Item: تقييم: Killzone: Shadow Fall
Rating: 1
Author: محمد الشريف

صوّت للعبة

Rating: 3.0/5. From 2 votes.

Please wait...

kzsf

الايجابيات

مستوى غير مسبوق من ناحية الرسومات على الأجهزة المنزلية. اذا تبغى أحد يشوف قوّة الرسومات في بلاي ستيشن 4، اعرض له هذي اللعبة.
قصة ممتازة بأحداث غير متوقعة.
استبدال سالفة انك مجرّد “جندي في وحدة عسكرية” تحاربون في كل مكان في العالم وتنقذونه من الأشرار، الى مهمّات فرديّة تلعبها لحالك وبالطريقة اللي تبغاها.
فتح المراحل بشكل أكبر من أي جزء قبل. الحين عندك الخيار انك تهاجم الأعداء من أكثر من مكان، وعندك خيارات كثيرة تسويها.
اضافة التسلّل والتخفّي للعبة. على عكس أغلب ألعاب التصويب الحربية، كيلزون في هذا الجزء تقدم لك خيار انك تتخفى وتتسلل.
تقنيات اضافية رائعة تستخدمها في اللعب. بدال ما تلعب لعبة حربية تقليدية وكل اللي تسويه مجرد تطلق على الناس، كيلزون في هذا الجزء أعطتك تقنيات مثل طائرة صغيرة تساعدك في أشياء كثيرة مرة، لدرجة ان استخدامها صار شبه أساسي.
مثل أجزاء كيلزون اللي فاتت، في هالجزء كيلزون قدمت لنا أسلحة رائعة وحماسية، تضيف الى تجربتك اضافة كبير وميّزتها عن غيرها.
مثل أجزاء كيلزون اللي فاتت، أطوار الأونلاين في هذا الجزء ممتازة جداً. أدمنت عليها أنا وأصحابي لدرجة اننا فضّلناها على Battlefield 4!
الذكاء الاصطناعي المتميّز. سلسلة كيلزون معروفة بذكاءها الاصطناعي، وفي هالجزء زاد الذكاء، بحكم انها لعبة على جهاز جديد بقدرات أقوى.

السلبيات

مشاكل كبيرة في تصميم المراحل. كثير من المرات بعد ما أنتهي من الأعداء أوقّف وأسأل نفسي: طيب وين أروح الحين؟ ماني عارف وين الهدف!
مشاكل غريبة في نقاط التخزين. عانيت كثير مع نقاط التخزين، لدرجة اني قررت ما أترك اللعبة الا اذا خلصت المرحلة، عشان أضمن بنسبة 100% ان لعبتي تخزنت.
بداية اللعبة سيئة جداً، سيئة لدرجة اني استغنيت عن اللعبة في البداية!
على ان الذكاء الاصطناعي متقدم في اللعبة، الا ان عليهم شطحات غريبة بعض الأحيان. تقريباً نفس ألعاب Resistance.
الاستغناء عن الرتب والترقية في الأونلاين. هذا أغرب وأجرأ قرار شفته، كيلزون -لسبب ما- قرروا يشيلون الرتب والترقيات، وبكذا انحرمنا من سالفة التقدم والتطوّر في الأونلاين.

التقييم النهائي

ابو كلب
تمشي الحال
ممتعة
ممتازة
اسطورية

الزبدة

هذا أكثر جزء صار فيه تغييرات في سلسلة كيلزون. شي نادر جداً انك تلقى لعبة مشهورة تغيّر بهذا الشكل الكبير والجريء فيها. التغييرات كانت في الاتجاه الصحيح ولو ان فيه ملاحظات ممكن تفسد عليك اللعبة وتغيّر رأيك بشكل كامل، مثل مشاكل التصميم والتخزين. اذا تبغى لعبة أونلاين ممتازة على البلاي ستيشن 4، بالاضافة الى طور قصة جيّد جداً، أنصحك بهذي اللعبة.