محمد الشريف
أطلقت مايكروسوفت اليوم تحديث للعبتها الحصرية هيلو ذا ماستر تشيف كوليكشن، ونقول ان شاء الله هالمرّة بتتصلح مشاكل الأونلاين المزعجة اللي فيه.
التحديث مخصص للأونلاين، واللي هو الطور اللي يعاني من المشاكل. هذي قائمة التصليحات اللي بتصير:
- تحسين مجموعات الأونلاين (party) بحيث تصير مستقرّة أكثر ولا تفصل عليك.
- اذا لعبوا اثنين على شاشة وحدة وجهاز واحد، فراح يبقون في نفس الفريق ولا يتم فصلهم عن بعضهم (هيلو 2).
- السماح للاعبين بالسوالف عبر voice chat حتى في قوائم تحميل اللعبة loading.
- تصليح مشكلة وضع اللاعب في مجموعة ثانية بالغلط بعد ما تطلع له رسالة خطأ في الشبكة.
- تصليح مشكلة ظهور رسالة “Winning Team Won” في طور Carnage.
هذي تقريباً أهم النقاط والتصليحات اللي بتصير مع تحديث اليوم.
وش فيه مشاكل ثانية تبيها تتصلح؟
بارعة
احمد خالد
