Item: تقييم: Contrast
Rating: 1
Author: محمد الشريف

صوّت للعبة

Rating: 4.0/5. From 2 votes.

Please wait...

contast

الايجابيات

فكرة اللعبة جميلة: أنت تلعب بشخصية عندها القدرة انها تتحوّل الى “ظل” على الجدران وتصير تستخدم هالميزة عشان تتجاوز العوائق وتوصل لأماكن ما تقدر توصل لها بشكلك الطبيعي.
ألغاز جميلة. استمتعت وأنا أشرب شاهي وأفكّر في حل الألغاز.
أجواء اللعبة والأصوات والموسيقى التصويرية اللي فيها أضافت اضافة جيّدة لطريقة اللعب، اللي تعتمد على حل الألغاز.
البساطة في اللعبة كانت في صالحها من ناحية طريقة اللعب. ما فيه أي شي تسويه في اللعبة غير انك تركض، تقفز، تندمج في الظل.
ببلاش لأصحاب البلاي ستيشن بلس!

السلبيات

اللعبة بسيطة من ناحية المحتوى بزيادة، بحيث حسيت ان اللعبة رخيصة في كثير من الأحيان.
القصة ما كان لها وجود مهم. اللي حمّسني اني أخلص اللعبة كانت الألغاز فقط، أما القصّة فكانت ضعيفة جداً.
اللعبة مليانة أخطاء تقنية. وصلت الى آخر اللعبة وحليت اللغز ولا صار شي، في الأخير اكتشفت ان اللعبة صار فيها خطأ تقني بحيث ما تستجيب وتستوعب اني حليت اللغز بشكل صحيح.
كثير من المرّات يقولك رح للمكان الفلاني، واللعبة فوق ما هي تعاني من تشابه كبير في تصميم المراحل، الا انها ما تعطيك سهم أو خريطة تورّيك المكان اللي تبغى تروح له! ياكثر ما ضيّعت في عالم اللعبة على انه عالم صغير.
بعض الأحيان تحس ان عالم اللعبة ميّت وفاضي. ما أذكر أحد من الشخصيات غير الشخصية الرئيسية والبنت الصغيرة وأبوها وأمها.

التقييم النهائي

ابو كلب
تمشي الحال
ممتعة
ممتازة
اسطورية

الزبدة

كونتراست لعبة ألغاز جيّدة، اذا تبغى لعبة بسيطة تطقطق عليها وقت فراغك بدون تركيز كبير فهذي ممكن تصلح لك. مشكلة اللعبة انها بسيطة بزيادة لدرجة اني حسيت انها مجرّد لعبة رخيصة. ما أقدر أنكر انه لولا طفرة الألعاب على الأجهزة الجديدة، ما كان فكّرت اني أكمّل اللعبة.