مشهور الدبيان
الايجابيات
- اللعب بـ”فيرجل”، اخو “دانتي” بطل اللعبة. مع ان فكرة نظام القتال تستمر زي ماهي، الا ان فيرجل اسلوبه يحسسك انك تلعب بـ ننجا (شي رهيب جداً بالنسبة لي) بما انه يستخدم سيف “كاتانا” كسلاحه الرئيسي (والوحيد)، ويتميّز بالحركه السريعة.
- نظام تقييم مستواك في الضربات المتتالية (الكومبو) يبدو لي انه صار يتطلّب مهاره اعلى الآن عشان توصل لأعلى مستوى. في اللعبة الأساسية كنت أجيب درجة SSS (أعلى شي) بكل سهولة.
- اضافة طريقة جديد لاستهلاك طاقة Devil Trigger. في اللعبة الأصلية كنت ما تقدر تستخدم هالطاقة الا عشان تخلي البطل يتحوّل لشخصية أقوى، الآن تقدر تستخدمه أيضاً لتنفيذ حركات قوية (ورهيبة) خاصة باللاعب بدون ما يتحوّل.
السلبيات
- يبدو ان تخصّص المطوّر (Ninja Theory) هو “تقبيح” ابطال اللعبة. شفت شكل فيرجل في صورة الموضوع؟ رهيب صح؟ عشان كذا غيروا شكله وصار شعره طايح على قدام بتسريحة غريبة مخليته كأنه في عرض أزياء.
- قصة ملفقه سطحية لأبعد درجة. والغريب انهم غيروا اسلوب العروض اللي تسرد القصه وصارت عروض مرسومه (انميشن)، ما كانت خطوه موفّقه ابداً.
- الاعداء ما يجبرونك على التنويع بشكل كبير في الاسلحة والحركات عكس اللي صار في اللعبة الرئيسية.
- التطويرات المتوفّرة لسلاحك اغلبها تركّز على الزياده من قوة الضربات أكثر من انها توفّر لك حركات جديدة.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
المحتوى الاضافي هذا يكمّل لك قصة اللعبة، ويضيف لك من 3 الى 5 ساعات لعب بالكثير، بمقابل 9 دولار (34 ريال تقريباً). للأسف ان الإضافة مافيها التنويع والعمق الموجودين في نظام القتال اللي موجود في اللعبة الأساسية، ومافيها حتى تحدّيات جانبية. لا تحرص انك تشتريها عشان تكمّل القصه لانها فعلياً ما تضيف اي احداث مهمة لها، لكن اذا استمتعت باللعبة الأساسية، فغالباً لازم تجرّب هذي لانها بتعطيك نكهة مختلفة في اللعب.
ألعاب مشابهة
- God of War
- Dark Siders
فيديو اللعبة
Saudi Gamer
عصام الشهوان
سندس الخباز