محمد الشريف
يبدو ان أكبر مشكلة لي مع باتلفيلد 4 على وشك تنحل. أعلنت دايس (DICE) مطوّر اللعبة عن قدوم نظام المجموعات squads لباتلفيلد قريباً، أخيراً بيصير بامكانك تلعب مع أخوياك في مجموعة وحدة.
“الميزة” على قولة دايس حالياً في مرحلة البيتا (مرحلة اختبارية)، واحتمال انها تطلع من مرحلة البيتا وتصير جاهزة للاستخدام بشكل كامل مع تحديث Dragon’s Teeth القادم في الصيف.
في مرحلة البيتا الحالية، بامكانك تدخل مع أخوياك في مجموعة قبل لا تدخلون أي معركة أونلاين، وبتجلسون مع بعضكم لمدة خمس جولات.
يبدو ان دايس تعلن عن هذا الشي وكأنه ميزة فعلاً، ونزلوا فيديو عن هذي الميزة:
اللي لعبوا أجزاء باتلفيلد اللي قبل يعرفون ان السلسلة تعاني ولسببٍ ما من هذي المشكلة، أذكر في باتلفيلد 3 وباد كومباني 2 كنا ندخل أنا وأصحابي في مجموعة، واذا بدأنا نلعب نكتشف ان كل واحد فجأة صار في مجموعة ثانية، وحتى بعضنا صار مع الفريق الخصم. دايس شالوا نظام المجموعات بكبره من باتلفيلد 4 وقرروا ينزلون اللعبة اللي مسوقينها على انها “اللعبة الجماعية” و”اللعبة اللي تلعبها مع أخوياك” …بدون نظام مجموعات
وش رأيك في اضافة نظام المجموعات في باتلفيلد 4؟ ووش اللي تشوفه ناقص في اللعبة الآن؟
احمد خالد
بارعة
