محمد الشريف
قبل فترة بسيطة، طلع لنا فيديو غريب جداً وصلنا له من تغريدة لحساب بلاي ستيشن أوروبا.
الفيديو بكل بساطة تقدر توصفه بكلمة وحدة: غريب. مافيه أحد قدر يتوصّل لتحليل مقنع عن الفيديوات اللي نزلت للعبة. ماحد يعرف ايش نوع اللعبة غير انها لعبة رعب غالب الظن انها بتكون في الزمن المستقبلي.
الشي الوحيد اللي نعرفه عن اللعبة انها بتنزل على PS4. فيه ناس افترضوا انها بتكون لعبة رعب حصرية على PS4، وفيه ناس قالوا انها احتمال تكون لعبة بتنزل على PC وPS4. مافيه أي خبر عن نزولها للـ Xbox One للآن. هنا موقع اللعبة الرسمي، اللي برضو لا يقل غرابة.
اللي ما شاف الفيديو الأول اللي نزل قبل فترة، يتفضل يتفرج عليه هنا:
مافيه شي واضح تقدر تفهمه من الفيديو، غير انه في النهاية تشوف صورة رجل طاح على الأرض في الشاشة اللي قدام البنت، وهو الحدث اللي خلّا البنت تخاف وتطلب اغلاق التسجيل وكأن طيحة الرجل حدث خارج عن المتوقّع.
من أهم الأشياء اللي تستاهل الذكر، ان مطوّر اللعبة هذي هو Frictional Games المطوّر البطل اللي سوا لنا لعبة Amnesia: The Dark Descent، اللعبة الوحيدة اللي أعتبرها لعبة Survival Horror أو لعبة رعب بالطريقة الكلاسيكية، وهي النجاة والبقاء على قيد الحياة. أكثر من مرة في البودكاست ذكرت انها أفضل لعبة رعب هذا الجيل، وانها المثال الصحيح لألعاب الرعب بالنسبة لي.
طبعاً لعبة SOMA يبدو انها تختلف اختلاف كبير عن Amnesia، خصوصاً في عالم أحداث اللعبة (settings). آمنيشيا أحداثها كانت في الزمن القديم أما سوما فيبدو ان أحداثها في المستقبل.
أما بالنسبة للفيديو الجديد، فهذا هو:
على الأقل في هذا الفيديو في كائن آلي يتكّلم ويتفاعل مع البنت اللي في الفيديو. الفيديو باختصار يجيب لك مقابلة مسجّلة مع الكائن الآلي، يسألونه فيها أسئلة عشان يلاحظون سلوكه وردود أفعاله. جابوا له شخص ثاني يسأله ويشوف ردة فعله ولكن لاحظ الشخص هذا ان الكائن الآلي بطريقة أو بأخرى…هو عبارة عن نسخة ثانية له!
تقدر تلاحظ ان المعلومات المسجلة في الآلي هي نفس المعلومات اللي في الراس الشخص، وبدقة عالية جداً لدرجة ان الشخص انزعج من الموضوع وقرّر يطلع من الغرفة.
ما أقدر أحلّل أكثر من كذا بما ان الفيديوات اللي طلعت كلها غامضة جداً، لكن أقدر أقول ان الرعب النفسي بيلعب دور أساسي فيها، وهذا بكل تأكيد نوع الرعب اللي أبحث عنه في الألعاب!
متى ما قرروا مطورين اللعبة يكشفون عن حقيقة اللعبة بنتناقش عنها مرة ثانية، ولكن الى ذاك الوقت ما عندنا غير اننا نحلّل ونحاول. وش الأشياء اللي قدرت تعرفها من خلال الفيديوات؟ وهل تتوقع لهذا النوع من ألعاب الرعب النجاح في الجيل الجاي؟ شاركنا برأيك في التعليقات!
أيمن اليغشي
احمد خالد
