الرئيسية / أحداث / رسمياً: بامكانك تسوي طلب المسبق للبلاي ستيشن 4 في السعودية!

رسمياً: بامكانك تسوي طلب المسبق للبلاي ستيشن 4 في السعودية!

ps4preorderpic

أخيراً، وبعد انتظار طويل، أعلنت بلاي ستيشن السعودية عن فتح الطلب المسبق (preorder) للبلاي ستيشن 4 في السعودية! الطلب المسبق يبدأ من اليوم في الرياض، وباقي أنحاء المملكة خلال نهاية الأسبوع!

أماكن الطلب المسبق بتكون في الأماكن هذي:

  • معارض عالم سوني الموجودة في أنحاء المملكة.
  • عالم بلاي ستيشن في الرياض


أما بالنسبة للسعر، فسعر البلاي ستيشن 4 راح يكون 1799 ريال، لازم تدفع قيمة السعر كاملة، مافيه عربون! وبامكانك تشتري معه الأشياء هذي (تضاف الى سعر البلاي ستيشن 4 طبعاً):

  • يد تحكم اضافية (DualShock 4) بسعر 259 ريال
  • كاميرا بلاي ستيشن 4 بسعر 259 ريال
  • لعبة ناك (Knack) بسعر 259 ريال
  • لعبة كيلزون/ شادوا فول (KillZone: Shadow Fall) بسعر 299 ريال

أما بالنسبة لطريقة الحجز، فكل اللي تحتاج تسويه انك تروح لأحد المحلات المذكورة، وتدفع المبلغ كامل، واذا جا يوم اطلاق البلاي ستيشن الرسمي، واللي بيكون في 14-12-2013، الموافق 11-2-1435 هـ، تروح المحل تستلمها. اذا سويت الطلب المسبق وخلصت، بيعطونك ايصال فيه رقم، هذا الايصال لازم تحافظ عليه وتجيبه معك في يوم اطلاق البلاي ستيشن 4، ولا راح تستلم الجهاز الا بهذا الايصال!

أما بالنسبة لحزم الاطلاق، فما راح يكون لها طلب مسبق. وهذي تفاصيلها:

  • حزمة KillZone: Shadow Fall بسعر 2299 ريال، وتحتوي على بلاي ستيشن 4 وملحقاته، ويد تحكّم اضافية، وكاميرا بلاي ستيشن، بالاضافة الى كيلزون شادو فول طبعاً.
  • حزمة Assassin’s Creed IV: Black Flag بسعر 1999 ريال، وتحتوي على بلاي ستيشن 4 وملحقاته، ولعبة أساسنز كريد 4.

من الأشياء اللي تستاهل الذكر، الكميات محدودة جداً، لذلك اللي يبغى لازم يحجز بدري!

أما بالنسبة للأحداث اللي بتصير في ذاك اليوم والأيام والأشهر اللي بعده فما أحد يعرف وشي، لكن يقولون كثير من اللاعبين راح يختفون من العالم الحقيقي، وبتقوم حرب شعواء بين اللاعبين وأهاليهم، والفائز كالعادة ولا أحد، بما ان البلاي ستيشن 4 المسكين راح ينشال منك ويروح للسجن الأزلي – غرفة امك.

ps4preorder

شاهد أيضاً

Decima-ds1-670x377-constrain

مهندس بلايستيشن: لاأحد يمكنه توقع حدود قدرات محرك تطوير Death Stranding

يبدو بأن محرك تطوير لعبة Death Stranding والذي يحمل الاسم Decima قد لاقى إعجاب كبير ...

  • نواف حكمي

    السلام عليكم
    الاسم/نواف فيصل احمد حكمي
    ابي طلبيه سوني فوور وللتواصل ع الرقم
    0548626247
    انا من جازان-قريه مزهره

  • عبد الكريم

    كيف اطلب

  • سالم بن محمد

    بلايستشن 4 مره حلو ابغى واحد ابيض ببلاش وباقي الاجهزه بسعرها

  • مواقع جميل

  • ابراهيم

    لو تبغون بيتي في حي الخزامي تمشي من عند بنك الاهلي تسيد لين تلقى بقالا جنبه مسجد تلقى فتحه اتخل لف يسار بعدي لف يمين اول متلف ثاني بيت في الشرقيه تكفون وصلوه يوم السبت او الجمعة او الخميس

  • ابراهيم

    ابغى اطلبه

  • اريد ان اطلب سوني فور

  • أنا احمد انا في الثريه عند المسجد اخر بيت الدور ٢الشقه الي على اليسار

  • السلام عليكم ورحمة الله وبركتوا انا اسمي خالد من السعودية من ساجر
    حي النهضة على طريق صبين فية قر و جف شقه رقم 8 ولكن الرقم مقطوع
    ابيك تحجز السوني فور ممكن نجيبة اليوم ولا انا نزل ارتب انا قدرت
    تسجل سعر السوني 4 وتجيلة اليوم تعطيني ايه بدون فلس ون نزل ارتب و الله لن
    نسددك تكف تسجل وتجيبة اليوم تكف برك الله فيك و كل عم وانتم بي خير
    انا شا الله

  • شباب اكسترا يبيعونه ?

  • ايش هي ميزة الطلب المسبق ! انا ابغى حزمة كلزون لازم استنى ؟

  • Medo Belal

    ما انصح احد يطلب طلب مسبق لأنه غالي شوي و وكاله سوني متناقضه مو على كلام واحد

    واقول للصابرين انت الربحان لا يهمك انك تكون من اوائل شاري الجهاز كن من اللي يشتري الجهاز بقناعة وبرخص .. مثلا بعد موعد الاصدار الرسمي للجهاز بفتره قصيره بتنزل باندلز ( حزم ) مثل كيلزون اساسن كريد باتلفيلد ممكن والخ بسعر رخيص وبأذن الله متوفره بكميات كثيره .. مثلا حزمه كيلزون بتكون ب 2299 ريال بيكون معها كنترولين وكاميرا واللعبه .. جيب لي هالسعر بالطلب المسبق مع الاكسسوارات الموجوده قبل شوي احلللللللم … تحياتي

  • ابراهيم

    شبااااااب انصحكم تشترونة من موقع سوني … ترا ارخص بوااااجد

  • مشكور اخي محمد علي التوضيح الكامل. والشكر الاكبر لسوني السعودية لو تغير سياستها بسعرالالعاب لان البداية بسعر ٣٠٠ ريال جدا مبالغ فيه وخفي يستمر سينارو هالسعر مستقبلا. شخصيا افضل الانتظار وشراء النسخه من الاستور. وشكرا.

  • LoPo

    انا سويت طلب مسبق من اول مافتح في اكسترا وبنفس السعر. لا اروح لهم ولا شي يوصلونه للبيت عندي وقت الاطلاق.. ان شاء الله مايكون توصيلهم فاشل لاني اول مره اتعامل معهم..

  • azoz

    @محمد الشريف

    انا سألت محل غير عالم سوني وقالي انه بطافات الستور السعودية غير متوفرة في السوق

    الا بكميات قليلة .. عشان كذا الاسعار عالية .

    وبرضه يقولي انه راح ترجع بعد شهرين .. بالضبظ مع نزول الـPS4

    ياريت لو تتأكد من هذي المعلومة يا محمد.

  • NasseR

    طيب يا عيال وش وضع أيادي التحكم الألوان متوفره ولا كيف ودي بازرق عشان اطلب من الحين بندل كيلزون؟

  • محمد الشريف

    @azoz

    من وين تشتري بطاقاتك؟ حاول دائماً تشتريها من عالم سوني او عالم بلاي ستيشن في الرياض.

    @Star0Gaming

    كل أجهزة بلاي ستيشن فور بيكون فيها ٥٠٠ جيجا ذاكرة.

    @Heroxi

    اشتر الجهاز لحاله بـ١٧٩٩ وخلاص

  • ABOD-KSA

    @Heroxi
    فيه اختراع اسمه انك تطلب الجهاز طلب مسبق من دون حزمة

  • ABOD-KSA

    سوني معنى الحلب الحقيقي ماشاء الله عليهم يعرفون يحلبون الفلوس زين وبكل دقة ماشاء الله

  • مندي على الفحم

    انتظر لين ينزل رسمي واشوفه قدامي وقتها ادفع الفلوس لكن فكرة البري اوردر
    خاصة بالسعودية مضروبة يعني فجأة الوكيل يسحب عليك ويقولك انتظر شهر زيادة
    وبعدين كيلزون ليش ب 300 ريال جراند الممنوعة انا شاريها ب 280 ريال !
    عالم سوني جايبين العيد!

  • ajfk

    حساب سوني الي في التويتر يقول ان البندل حق كيلزون بيتوفر بعد الاطلاق باسبوع .
    وبعدين ليه ادفع المبلغ كامل على الاقل ادفع النص . وش ذا الغباء ؟!!!!
    وكيلزون بـ 300 , وييييييييييين .

  • lara ksa

    ي تلحق يا متلحقشش
    بروح الحق واحجز قبل ﻻيطيير

  • Heroxi

    طيب أنا ما احب كيلزون .. و عندي آساسنز كريد 4 على الـ3 .. و عندي مع اللعبة كود الترقية اللي بـ10 دولار ..
    و أبي الجهاز فقط .. وش السواة ؟

  • فايز المطيري

    هههههههههههههههههه غرفة امك

  • طارق

    طيب ماهي المحلات أنا ساكن بمكة هل في محلات بمكة؟

  • فيصل

    ما الوم الشباب … سعر مبالغ لشريط كيلزون

    بصراحة الواحد يتردد

  • Rakan Yaseen

    بالنسبة للحزم هل راح تتوفر بيوم الاطلاق ولا بينزل بعدين ؟

  • ammar

    تقدر تسوي طلب مسبق في جدة محل إسمو (فيرجن)

  • اجل 300 ريال على كليزون اما ناك 259 ليش ؟!

  • ي شباب 1799 مع يد , بس كيلزون ب 300 ليه ؟ مو هم صرحوا ان الاسعار بتبقى 60 دولار ؟

  • Nerd

    أمااااااااااااااااااااااااااااااااااااااااا يوم 14 وييين يبوي ,اخذه من أمزووون اصرفلي

  • ابو خشم

    الحين شوي و انصرع اذا شفت لعبة سعرها 230 ريال تجيني كيلزون بـ 300 ريال !!!! والله مستـ…. انصرعت

  • سلتوح بن دخيل الله

    على السعر ذا والله ماطلب .
    اجل الجهاز لحاله بـ 1800 ريال .
    وشريط لحاله بـ 300 ريال .
    ويد بـ 260 ريال .
    الموزع الرسمي الخربان 🙂
    انا عن نفسي بانتظري يجيبون باندل يفتح النفس ولا بشتري لي واحد من سوق السوداء .

  • abdullah.11

    حزمة اساسين كريد اشوفها طيبة..

    اليد الثانية ما احتاجها ﻻني العب لحالي<<<FOR EVER ALONE.. 🙁

    والكاميرا احسها مابتفرق في تجربة الجهاز..

    وشكرا لكم

  • طيب بالنسبة للمساحة كم GB بتكون ؟

  • Spartan 74

    لحظة لحظة Killzone SF ب300 !!!!!
    سلامات يا سوني !

  • سلطان الغامدي

    سعر كل زون جدا مرتفع! الموزع الرسمي يبيعها بهذا السعر شي يخوف عموما ان شاء الله احاول اسوي طلب مسبق

  • azoz

    للاسف ما راح اقدر اطلب الجهاز ..

    لكن ليه سعر كيلزون مختلف عن ناك ؟

    كلها لعبتين .. اتمنى ما يكون السبب شئ تافه ..

    على فكرة ما عندكم خبر عن ارتفاع اسعار بطايق الستور ؟

    ياريت لو تقدروا تشوفوا حل لها .. سعر 20$ بـ120 ريال !!!!!!

    وشكرا لكم 🙂

  • VIGGO

    هجووووووووووووووم!

    لكن ما تحس انها خطيرة سالفة اذا ضيعت الإيصال تروح علي فلوسي؟ ناهيك عن ذكر انني لازم ادفع المبلغ كامل. توو متش والله.