محمد الشريف
اذا كنت من الناس اللي اشتروا أساسنز كريد يونيتي، فغالباً لاحظت المشاكل التقنية الكبيرة في اللعبة. يوبيسوفت أعلنت اليوم عن التحديثات اللي بتجي.
بالنسبة للتحديث الأول، بيصلح المشاكل هذي:
- الشخصية الرئيسية Arno أحياناً يطيح وسط الأرض بشكل مفاجئ.
- اللعبة تعلّق أحياناً اذا دخلت الطورالتعاوني co-op مع أحد.
- بعض الأحيان الأعدء يكتشفون مكان اختباء آرنو، حتى لو كان مختبي في hay stack (كومة القش).
- اذا شغلت اللعبة، أحياناً تاخذ وقت طويل الين ما توصل للقائمة الرئيسية.
بالنسبة للتحديث اللي بعده، أو ممكن يوبيسوفت تشمله مع التحديث هذا اذا امداهم، فراح يصلحون المشاكل هذي:
- مشاكل في اطارات اللعبة (بحيث تصير اللعبة بطيئة وتعلق).
- مشاكل وأخطاء في الرسوم، بحيث بعض الأحيان الشخصيات تدخل في بعضها أو في أي شي حولها.
- مشاكل في نظام اختيار اللاعبين matchmaking في الطور التعاوني.
- مشاكل في نقاط اللعبة Helix Points.
بالاضافة الى هذا كله، نسخة البي سي تعاني من مشاكل في كرت AMD، والآن يوبيسوفت تخاطب الشركة عشان يحلون المشاكل.
وش المشاكل اللي واجهتها في اللعبة الى الآن؟
احمد خالد
بارعة
أيمن اليغشي