محمد الشريف
في مؤتمر MWC العالمي والخاص بالتقنية، أعلنت شركة HTC عن جهاز Vive واللي بيتم صنعه بالتعاون مع شركة Valve المعروفة بين الجيمرز.
الجهاز هذا بيكون جهاز واقع افتراضي، مثل ماهو واضح في الصورة. الجهاز بيكون متوفر في السوق “لاحقاً في هذي السنة”. الجهاز، بطبيعة الحال، بيكون مستخدم في الألعاب بشكل أكبر من أي شي آخر.
بالنسبة للمواصفات، فقالت شركة اتش تي سي انه بيوفر لك 360 view (تقدر تشوف بنطاق نظر 360 درجة) بالاضافة الى اعادة تجديد الصورة 90 مره في الثانية الوحدة (90Hz refresh rate). تجديد الصورة 90 مره في الثانية الوحدة يعتبر الرقم الأفضل، لان بعض المصادر تزعم ان تجديد الصورة فوق التسعين مره في الثانية يعتبر مضيعة للوقت والجهد.
” الجهاز بيكون خفيف جدًا، تقدر تلبس الجهاز وتستخدمه لفترة طويلة بدون ما تحس بثقله عليك” تقول اتش تي سي. ذكرت برضه اتش تي سي ان الجهاز بيجي معه أيادي تحكّم خاصة، هذي الأيادي بيكون فيها تقنية تتبّع وتحسّس لأصابع اليد بحيث تقدر تستفيد في الألعاب اللي تتطلب مسك الأشياء المحيطة باليد وتفحّصها، بالاضافة الى ألعاب التصويب.
“حنا مؤمنين ان الواقع الافتراضي بيحوّل طريقة تعاملنا مع العالم. تقنية الواقع الافتراضي بتصير تقنية شائعة للعالم كله”. شكل اتش تي سي مؤمنة جدًا بهذا المشروع.
شركة اتش تي سي معروفة بجودة أجهزتها اللي تصنعها، مثل جهاز HTC One وغيرها. الآن اتحدت اتش تي سي اللي عندها خبرة في صنع الأجهزة ذات الجودة العالية، مع فالف الخبيرة في البرمجة والأشياء الداخلية للأجهزة.
وش رأيكم بالاعلان المفاجئ، ووش توقعاتك للمشروع؟
احمد خالد
بارعة
