أحمد قربان
اكدت شركة فالف (Valve) على موقع تويتر عن اسعار يد التحكم الخاصة بهم، سعر اليد راح يكون قريب 190 ريال وهو تقريبا نفس اسعار يد تحكم البلايستيشن 4 و الاكس بوكس ون. اليد راح يتم اصدراها خلال شهر نوفمبر.
الى الان مانعرف اذا اليد راح تشتغل مع نظام الويندوز او الماك (Mac) بحيث يصير تعاون بين فالف واحد الشركات لكن الاكيد انها راح تشتغل مع نظام ستيم و اجهزة ستيم.
اليد كتبنا عن شكلها سابقا بحيث انها راح تدعم خاصية اللمس، وراح يكون فيها هزاز عالي الوضوح بحيث انه يهز بالضبط على قوة اللعبة، وايضا راح يكون في ازارير عادية بالاضافة لعصا التحكم.
اليد راح تسمح لك انك تعدل في التحكم مثل ماتبغا، ايضا راح تكون ملائمة ليد اللاعب و تراعي حجم اصابعه ودقة اللمس.
ما اقدر احكم على اليد الا بعد التجربة، اتوقع اما انها تكون سيئة جدا، او مرة رهيبة وتحدث ثورة في عالم ايادي التحكم.
اش رايكم بسعرها وشكلها؟
احمد خالد
Saudi Gamer
بارعة