أحمد قربان
لعبة ايفولف (Evolve) نزلت قبل كم يوم، وممكن لاحظت ان كل الاضافات القادمة للعبة ايفولف موجودة حالياً في متجر البلايستيشن و الاكس بوكس وستيم. اذا كنت مشتري السيزون باس للعبة ايفولف فغالباً اكتشفت ان ولا إضافة من هذي الاضافات موجودة في السيزون باس (تشتري حزمة اضافات اللعبة بمبلغ معيّن) اللي انت اشتريته!
اسوأ متجر من ناحية السيزون باس كان متجر الاكس بوكس بحيث تلقى اكثر من 40 عنصر للبيع عن لعبة ايفولف، اذا حاب تشتري كل الاضافات اللي معظمها ملابس مختلفة لكل كلاس من كلاسات الصيادين راح تضطر تدفع اكثر من 130 دولار اللي يساوي تقريبا 488 ريال سعودي بالإضافة لسعر اللعبة الاصلي.
السيزون باس الموجود لايفولف يحتوي على 3 ملابس حصرية فقط بالاضافة الى امكانية الدخول لاربعة كلاسات جديدة للصيادين. من ناحية ثانية كل الخرائط اللي راح تنزل للعبة متوقع انها تكون مجانية.
اذا اشتريت السيزون باس انا متاكد انك ماراح تقدر تسوي شي غير انك تحس انك اتخدعت شوي لان في اضافات غير موجودة بالسيزون باس تبعك.
حركة تقهر من ايفولف اللي قالوا ان همهم ان اللاعبين مايتفرقوا ويلعبو دائما سوا. اتمنى من اللاعبين مايسكتوا على هذي الحركة و يشتكوا على ايفولف.
اذا كنتوا مهتمين اكثر عن اللعبة، كتبنا عن احصائيات البيتا من لعبة ايفولف و عن التحديث الضخم اللي نزلوه مع اللعبة.
اش رايكم بالخبر؟
احمد خالد
