أحمد الراشد
من المعروف ان لمّا تنهي الاشتراك في خدمة البلايستيشن بلس (Playstation Plus)، الألعاب المجانية اللي تجي معها ما تشتغل. قبل فترة، اعلنت سوني ان اللي عنده اشتراك بلايستيشن بلس يقدر يجرّب لعبة Driveclub، واذا عجبته يقدر يدفع 50$ وياخذ النسخة الكاملة (بدال ما يدفع 60$، سعر اللعبة الاساسي).
لكن حصلت مشكلة مع هذا العرض؛ اذا كنت من مشتركين البلس ودفعت 50$ عشان تاخذ النسخة الكاملة، اللعبة ما راح تشتغل اذا خلص اشتراكك. طبعاً عبّر اللاعبين عن غضبهم في هذا الموضوع، لكن سوني ردت وقالت ان اللي دفع 50$ على اللعبة، بتشتغل معاه اللعبة حتى لو خلص اشتراكه في البلس. انقاذ حلو من سوني لهذا الموقف.
باين ان سوني قاعدة تحاول تجرب طرق جديدة لبيع العابها، وهذا شي كويّس خصوصاً انه ما يضر المستهلك.
وش رأيكم في الموضوع؟ هل بتشترون اللعبة بالسعر الكامل (60$)؟ والا بتاخذونها بسعر البلس (50$)؟ اكتبوا لنا تعليقاتكم!
أحمد عصام
احمد خالد
Saudi Gamer