اسئلة شائعه
وش معنى مصطلح Podcast (بودكاست)؟
مصطلح بودكاست يوصف البرامج الاذاعيه اللي تتسجل و تتوزع عن طريق الانترنت, مثل ما حنا نسوي الحين.
ما اقدر اجلس قدام الكمبيوتر اسمع كل الحلقه, ليش ما تخلونها قصيره؟
حنا نغطي اخبار اسبوع و نجيبها للمستمعين جاهزه ياخذونها في ساعه الى ساعه ونصف, فما فيه مجال انها تكون اقصر. و بأي حال افضل طريقه تستمع فيها للنوعيه هذي من البرامج هي انك تنزّل حلقات البرنامج على جوالك او الـiPod مثلا, و تسمعها في اوقات فراغك, في السياره مثلا او بين محاضراتك في الجامعه. و مو شرط تسمعها كلها دفعه وحده.
ليش ما تتوسّعون وتسوون فيديو وتكتبون اخبار و تقارير و مراجعات…الخ؟
لان وقتنا كفريق عمل جدا ضيق بسبب اعمالنا الخاصة, و ما يكفي الا لتسجيل البودكاست فقط. و عموما من البداية كنا متفقّين انه بيكون تركيزنا و جهودنا متركزه على البودكاست فقط لقلة البودكاست العربي حاليا في مجال الالعاب.
هل انتم تتبعون لموقع او منتدى آخر؟
لا. موقع Saudi Gamer هو موقع مستقل غير مرتبط او تابع لاي موقع او منتدى على الانترنت.
