محمد الشريف
وش سالفة اللعبة
لعبة قصّة تفاعليّة، بحيث تتخّذ فيها قرارات تغيّر في أحداث القصة. قصّة اللعبة بشكل أساسي تتعلق ببنت اسمها Max Caufield، وهي طالبة جامعية تدرس تصوير، عندها قدرة غريبة، وهي التحكّم بالوقت. تتعرض البنت لأحداث معيّنة، بعضها يجبرها انها تعيد الوقت وتتخذ قرارات عشان تغيّر الحدث اللي صار. اللاعب بيكون له الحرية في اختيار القرار اللي يشوفه مناسب في الموقف.
ملاحظة: اللعبة لها ديمو تجريبي للحلقة الأولى، أنصحك تلحق عليه وتجرّب اللعبة بأسرع وقت لانه ديمو مؤقّت وبينشال بعد فترة.
معلومات اللعبة
الناشر: Square Enix
المطور: DONTNOD GAMES
تاريخ الإصدار: 01/30/2015
التصنيف العمري: PEGI 18+
عمر اللعبة: 3 ساعات (تقريبي)
الأجهزة الخاصة باللعبة: Xbox One, Xbox 360, PS4 (جهاز التقييم), PS3, PS Vita, PC
تحتاج إنجليزي؟: تحتاج
الايجابيات
- أخيرًا، لعبة تتخّذ فيها قرار وتشوف نتيجته بشكل واضح، ماهو فقط تسليك.
- أسلوب الرسم في اللعبة جميل، بحيث تحسّه رسم فنّي مخلوط مع شي بسيط من الطابع الكرتوني.
- موسيقى اللعبة أجمل شي فيها، غالباً تسمع عزف جيتار خفيف في الخلفية يضيف لمسة رائعة لأجواء اللعبة.
السلبيات
- أحداث الحلقة الأولى بالكامل ما كانت مهمّة. أخطر شي سوّيته أخذت قطعة فلاش درايف وأعطيته لواحد.
- على ان اللعبة تستخدم رسوم كرتونية جميلة، الا ان مظهر اللعبة بشكل عام بشع: تصميم الشخصيات بدائي، البيئات حولك مافيها تفصايل.
- مشكلة ألعاب القصص التفاعلية في ميكانيكيات اللعبن وهذي وحدة منها: كل اللي تسويه هو انك تكلّم الشخصيات أو تفتح بيبان أو تفتّش في الغرف.
- بعض الأحيان، اذا استخدمت قدرة اعادة الزمن أكثر من مرّه يصير خطأ تقني، وهو ان بعض الشخصيات تعلّق مكانها (نسخة البي سي سليمة من هذا).
- قصّة ضعيفة جدًا، تشبه أفلام هوليوود التجارية الرخيصة اللي فيها سوالف طلاب مراهقين في جامعة أمريكية.
ألعاب مشابهة
- The Walking Dead
- Heavy Rain
- The Wolf Among Us
فيديو اللعبة
Loading ...
عبد الله محمد
احمد خالد
Saudi Gamer
