محمد الشريف
أعلنت ننتيندو وشركة Koei Tecmo عن جزء جديد لسلسلة الرعب فيتال فريم على جهاز ننتيندو وي يو.
بتنزل اللعبة في اليابان في 27-9-2014، ولا فيه أي خبر عن اطلاق اللعبة في السوق الغربي. هذا مو معناته ان اللعبة مافيه أمل تنزل في السوق الغربي، لكن كل الاحتمالات موجودة.
أما بالنسبة لتفاصيل القصة، فراح تلعب بشخصية بنت -كعادة السلسلة- عندها القدرة على رؤية الأرواح، وفي بداية القصة يقولون لك ان البنت هذي عندها قدرة خاصة وهي اعادة هذي الأرواح الى الحياة من جديد، لكن في جبل معيّن موجود في اللعبة. الكاميرا بتكون سلاحك في اللعبة مثل ماهو معروف عن السلسلة، وبامكانك تستخدم قطعة GamePad اللي مع الويي يو وتستخدمها عشان تتحكم بالكاميرا.
حسب كلام تيكمو، هذي بتكون أضخم لعبة فيتال فريم على الاطلاق.
أخيراً، هذا عرض اللعبة الرائع:
بالنسبة لي هذي من أفضل الأخبار، سلسلة فيتال فريم أعشقها وأعتبرها من ألعاب الرعب “الحقيقية”. دائماً أفضّل الرعب الياباني على الرعب الغربي.
وش رأيكم بالاعلان؟
احمد خالد
بارعة
