مشهور الدبيان
الايجابيات
- واقعية أكبر في اللعب سواءاً في تعامل اللاعبين مع بعض (في الاحتكاك والتغطية مثلاً) أو في تعامل اللاعبين مع الكرة نفسها بحيث يتعاملون معها بشكل أفضل حسب مهارتهم والرجل اللي يشوتون فيها. الواقعية هذي خلّت اللعب أصعب ويحتاج تركيز أكبر منك، لكني شخصياً أشوفه صار أمتع.
- ذكاء صناعي متطوّر بشكل ملحوظ خاصة خلال الهجمات. تمركز المهاجمين خلال الهجمات وحرصهم على عدم الوقوع في التسلّل صار أفضل وأضاف متعة للعب.
- القوائم تغيّرت واجهتها وصار لها واجهة جديدة جميلة وعمليّة تسهّل وتسرّع تصفّحها وتخليك تشوف خيارات أكثر بدال القائمة القلق اللي في فيفا 13، وحتى العربي يظهر فيها بشكل ممتاز.
- اضافات جديدة للأطوار الحالية مثل “الألتميت تيم” و “طور المهنة” تطوّر لك من تجربة اللعب. في الألتميت تيم مثلاً تقدر تخصّص “ستايل” معيّن للاعبك (من ستايلات محدّدة مسبقاً حسب مركزه) بحيث تعطيه دفعه في بعض مهاراته، وهالشي يعطي فريقك تميّز أكبر. اما في طور المهنة صار بامكانك مثلاً توظّف وتطوّر مستكشفي مهارات بحيث يدورون لك عن لاعبين حسب مواصفات معيّنة طول الموسم.
- طور “مواسم” تعاوني جديد في الأونلاين، نفس طور المواسم السابق لكن تلعب فيه مع خويّك اونلاين 2 ضد 2. اللعب فيه حماسي (مع انه ينرفز أحياناً اذا ما كان خويّك فاهمك)، بس انه ممتع جداً صراحة في حال كنت متفاهم مع خويك، حتى الاهداف يكون لها طعم أحلى اذا صارت بينكم.
- أخيييراً اذا انتهت المباراة اونلاين تقدر ترجع للقائمة الرئيسية بسرعه بدون ما تنتظر اللاعب الثاني يضغط زر. هذي من أكثر الأشياء اللي كانت تنرفزني في فيفا 13!
السلبيات
- الجرافيكس ما تطوّر، لدرجة انك ما راح تقدر تميّز بينها وبين فيفا 13. يحسّسك انك قاعد تلعب نفس اللعبة بس بتحديث جديد بدال ماهي لعبة جديدة.
- عبدالله الحربي وتعليقاته المخيسه اللي مادري وش تبي ما زالت موجودة. صرت أكره الرجال من تعليقه في فيفا بس! بعدين أستغرب بعد كل هالنجاح لفيفا 13 في منطقتنا ومع ذلك ما خلوا معلّق واحد بس يعلق على المباراة! وبالمناسبة التعليق تقريباً نفسه حق فيفا 13 (نفس الجمل بتسمعها)، بس اضافوا كم جملة جديدة.
- خلط غريب بين واجهة القوائم القديمة والجديدة. اعدادت اللعبة مثلاً تستخدم القوائم القديمه، بس توصل لها بالقوائم الجديدة. اعطاني احساس غريب وكأن الشغل ناقص.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
من الآخر، لعبة كرة القدم الأفضل صارت أفضل. فيفا ما تنافس الا نفسها الآن بالمزايا والحقوق اللي تملكها. اللعبة ممتعة وحماسية جداً كعادتها، لكن ما زال عندي ذاك الشعور الغريب اللي يحسّسني انها مجرّد فيفا 13 بتحديث جديد، يمكن لأن الجرافيكس وأشكال اللاعبين اللي بوجهي أغلب الوقت ما زال نفسه تقريباً؟ لكن مع ذلك مالك الا تشتريها اذا تستمتع بالعاب كرة القدم.
ألعاب مشابهة
- PES 14
فيديو اللعبة
Loading ...
عصام الشهوان
Saudi Gamer
سندس الخباز
احمد خالد