Item: تقييم: Mario Kart 8
Rating: 1
Author: أحمد الراشد

صوّت للعبة

No votes yet.

Please wait...

Mario-Kart-8-Review

وش سالفة اللعبة

جزء جديد منتظر من سلسلة ماريو كارت، وهي عبارة عن سباقات السيارات الصغيرة السريعة (Karts). تعتبر اللعبة من اشهر الالعاب في تاريخ العاب الفيديو. تتميز السلسلة بالتنافس فيها قوي، فيزيد هذا التنافس عناصر مثل استخدام الاسلحة ضد الخصم، ومعرفة الطرق المختصرة (Shortcuts).

معلومات اللعبة

الناشر: Nintendo

المطور: Nintendo EAD Group No. 1

تاريخ الإصدار: 05/30/2014

النوع: رياضة

التصنيف العمري: PEGI 3+

عمر اللعبة: 2-4 من الطور الرئيسي (تقريبي)

الأجهزة الخاصة باللعبة: Wii U (جهاز التقييم)

تحتاج إنجليزي؟: ما تحتاج

الايجابيات

جمال اللعبة من اجمل ما شفت في الفترة الأخيرة؛ يخليك تشك بقدرات الجهاز المعروف عنها بأنها ضعيفة.
اطارات اللعبة ثابتة على 60 اطار في الثانية مع لاعب واحد او لاعبين في نفس الجهاز، و 30 اذا كانوا اكثر من كذا.
التحكم سلس جداً وبسيط؛ تتعلمه بسهولة لكن صعب انك تتقنه. اللعبة تعتمد بشكل كبير على مهاراتك في التفحيط (Drifting) واستغلال الاسلحة. وتراني جرّبت كل الازرار 😛
تصميم المراحل في هذي اللعبة هي الافضل في السلسلة. المراحل فيها تفرعات وطرق سرية مختصرة تعطيك تجربة مختلفة في كل مرة تلعب المرحلة.
اللعب على طرق مقلوبة تتحدى الجاذبية (Anti-Gravity) يضيف استراتيجيات جديدة للعب. التصادم في هذي الطرق يزيد من سرعتك بعكس التصادم على الطريق الطبيعي. نتيجتها؟ تشوف اللاعبين يبعدون عن بعض على الأرض ويتصادمون بكل شراسة على الطرق المقلوبة.
اللعب اونلاين ما فيه اي تقطيع. تلعب مع لاعبين من كل انحاء العالم بدون مشاكل لدرجة اني لعبت مع ابعد ناس في الكرة الارضية (بالنسبة للسعودية) من يابانيين، استراليين، امريكان وغيرهم وما شفت اي تقطيع.

السلبيات

بالرغم من سلاسة لعب الاونلاين، ما في اي طريقة بإنك تسوي Invite لأخوياك، فتضطر إنك تستخدم وسائل اتصال خارج الوي يو (مثل Team Speak و Skype).
ما تقدر تاخذ اخوياك معاك وتلعب ضد لاعبين عشوائيين؛ في هذي الحالة لازم واحد منكم يدخل لعبة عشوائية والبقية يدخلون بعده.
ما تقدر تستخدم المحادثة الصوتية (Voice Chat) الا مع اخوياك بس، وقبل كل لعبة ومو اثناء اللعب.
طور الطقاق (Battle Mode) سيء وممل. جايبين لك مراحل السباق نفسها ومصغرينها، وتصميمها ما يناسب هذا الطور ابداً لأنها مو مصممة على شكل ساحة او ما يناسب هذا الطور.
شاشة يد التحكم الرئيسية (Gamepad) ما لها داعي. الشي الوحيد المميز (والمفيد) فيها هو انها توريك خريطة المرحلة.

التقييم النهائي

ابو كلب
تمشي الحال
ممتعة
ممتازة
اسطورية

الزبدة

هذي اللعبة من افضل الالعاب الجماعية اللي ممكن تدوم معاك سنين قدام. كنت اتمنى ان الاونلاين يكون افضل، وخاصة من ناحية التواصل مع الاصدقاء. لكن مع المراحل الجميلة والمصممة بشكل بارع، والتشكيلة الموزونة من الاسلحة، ماريو كارت 8 تعطيك تجربة جماعية ما تمل منها.