني و سهل [مثل رفع مقطع]

    و المشكله اخبرك تقول انك مبرمج 🙂

    • ترا الشغل فيه رسم تصميم ، ولازم يكون للبرنامج صيانة ، وسيرفرات ٢٤ ساعة غير التكلفة الضخمة

      ودامها لغة وبرمجة ليه ماتجرب تسوي لك واحد ؟؟؟

  • Ahmed Alwasim

    فيه موقع عربي اتوقع الاغلب يعرفه (ايفون اسلام) لهم تطبيق على الايفون اجزم انه من افضل البرامج العربيه ليه؟ واجهة مستخدم جميلة وتتغير كل فترة سرعة في استخدام البرنامج تقدر تشوف المحتوى اوف لاين. اشوف لو تتواصل معهم يمكن تلقى حل

  • iMeMl

    كل هذي الاشياء اللي ذكرتها مهمه وخاصة جودة التطبيق … اغلب الطبيقات تجيك ( ابو كلب ) مشاكلها وااجد من تعليق وتصفح إلخ… ف لاتطرحون تطبيق لكم الا بعد م تكتمل هذي الشروط ..

  • الشمري

    اعملو تطبيق للويندوز فون

  • احمد

    اتمنى تسرعوا في تنزيل الطتبيق لاني ما اتصفح سعودي جيمر الا من الجوال
    دائما تقنعني بأسبابك يا مشهور

  • aood

    صار لي سنين أستخدم تطبيبقات RSS ، حاليا أستخدم Feedly .. ، ما اعتقد اني بستخدم تطبيق لمحتوى موقع واحد بس
    + ما أشوف ان فكرة تطبيق **بينقل محتوى الموقع فقط** بكون ناجح !

  • منيع الخليوي

    كلامك منطقي جداً، ودائماً الاحظ رخص تطبيقات المواقع، ووصلت انه حتى البنوك تطبيقاتهم أبوكلب وغير قابلة للإستخدام.

  • فواز الجهني

    لو سويتو تطبيق للويب راح تسوو رجه كبيره من جد لان اغلب الناس ما تتصفح المواقع تقريبا موضه قديمه ! ؟
    التطبيق راح يساعدكم كثير ويفيدكم وراح تاخذو دبل اللي دفعتوه في فتره قصيرة
    بالتوفيق نتمنا لكم الافضل 3>

  • Badr_Alsamm

    انا واحد من راسلكم بهذا الموضوع
    صراحة موضوع مهم جداً وفيه مصلحة كبيرة لانتشار موقعكم اكثر بين الشباب خصوصاً
    موفقين

  • محمد يوسف

    جميل جدا الكلام بس مشهور انا اشوف لو أحد المطورين تكفل بالمشروع وبعدين ينقل التطوير لجهتكم وانتو تصيرو متحكمين في التطبيق وانت طبعا مطور برامج يعني هذي شغلتك فماراح تصعب على فريق سعودي جيمر تطوير وتحديث التطبيق… أرجو الرد لو انا غلطان بشي

  • aboglambo

    معاكم حق واذا موب رهيب مثل الي تعودناه منكم
    ماستفدتم ولا نحن استفدنا
    وفي كثير تطبيقات مثل ماذكر لكنها ابوكلب وادخل موقع من البراوزر افضل

  • djxlegend

    ولله دايما كنت اسال نفسي ليش ماتسوون تطبيق زي المواقع الثانيه
    يوم فكرت فيها جتني سعاده
    ادخل على التطبيق واسمع البودكاست واروح اشوف الاخبار واشوف اخر الفيديوات
    ولله جد فكرو فيها ترا نسبه المتابعين من الجوالات اكثر المستخدمين حاليا العاديين
    مايبي يفتح متصفح ويروح يدور بالموقع وكذا
    كل العالم صارت بالجوالات
    مع اني اساسا ما اعترف بالجوال كمتصفح رئيسي كل شغلي على لاب توب ولا يمكن استغني عنه
    لكن فكروا بشريحه الناس الي عندها جوالات وكيف ممكن بتسهل عليهم سهوله الوصول لكم

  • mgmgmgmg505

    كيفكم

  • Hilalemoot

    التطبيق ماله داعي اهم شي توافقية الموقع على مختلف الاجهزة

    انا اتابع شركة ايفون اسلام بقوة ومحمل اكثر من برنامج للشركة،
    مسوين تطبيق جدا مميز لمتابعة اخبارهم ولا فكرة احمله

  • OlD Fan

    الموقع حاليا متوافق على معظم الجولات والتابلتات

    اشوف التركيز على نسخة الجوالات اه واوفر لكم

    لو حبيتو تسوو تطبيق خاص بالبودكاست فقط يكون شي حلو

    انه التطبيق يحمل البودكاست تلقائيا

    اماوالاخبار وكدا،، الموقع كافي ووافي

    • Lordawesome

      انا استعمل تطبيق اسمعلي على الاندرويد ويحمل تلقاءيا من تنزل كل حلقة واستعمل تطبيق البودكاست الرسمي من ابل وبعد يحمل تلقاءيا البودكاست اللي مشترك بيهم

  • صلاح الكثيري

    أقول يا مشهور

    نبي نسخة للويندوز بعد لا تنسونها مع الأندرويد والآيوس

    • ADSLGATE

      الويندوز فون قليل حيل اللي يستخدمونه وبيكلفهم مبلغ وقدره في تطوير نسخه له !

  • SHEMO

    ليه ما ترجع و تكتب في مدونتك الشخصية يا مشهور؟
    ما حصل شاركتنا بخبراتك البرمجية “^^

  • عبدالرحمن الميمان

    على عكس ما ابغى الا اذا ضبتوها بس لازم ميزات اسطورية مب تقليدية ابوكلبية

  • foxy

    فين five nights at freddy’s ؟؟
    اتمنى الجواب

  • ƨ§ζяεαм_¤ḟ_ĐêаṰħ

    آجل شل التطبيق من راسك أفضل

  • ipaly

    الموضوع ماهو اننا نسوي تطبيق جوال لمجرد انه يكون عندنا تطبيق جوال. اذا تطبيق الجوال ما راح يخلي تصفّحك للمحتوى أسهل (وأرهب) من المتصفّح، فماله فايده صراحة.
    _————————–

  • Anas

    مـا يـحـتـاج تـطـبـيـق
    يـكـفـي ان الـمـوقـع يـشـتـغـل تـمـام عـلـى الـجـوال

  • Fawaz

    اعتقد ان البرنامج ماله داعي .. لان موقعكم ممتاز جدااا

  • Daruko

    اقترح أنكم تعملوا تصويت. لاني أظن أغلب اللي يبغوا التطبيق من “الأقلية المتحمسة” “Vocal minority”. ال RSS مأدي الواجب. صح أن التطبيق اسهل وممكن يجيب لكم شهرة أكبر. لكن ما اعتقد انه يستاهل حالياً. أنا عن نفسي كثرة البرامج تجيب القلق

    دمتم سالمين

    • abdulkarim_ba-s

      وش هو ال RSS. 😕

  • omarmfz

    ما أحس انه ضروري حيث أن الموقع يشتغل تمام ولا عليه مشاكل ويتعامل مع الجوال زين
    بالعربي لا تصلح الي مب خربان

  • abdulkarim_ba-s

    ولا يهمك يا مشهور ان شاء الله اذا تخرجت بعد خمس سنين رح اسويلكم تطبيق وببلاش.ما يغلا عليك يا اخي..

    ردد ردد ياليل ماطولك.هههه

  • ياسر

    اخيراً كتبت يامشهور ☺
    ولايهون باقي الكتاب

    فعلاً.. مسألة أن التطبيق بكره بيحتاج تحديثات وإصلاحات هذا شي مهم جداً.. بالذات أنه بيعكس سمعتكم الرائعة حالياً

    ماأقول الا الله يوفقكم يارب

  • Amer

    ولا تنسون منصة WP حتى حنا نتابعكم

  • alwaleed_alhayani

    كلام صح
    بس ما للتطبيق داعي لان فيه اليوتيوب و البرودكاست و البرامج الاخری لكن
    اللي اتوقع انه ما بيجيب لكم متابعين زي اليوتيوب ولا البرودكاست الخ..
    وانتم مضغوطين مع اليوتيوب “واحس”انكم ما بتقدرون توفون للمتابعين زي اليوتيوب والبرودكاست
    وجهة نظر لا اقل ولا اكثر

    معجبكم الرهيب^_^

  • ابو خشم سنيك

    لا تكلفون على انفسكم, و اذا مصممين يكفي تطبيق يعطي تنبيه باضافة شيء على الموقع او على القناة او بث تويتش و فيه رابط ينقلك للمتصفح او اليوتيوب او تويتش, و يا دار ما دخلك شر. ماش قصيمي مضروب يا مشهور. وين توفير المصاري و الاستثمار و ادارة المخاطر و بعد النظر و الحنكة القصيمية.

    • ابو خشم سنيك

      شغلة ثانية ما لها علاقة في الموضوع, لكن متاكد ان هالموضوع بالذات بتقرؤون كل كلمة فيه. عددكم ما شاء الله كبير و كلكم قيمرز محترفين و تلعبون العاب مختلفة. اتمنى اي واحد منكم لما يلعب يبث على تويتش حتى بدون كام يشغل المايك. مع الجيل الجديد و البي سي بث تويتش سهل. المشكلة يمكن بالنت. قناتكم تحنطت ياااااخي.

      • ابو خشم سنيك

        تعبت و انا اعلم فيكم.

        عطني الرومي
        عطني أبو 2

        << اللي بالي بالك متطلم.

  • nitro361

    اذا على الاندرويد انا اضمن لكم جودة وسعر رخيص واعطيكم مصدر التطبيق عشان تقدرو تعدلو عليه وترفعوه بإسمكم لكن للأيفون دورو غيري

  • فكرة انه يكون فيه تطبيق يغني عن الدخول للموقع عن طريق متصفح الجوال
    شي لابد منه ،، بس اتفق معك يا شي زي العالم والناس وسهل والواحد خلاص يرتاح عليه
    او لا تسوو احسن ،، واحييك على هذا المبدأ.

  • عادل

    لو عملت تصويت راح تحصل ان اغلب المتابعين ما يهم نهائيا التطبيق

    شخصيا اشوف ان تطوير تطبيق لسعودي جيمر هو مجرد اضاعة للمال !!

    وش اللي راح يقدمه لي التطبيق زيادة على الموقع !؟

    • abdulkarim_ba-s

      انا اخالفك الراي يا عادل لو فيه تطبيق بيكون اريح لك من المتصفح.
      وعلى سبيل المثال ليش تثبت تطبيق تويتر وفيسبوك وانستقرام و…..الخ. وانت تقدر تتصفحهم كلهم من المتصفح؟

  • دحيّم xbox

    بالنسبة لي اشوف صفحة الويب على الجوال جداً رائعة ومتوافقة مع شاشات الجوالات ولا نحتاج تطبيق

  • رياض

    عن نفسي RSS يكفي

  • منصور

    من زمان يا مشهور ما كتبت موضوع
    طيب دامهم يبون حط كيك ستارتر 🙂

  • عبدالله

    التطبيق بيكون اسهل واجمل واريحح لناا ‘
    الله يوفقكمم

    • ساممي عبداللة

      بالنسبة لي اشوف التطبيق راح يسسهل علي كثير من ناحية تصفح الموقع وﻻ الاستماع للبودكاست خصوصا اني في اليوم ازور الموقع اكثر من مره ومتاكد غيري كثير اتمنى اذا في امكانية يكون التطبيق متوفر راح يكون شي جدا رائع . مشهور ي خي انت شي خورافي هههه