تسريب كامل مميزات التحديث 2.50 القادم لنظام بلايستيشن 4

الظاهر أن سوني بدأت برنامج جديد لأعضاء خدمة PlayStation MVP Program يسمح لهم بتجربة أحدث تحديثات نظام البليستيشن 4 وإختبارها قبل نزولها بشكل رسمي. طبعا نتيجة لهذا الإجراء تسربت تفاصيل التحديث الجاي برقم 2.50 بالكامل منها ميزة الإيقاف/المتابعة “Suspend/Resume” المنتظرة اللي أعلنت عنها سوني في حدث الكشف عن البليستيشن 4 في 2013.

سوني إلى الآن ما أعلنت عن موعد صدور التحديث القادم للنظام لكن بعض الناس اللي جربوا البيتا الإختبارية للتحديث قالوا أن موعد صدور التحديث بيكون إما في نهاية شهر مارس أو في بداية شهر ابريل.

طبعا أهم شيء في التحديث كله هي ميزة “Suspend/Resume” (تكلمنا عنها قبل كم يوم) اللي تخليك تحط الجهاز في وضع الخمول ( rest mode ) بدون ما يقفل الجهاز أي تطبيق أو لعبة كانت تشتغل قبل ما يطفى الجهاز. وهذا بيخليك توقف لعبك على الجهاز وتطفيه وترجع تكمل بعدين من نفس النقطة أو الحالة اللي تركت فيها البليستيشن. مثلا وصلت مكان بعيد في لعبة معينة خل نقول مثلا لعبة قود أوف وور وإضطريت وقتها أنك تترك الجهاز لفترة طويلة إما لشغل أو جاك النوم لكن ما لقيت مكان تخزن فيه لعبك تقدر بكل بساطة تطفي الجهاز بوضع الخمول وتقضي شغلك أو تنام وأنت متطمن وأول ما تفضى وترجع تشغل جهازك بتكمل من نفس المكان اللي وصلت فيه بالضبط وكأنك بس طفيت التلفزيون ورجعت شغلته مرة ثانية.

والحين بلخص لكم اللي تسرب عن التحديث 2.50 لنظام البليستيشن 4:

الميزات الرئيسية

• إمكانية وضع الجهاز في حالة الخمول ( rest mode ) بدون ما تقفل أي تطبيق أو لعبة. تقدر تعدل هذا الخيار في إعدادات توفير الطاقة [Power Save Settings] وبعدين تختار  [Set Functions Available in Rest Mode].
• تم إضافة خيار [Accessibility] في إعدادات الجهاز. وهذا بيخليك تعدل في ترتيب أزرار التحكم بحيث مثلا تخلي زر الدائرة يكون زر الموافقة يعني تصير إذا بغيت تشغل اللعبة تضغط دائرة بدال زر إكس وهكذا.

التروفيات “Trophies”

• الحين تقدر تمسح قائمة تروفيات اي لعبة نسبتها صفر بالمئة.
• الحين تقدر تختار طريقة عرض التروفيات على حسب درجة التروفي [Grade] او التروفي اللي ما بعد أخذتها [Not Earned] أو تعرض آخر التروفيات اللي أخذتها [Earned Date].
• إضافة ميزة البحث في الإنتنرنت عن تفاصيل إضافية عن التروفيات من قائمة  [Trophies].
• راح يتم أخذ لقطة للشاشة ( Screenshots  ) في لحظة حصولك على أي تروفي بشكل تلقائي وطبعا تقدر تشوف هذه اللقطات في [Capture Gallery].
• الحين تقدر تسوي مشاركة لتفاصيل والصور الملتقطة للتروفيات بمجرد ضغطك على زر Share على التروفي اللي تبيه.

تحديثات ميزة Share Play

• الحين تقدر تختبر سرعة إتصال المضيف عند بدأ خدمة Share Play.
• الحين تقدر تلعب الألعاب عن طريق ميزة Share Play بسرعة 60 إطار في الثانية. لازم المضيف اللي في البارتي يختار هالشيء من [Party Settings] وبعدين [Video Quality for Share Play] وبعدين [Frame Rate] ويختار سرعة 60 إطار في الثانية.
• طبعا لازم يكون كل الجهازين على نفس التحديث 2.50 عشان تشتغل ميزة Share Play. لكن لما واحد مثلا جهازه على تحديث 2.00 والثاني 2.50 ما يقدرون يستفيدون من ميزة Share Play.

تحديثات عامة

• الحين تقدر تشوف أصدقائك في الفيسبوك في قائمة [Players You May Know].
• الحين تقدر ترسل طلب الكشف عن الإسم  الحقيقي مع رسالة طلب صداقة للناس الغير مضافين في قائمة أصدقائك.
• إضافة تأثير shadow style للنصوص في إعدادات الخلفيات.
• الحين تقدر تستخدم 140 حرف في خانة التعريف بالنفس.
• في حال إستخدمت 22 حرف أو أكثر في خانة التعريف بالنفس راح يتم عرض 21 حرفا منها بس على الأجهزة اللي تشتغل على تحديث قديم قبل التحديث 2.50.
• تقدر الآن تستخدم سطح اللمس على يد التحكم للتحم بتشغيل الفيدوهات.
• إضافة خيار [Discover] في قائمة التنبيهات ( Notifications ) وهذا الخيار يسمح للمستخدمين بالتعرف على المميزات اللي يقدمها الجهاز.
• ميزة Remote Play ما راح تشتغل مع جهاز الفيتا حقك اللي يشتغل على تحديث 3.35. راح ينزل تحديث مستقبلا للفيتا وراح يكون مطلوب إذا بغيت تستخدم ميزة Remote Play.

ها وش رأيكم شباب في حال صدقت التسريبات وش أكثر شيء متحمسين له في التحديث الجاي للبليستيشن 4؟ شاركونا ارائكم في التعليقات.