محمد الشريف
أعلن الناشر Warner Bros و ستديو تطوير Rocksteady عن سلسلة اضافات للعبتهم القادمة والمنتظرة Batman: Arkham Knight، واللي بتكون بسعر 150 ريال.
الاضافات، أو السيزن باس، بيتم دعمها الى ست شهور بعد نزول اللعبة، حسب زعم وورنر برذرز. المحتوى بيكون على شكل اضافات للقصة، وأعداء وأشياء ثانية. بيكون فيه أشكال للسيارة اللي في اللعبة (batmobile) وخرايط تحديات وملابس للشخصيات ومضامير سباق.
أعلنت وورنر برذرز برضه عن النسخة الرقمية Premium، واللي بيكون سعرها 100 دولار (375 ريال) وراح تشمل الاشتراك في سلسلة الاضافات اللي ذكرناها. النسخة هذي بيتم بيعها على المتاجر الالكترونية فقط.
وورنر برذرز معروفة ببيع محتويات متعلقة باللعبة، وبعض الأحيان يشطحون بأفكار غريبة. في لعبة Batman Arkham City، تم فصل طور Catwoman عن اللعبة الأساسية وصار يجي على شكل كود مع اللعبة، بحيث تحمله. هدف هذا الحركة انهم يحدون من بيع اللعبة، لان الكود هذا ما يحصل عليه الا اللي يشتري اللعبة جديدة. سوّت وورنر برذرز حركة ثانية في محتويات لعبتها Mortal Kombat X، بحيث باعت محتوى باسم Fatality DLC وهي عبارة عن ضربات قاضية لا أكثر، يبيعونها على الناس بفلوس.
احمد خالد
بارعة
أيمن اليغشي
