أحمد قربان
لعبة ذا لاست اوف از ريماسترد (The Last of Us: Remastered) اللعبة اللي منتظرينها بفارغ الصبر على البلايستيشن 4 (Playstation 4)، على حسب كلام احد المطورين في الشركة المطورة شركة نوتي دوق (Naughty Dog) ان تجربة اللعبة راح تخلينا نشعر بقيمة اجهزة الجيل الجديد فعلا.
شخص يشتغل في نوتي دوق اسمه درو ثالير (Drew Thaler) قال ان مافي مقارنة بين نسخة بي اس 3 و بي اس 4.
قال درو على حسابه في تويتر ان على الرغم من الوضوح العالي جدا مقارنة ببي اس 3، و بالرغم من ان السي دي راح يكون بداخله كامل الاضافات اللي هي ليفت بيهايند (Left Behind) اللي حجمها 5 قيقا بايت والخرائط تبع اللعب الجماعي كاملة اللي حجمها 1 قيقا، هذا كله مع تحسين اللعبة الكامل ما راح يأثر على سرعة التحميل و راح يكون تحميل اللعبة اسرع بكثير من التحميل اللي كان بطيئ في بي اس 3.
صراحة ودي اجرب اللعبة مرة ثانية بمواصفات الجهاز الجيل الجديد، وخصوصا شركة زي نوتي دوق ماتخيب ظنك في العابها ابدا. منتظرها بفارغ الصبر وابغا اجرب اضافة ليفت بيهايند في نفس الوقت.
اش رايكم قد ايش متحمسين للعبة؟ ولا تشوفوا ان خلاص اللعبة ماتحمسكم بعد ماخلصتوها؟ شاركونا
احمد خالد
بارعة
أيمن اليغشي