اسئلة شائعه
وش معنى مصطلح Podcast (بودكاست)؟
مصطلح بودكاست يوصف البرامج الاذاعيه اللي تتسجل و تتوزع عن طريق الانترنت, مثل ما حنا نسوي الحين.
ما اقدر اجلس قدام الكمبيوتر اسمع كل الحلقه, ليش ما تخلونها قصيره؟
الاغلبيه العظمى من المتابعين ينزلون الحلقات على جوالاتهم (عن طريق iTunes مثلا او Google Listen) ويسمعونها اما برا البيت، او في الدوام، او وحتى وهم يلعبون في البلايستيشن. استمع لها كشيء جانبي يسلّيك وفي حوالي ساعتين او ثلاث ساعات كل اسبوع بتاخذ كل المعلومات اللي تحتاجها عن جديد العاب الكمبيوتر.
ليش ما تسوون بودكاست فيديو؟
الفيديو بيكون حلو لكن للأسف يتطلب وقت وجهد كبيرين ما نقدر عليهم حالياً. وجميل (احد أعضاء الفريق) ساكن في جده وباقي فريق العمل في الرياض، فما نقدر نصور مع بعض. وعموماً نعتقد ان البودكاست الصوتي اسهل للمتابعه لان الواحد يقدر يستمع لنا باي وقت وباي مكان، عكس الفيديو اللي يحتاج تركيز الواحد.
ليش ما تتوسّعون وتكتبون اخبار و تقارير و مراجعات…الخ؟
لان وقتنا كفريق عمل جدا ضيق بسبب اعمالنا الخاصة, و ما يكفي الا لتسجيل البودكاست فقط. و عموما من البداية كنا متفقّين انه بيكون تركيزنا و جهودنا متركزه على البودكاست فقط لقلة البودكاست العربي حاليا في مجال الالعاب.
هل انتم تتبعون لموقع او منتدى آخر؟
لا. موقع Saudi Gamer هو موقع مستقل غير مرتبط او تابع لاي موقع او منتدى على الانترنت.
