المعذره بس يبدو ان البعض اعتقد انه كان فيه حلقه هذا الاسبوع، لكن فعلياً حلقة أفضل المقاطع هي كانت حلقة الاسبوع (ما نبي نسوي زحمة حلقات).
بالنسبه للحلقه 100 راح نسجّلها الخميس وننشرها الجمعه. هذا توقيت استثنائي للحلقه 100 فقط، حبينا نختار وقت نضمن فيه ان الجميع ان شاءالله يكونون موجودين وبكامل نشاطهم (بدال ما يجون منتّفين بعد الدوام يوم السبت 
). بعد كذا ابتداء من الحلقه 101 بترجع الحلقات لوضعها الطبيعي ان شاءالله وتصير تنزل كل يوم أحد بعد العشا كالعاده.
بالمناسبه، الحلقه 100 بتشهد تغيير كبير في البودكاست. فنتمنى انه الجميع يستمع لها ويعطينا رأيه فيه. 
مشهور الدبيان تحديثات الموقع
نظراً لمرور أغلب أعضاء الفريق ببعض الظروف الشخصيه، ومراعاة لمشاعر حسني مبارك وعائلته، تم تأجيل الحلقه 99 الى الأسبوع القادم (يوم الأحد كالعاده).
خلال هالاسبوع بامكانك تشاركنا النقاش في بعض الاخبار اللي راح ننشرها في صفحتنا في الفيسبوك او حتى تساعدنا في تجميع أفضل المقاطع من البودكاست عشان نحطها في الحلقه الخاصه اللي بننشرها قريباً ان شاءالله
نعتذر لكم عن هذا التأجيل بس كانت لظروف خارجه عن ارادتنا. 
مشهور الدبيان تحديثات الموقع
مثل ما ذكرنا في الحلقه السابقه (واللي قبلها) في البودكاست، نحتاج مساعده في تجميع أفضل مقاطع البودكاست من أول حلقه الى الآن (سواء كانت مقاطع مضحكه او مفيده او غيره). الهدف من هالشي اننا – بمناسبة الحلقه 100 – بننزّل حلقه كامله عباره عن أفضل المقاطع الموجوده اللي اعتقد كلنا بنستمتع فيها ان شاءالله.
وصلتنا عدة ردود تدعمنا عن طريق الايميل، لكن حبينا نطرح الموضوع هنا على اساس تصير اقتراحات المقاطع في الردود بحيث عشان نوفّر الوقت على الجميع ويصير لو شافوا احد كتب أفضل مقاطع في حلقه معينه ما يروحون يسمعون نفس الحلقه، وتصير العمليه منظّمه عموماً..
طريقة المشاركه ببساطه تكتب رقم الحلقه + وقت المقطع اللي اعجبك (مثال: 01:10:30) + مختصر بسيط عن المقطع (مثال: يوم فلان قال كذا وكذا).
ألف شكر مقدّماً لكل اللي حابّين يشاركوننا بهالمهمّه
مشهور الدبيان تحديثات الموقع
للأسف اضطرينا نأجل تسجيل الحلقة 90 الى بكره عشان نناقش الاخبار والمفاجئات الدسمه في حفل Video Game Awards 2010 في الحلقه.
الحلقه 90 بتنزل ان شاءالله بكره الاثنين بالليل. التأجيل بيساهم ان الحلقه تكون أفضل وأمتع ان شاءالله.
مشهور الدبيان تحديثات الموقع
سوّينا استفتاء سريع نتمنى انك تشاركنا فيه لانه بيفيدنا بشكل كبير في تطوير الموقع والبودكاست بحيث يناسبك ويناسب متابعين الموقع أكثر.
الاستفتاء عباره عن 21 سؤال خفيف، وما راح ياخذ منك أكثر من 5 دقايق من وقتك، ومشاركتك ورأيك مهمين جدا بالنسبه لنا، فنتمنى انك تشارك في الاجابه.
رابط الاستفتاء
وشكراً لك مقدما!
مشهور الدبيان تحديثات الموقع
على السريع، هذي الاشياء اللي ناوين نسويها خلال الأسبوعين القادمه ان شاءالله:
- الأسبوع القادم ما راح يكون فيه حلقه لظروف اجازة العيد، الحلقه القادمه بتكون يوم الأحد 21 نوفمبر ان شاءالله.
- خلال الاجازه بننشر استفتاء خفيف نعرف رأيك بالاشياء اللي نسويها عشان نطوّر مستواها أكثر وأكثر باذن الله.
- خلال الاجازه بعد ناوين نسوي مسابقه خفيفه نوزّع فيها كم نسخة للعبة كول أوف دوتي الجديدة (Call of Duty: Black Ops). مضطرين نأخر المسابقه شوي بسبب تأخّر نسخ اللعبه اللي مفروض توصلنا. المعذره على التأخير.
- بعد الاجازه بنسوي مسابقه ثانيه ان شاءالله بس عاد جوائزها بتكون من العيار الثقيل، والمشاركه فيها بتحتاج شوية تفكير وابداع.
فعشان ما يفوتك شي، اشترك مع حساباتنا في تويتر أو الفيسبوك (اللي ترتاح له اكثر) وبيجيك خبر أول ما ننشر اي شي جديد باذن الله.
نتمنى لك اجازه خورافيه (كنت بقول خاروفيه عشان عيد الاضحى بس حسيت انها بايخه شوي)
مشهور الدبيان تحديثات الموقع
وصلتنا بعض الرسائل تشتكي من “حرق” قصة فلم Inception في الحلقة ٨٠ من البودكاست.
حبّيت بس أوضّح ان الجزئيه اللي ذكرناها بتعرفها من بداية الفلم، لأنها هي أصلا الأساس اللي تقوم عليه أمور كثيره ثانيه وماهي النهايه، بس يمكن لأنها غير مألوفه فاعتقد البعض اننا كنا نتكلم عن نهاية الفلم.
بالمناسبة حنا حريصين جدا انه ما نحرق أي شي في قصة أي لعبة أو أي فلم أو مسلسل نجيب طاريه في البودكاست، حتى اذا حرقنا بالغلط فاننا نحذفها بالمونتاج قبل ما ننشر الحلقة.
آسف على الازعاج اللي سبّبه هالشي لبعض اللي ما شافوا الفلم، وان شاءالله نكون أوضح في المرات القادمه عشان نتحاشى أي سوء فهم.
مشهور الدبيان تحديثات الموقع
مثل ما ذكرت في آخر حلقه، بنضطر نتوقف مؤقتاً عن تسجيل البودكاست بسبب العشر الأواخر من رمضان والعيد.
بتكون عودتنا مع الحلقه 79 يوم 19 سبتبمر ان شاءالله.
الى هذاك الوقت، ممكن نضيف مواضيع في الموقع (لان التوقف خاص بالبودكاست فقط)، فنتمنى لو تتابعنا عن طريق الانضمام لصفحتنا في Facebook أو متابعة حسابنا في Twitter عشان يوصلك كل جديد أول بأول.
مشهور الدبيان تحديثات الموقع
وصلتنا ملاحظه من الأخ ابراهيم (احد المستمعين) يقول ان التحكّم في مشغّل الحلقات (الـplayer) الموجود في الموقع مزعج شوي لأنه يخلّي التقديم أو الاعادة صعب بالحلقه.
جلست أحوس في المشغّل شوي وطلع كلامه صحيح. فغيّرته كله الحين وحطيت واحد جديد بداله، وخليته هالمره طويل عشان يخليك تقدر تتحكّم بالحلقة بشكل أسهل بما ان الحلقات طويلة عادة وما ينفع لها مشغّل قصير.
اعتذر عن الازعاج اللي سببه المشغّل القديم للبعض.
أبيك بس لا هنت تعطيني رأيك بالمشغّل الجديد وتعطيني خبر اذا واجهتك أي مشكله معه.
واذا عندك أي ملاحظات ثانيه بخصوص البودكاست أو الموقع عموماً فياليت تشاركنا فيها مهما كانت صغيره بنظرك.
مشهور الدبيان تحديثات الموقع
كثير كانوا يسألوننا ليش ما نحط معلومات الأخ أحمد الأحمري في صفحة فريق العمل بما انه دايم يشارك معنا في البودكاست، لكن في الواقع هو كان الى فترة قريبه ضيف دائم في البرنامج، ونتشرّف اليوم بالاعلان عن انضمامه رسمياً لفريق العمل على الموقع والبودكاست بشكل عام.
هذا أول توسّع للفريق من يوم ما بدا الموقع، وبرأيي انه اضافه موفّقه للفريق بتساعدنا في اننا نقدّم الأفضل للمستمعين دائماً ان شاءالله.
بالتوفيق للجميع
Saudi Gamer تحديثات الموقع
