ريان الدويش
وش سالفة اللعبة
لعبة مغامرات وتحقيق، تلعب فيها بالمحقق الرهيب العبيط شارلوك هولمز. تواجه قضايا باللعبة ولازم تجمع اكبر عدد من الأدلة تقدر عليه عشان تحلها الحل الصحيح، نعم الحل الصحيح لأنك ممكن تجيب العيد وتظلم ناس بريئين.
معلومات اللعبة
الناشر: Focus Home Interavtive
المطور: Frogwares
تاريخ الإصدار: 09/30/2014
التصنيف العمري: PEGI 16+
عمر اللعبة: 15 ساعة (تقريبي)
الأجهزة الخاصة باللعبة: Xbox One, Xbox 360, PS4 (جهاز التقييم), PS3, PC
تحتاج إنجليزي؟: تحتاج
الايجابيات
- الغموض الي يجي بأغلب القضايا يشدك ويخليك تكمل تلعب تبي تكتشف حل الجريمة.
- الغاز صعوبتها تدريجيه تضيف طعم للعبة، ومعطينك خيار انك ماتسويها في حال ماتبي تضيع وقتك.
- توزيع ممتاز لعناصر اللعبة ولقوائمها، كل شي تحتاج تسويه بتلقاه بمكان واضح.
- موسيقى اللعبة مع انها مب شي خرافي، بس انها جميله ومتنوعه على حسب مكانك بالقضيه.
- حوارات اللعبة جميلة وبالغالب ماراح تطفش وانت تسمعها، خصوصا ان اللعبه تعتمد على الحوارات.
- بكل قضية عندك اكثر من مشتبه، وانت تقرر من تتهم بناء على تحليلك والادله الي لقيتها.
السلبيات
- مافيه قصة، مجرد قضايا متفرقه تحل وحده وتنتقل للي بعدها.
- على الرغم من تفرع النهايات، الا انها فعليا ماتأثر على مجرى اللعب لك، مجرد نتيجه ياتكون صح او غلط.
- طريقة اللعب بالرغم انه تحسنت مقارنة بالجزء السابق، الا انه لازال غير سلس.
- الرسومات وطريقة حركة الشخصيات (انميشن) اقل من عادية، بتلقى العاب كثير على الجيل الماضي متفوقه عليها.
- طريقة التنقل بين الاماكن اثناء القضية سيئة جدا، والمصيبه انه بين كل انتقال وانتقال فيه شاشة تحميل.
- تكرار مزعج بالالغاز افقد اللعبة عنصر مهم جدا مقارنة بالجزء السابق.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
على الرغم من الاضافات الكثيرة الي صارت بالجزء هذا، والي اضافت للعب شوي، الا ان المطور للأسف ما استفاد من الافكار بالشكل المثالي فصارت اضافه عاديه.
عموما اذا تحب العاب التحقيق والتفكير وتبي تغير جو عن العاب الاكشن والرياضة، شارلوك هولمز خيار مثالي بالوقت الحالي. غير كذا ما اشوف لها مكان بين الالعاب الي نزلت الفترة ذي والي بتنزل. واذا كنت مالعبت الجزء الي قبله، فالأفضل تاخذه بدل هذا. وعلى فكرة، اللعبة تحتاج روقان وبضعة زمزميات شاهي.
ألعاب مشابهة
- The Testament of Sherlock Holmes
- The Wolf among us ( تشبهها من ناحية الغموض واحيانا القرارات الي تتخذها )
فيديو اللعبة
Loading ...
عصام الشهوان
Saudi Gamer
سندس الخباز
