كثير كانوا يسألوننا ليش ما نحط معلومات الأخ أحمد الأحمري في صفحة فريق العمل بما انه دايم يشارك معنا في البودكاست، لكن في الواقع هو كان الى فترة قريبه ضيف دائم في البرنامج، ونتشرّف اليوم بالاعلان عن انضمامه رسمياً لفريق العمل على الموقع والبودكاست بشكل عام.
هذا أول توسّع للفريق من يوم ما بدا الموقع، وبرأيي انه اضافه موفّقه للفريق بتساعدنا في اننا نقدّم الأفضل للمستمعين دائماً ان شاءالله.
بالتوفيق للجميع 
بحمد الله وتوفيقه، وبفضل الله ثم تصويت مستمعين البودكاست لنا، تمكّن بودكاست سعودي قيمر من الحصول على المركز الأول في جائزة هديل العالمية للاعلام الجديد في قسم التدوين الصوتي والمرئي. الاعلان عن النتائج كان الاسبوع اللي فات، لكن ما حبينا نكتب عنها الا بعد ما يكتبون النتائج في موقعهم.
قدامنا اشياء كثيره بنسويها ان شاءالله لتطوير البودكاست، وهذي الجائزة بتكون بمثابة دفعة معنويه كبيره لنا ان باننا نعطي الأفضل دائماً.
على طاري الجائزة، شخصياً ما ادري اذا فيه فعلياً “جائزة” ولا لا، بس يقولون بيرسلون لنا “تروفي” ذهبي 
في هذا اليوم 9 يناير 2010 نكمل سنه من بداية بودكاست Saudi Gamer، سنه مرت والى الآن احس اننا توّنا نبدا.
فكرة البودكاست في البدايه جت من جميل في سنة 2008، كنا كمستمعين للبودكاست الاجنبيه نبي نسوي شي بالعربي عشان نغطي النقص الشديد في البودكاست العربي عموما و في بودكاست الالعاب خصوصا، وكنا متفقين نسويها تحت مظلة موقع ثاني، لكن ادارة هذاك الموقع ما ناسبته اول حلقه سويناها واضطرينا نلغي الموضوع بالكامل لاختلاف التوجّه و الاسلوب بيننا وبين ادارة الموقع.
بعدها بكم شهر اتفقت مع جميل نرجع للفكره في موقع مستقل وكلمت فيصل ينضم معنا (تشوف بالصورة شخاميطي يوم كنت احاول اجيب فكرة الشعار)، وبدينا الموضوع بحلقه تجريبيه نشرناها عن طريق قسم البلايستيشن 3 في منتدى البوابة الرقمية، و الحمدلله لاقت استحسان مع انه كان فيه كثير من الملاحظات خاصة على الاسلوب العفوي (الظاهر ما تعودوا عليه) و مدة الحلقات اللي اعتبروها طويله، وحتى انقال لنا كثير ان البودكاست مصيره الفشل بسبب طول مدة الحلقات.
لكن الحمدلله بالعمل الجماعي وبدعم وملاحظات واقتراحات المستمعين (بعد توفيق الله طبعا) قدرنا نسوي اكثر من اللي كنا متوقعينه. وهذي بعض الاحصائيات اللي توضّح النمو بالموقع والبودكاست بمقارنة يناير 2009 بشهر ديسمبر 2009:
في نهاية كل شهر نسوي قائمة بالالعاب اللي اشتراها و يلعبها (أو انتهى من لعبها) عضو أو أكثر من أعضاء فريق سعودي قيمر، و نرتّبها حسب متوسّط تقييم الفريق لها.
التقييم مبني على درجة الاستمتاع باللعبه في وقت التقييم مو جودة اللعبه ككل، يعني الالعاب الجديدة عادة بتاخذ ترتيب أعلى من الألعاب القديمة حتى لو كانت الالعاب القديمه أفضل.
ألعابنا المفضّلة لهذا الشهر (بالترتيب) هي:
بالنسبة لتقييمنا لأفضل ألعاب لسنة 2009، فراح نكتبها ان شاءالله خلال الاسبوع القادم
وش كانت العابك المفضّله اللي اشتريتها و لعبتها هذا الشهر؟ شاركنا فيها بالتعليقات.
للأسف مضطرين نأجل الحلقة 45 الى الأسبوع القادم بسبب وفاة قريب جميل و اضطراره للسفر للمدينه المنوّره للعزا، و بما أنه معد الحلقة فما كان فيه وقت للأسف انه احد يغطي مكانه.
لكن ابتداء من الأسبوع القادم ان شاءالله بنبدا بتطبيق طريقة تنظيم جديدة بين أعضاء فريق سعودي قيمر بحيث ما يأثر (بقدر الامكان) غياب أي شخص على موعد نزول الحلقات.
نرجو المعذره، وموعدنا يوم الأحد القادم ان شاءالله.
في نهاية كل شهر نسوي قائمة بالالعاب اللي اشتراها و يلعبها (أو انتهى من لعبها) عضو أو أكثر من أعضاء فريق سعودي قيمر، و نرتّبها حسب متوسّط تقييم الفريق لها. التقييم مبني على درجة الاستمتاع باللعبه في وقت التقييم مو جودة اللعبه ككل، يعني الالعاب الجديدة عادة بتاخذ ترتيب أعلى من الألعاب القديمة حتى لو كانت الالعاب القديمه أفضل.
ألعابنا المفضّلة لهذا الشهر (بالترتيب) هي:
وش كانت العابك المفضّله اللي اشتريتها و لعبتها هذا الشهر؟ شاركنا فيها بالتعليقات.
أولا كل عام و انتم بخير (بعد الزحمه) بمناسبة عيد الأضحى.
بما انه العالم بيكونون مشغولين بالعيد بالعزايم و بأكل اللحم المطبوخ بـ200 طريقه ثلاث مرات يومياً، بنأجل الحلقة 43 إلى الاسبوع القادم ان شاءالله الموافق الأحد 6 ديسمبر.
نشوفكم على خير ان شاءالله
ابتداء من هذا الشهر بنشاركك بنهاية كل شهر بإذن الله بالعابنا المفضّلة لذلك الشهر.
الالعاب التي نحطها في القائمة هي الالعاب اللي يشتريها و يلعبها (أو انتهى من لعبها) عضو أو أكثر من أعضاء فريق سعودي قيمر، و مرتّبه حسب متوسّط تقييم الفريق لها. التقييم مبني على درجة الاستمتاع باللعبه في وقت التقييم مو جودة اللعبه ككل، يعني الالعاب الجديدة عادة بتاخذ ترتيب أعلى من الألعاب القديمة.
ألعابنا المفضّلة لهذا الشهر (بالترتيب) هي:
شكراً للأخ أحمد (ما اعرف اسمه كامل للاسف) لاقتراحه هذا الموضوع الشهري.
وش كانت العابك المفضّله اللي اشتريتها و لعبتها هذا الشهر؟ شاركنا فيها بالتعليقات
توقّف عمل الموقع اليوم الخميس من الساعة 3 العصر الى 9 بعد العشا تقريبا بسبب وجود مشكلة في سيرفر الموقع تسببت في مسح جميع البيانات، و اجبر الشركه اللي مستضيفة الموقع انها تستخدم نسخة احتياطيه من البيانات بتاريخ أمس.
انمسح آخر كم تعليق من موضوع الحلقة 38، و اذا كنت مراسلنا خلال الفتره المذكوره، فياليت ترجع تراسلنا مره ثانيه لانه احتمال انه ايميلك ما وصلنا.
نعتذر عن الخلل.
تحديثات سريعه عالطاير عشان ما نطوّل عليك:
و سلامتك
حمل برنامج iTunes للاشتراك بالبرنامج لتحصل على الحلقات فور صدورها كل اسبوع.
عندك اقتراح؟ سؤال؟ ملاحظه؟ راسلنا على:
info @ saudigamer.com