اذا انت مستمع ومتابع للبودكاست، فنتمنى تساعدنا في تعبئة هذا الاستبيان السريع، لاننا راح نتخذ عدة قرارات تطويرية بناءاً عليه، ورأيك راح يكون له دور كبير فيها.
الاستبيان عبارة عن 32 أغلبها اختيارات متعددّة، وبالكثير ما راح ياخذ منك الا خمس دقايق بس.
رابط الاستبيان
مشهور الدبيان تحديثات الموقع

السالفه ومافيها، ندوّر مصمّم جرافيكس ينضم لفريق العمل في الموقع ويصير جزء منه عشان يساعدنا نطوّر الاشياء اللي نقدمها أكثر وأكثر. كل اللي يهمنا انه:
- يكون راعي العاب كمبيوتر، مو واحد ما يعرف اي شي عن الالعاب.
- عنده حس فني حلو ويعرف يسوي تصاميم جميله ببساطتها، مو شغل الزبرقه حق المنتديات.
- يلتزم بمواعيده.
- مهتم لتطوير سعودي جيمر وتقديم الأفضل لمتابعينه، ويبادر بالعمل، يعني ما يكون من النوع اللي ينتظر احد يقول له وش يسوي.
ويفضّل انه (لكن مو ضروري):
- تكون عنده مهارات اضافية لها علاقه بالتصميم (رسم، انميشن، مونتاج…الخ).
- يكون احد متابعين سعودي جيمر.
- يكون في الرياض.
- يكون فوق الـ18، عشان اذا طلعنا سوا ما يصير شكلنا شبهه (ولا بنضطر نخلي فيصل ما يجي
)
فاذا انت مصمم جرافيكس وينطبق عليك الكلام اللي فوق، يا ليت تتواصل معنا وترسل لنا بعض اعمالك اذا امكن:
info [at] saudigamer.com
واذا ما كنت مصمّم جرافيكس فياليت تساعدنا وتنشر الموضوع
مشهور الدبيان تحديثات الموقع

ملاحظة: اذا ما تدري وشو RSS وما تستخدم اي برنامج قاريء RSS زي Google Reader او غيره فما يهمك هالموضوع.
غيرنا اليوم عنوان خلاصة RSS الخاصة بالموقع بحيث يصير عندنا عنوانين، واحد خاص لحلقات البودكاست فقط، والثاني شامل لجميع مواضيع الموقع.
كيف بيأثر هالشي عليك؟
- اذا كنت تتابعنا من Google Reader او اي برنامج قاريء خلاصات ثاني، بتحتاج تغير عنوان الاشتراك حقك الى العنوان التالي: http://feeds.feedburner.com/saudigamer_site
- اذا كنت تتابعنا من iTunes او اي برنامج بودكاست، فبتصير عندك امكانيه انك تحمل حلقات أكثر بكثير من السابق. قبل التغيير كنت اقدم حلقه تقدر تحملها هي الحلقة 112. الآن اقدم حلقه تقدر تحملها هي حلقة 42!
هالشي ان شاءالله راح يحل عدة مشاكل اشتكى المستمعين منها، ويعطيك كمستمع تجربة افضل ان شاءالله.
اذا لاحظت اي مشاكل بعد التغيير فياليت تكتبها لنا في التعليقات.
مشهور الدبيان تحديثات الموقع

يوم السبت ان شاءالله بنسجل حلقة خاصة عن أفضل ألعاب سنة 2011.
المختلف هالمره انه بيكون بامكانك تستمع للحلقة خلال تسجيلنا لها بشكل مباشر، وتتفاعل معنا عن طريق تشات كتابي في الموقع بحيث ناخذ رأيك في الحلقة ونتكلم عنه مباشره.
يوم السبت الساعه 8 مساءاً ان شاءالله بينزل موضوع في الموقع بتقدر عن طريقة انك تستمع للحلقة وتكتب تعليقاتك خلال (او قبل) استماعك (راح نبدا تسجيل واذاعة الحلقة الساعه 9)
ندري انه وقت اختبارات، بس هذا شي من صالحنا لانه نتوقع تصير فيه شوية مشاكل تقنية في البث المباشر بما انه اول مره نسويها (يعني لا تدقق واجد اذا جيت
). واذا ما كنت تقدر تحضر فمخططين نسجّل البث وننزله كحلقه عادية ان شاءالله يوم الاحد.
مشهور الدبيان تحديثات الموقع
تحديث: انحلت المشكلة أخيراً
راسلونا عدة اشخاص يسألوننا عن سبب عدم نزول الحلقة 135 على تطبيق iTunes في الآيفون. المشكلة باختصار من iTunes ماهي مننا. وبالمناسبة اللي يتابعون حلقاتنا عن طريق برنامج iTunes على الكمبيوتر ما راح تواجههم اي مشاكل في ظهور الحلقات الجديدة ان شاءالله.
آبل عادة تشيّك على موقعنا كل 24 ساعة، عشان كذا تتأخر ظهور حلقاتنا الجديده شوي. الاسبوع هذا يبدو ان الموضوع اخذ اكثر من 24 ساعه، وفيه عدد من برامج البودكاست الثانيه اللي متأثره بهالمشكله. الآن تطلع آخر حلقه في موقع iTunes، لكن مو راضيه تطلع في تطبيق الجوال.
كحل مؤقت بامكانك اما:
- تنزل ملف الحلقة 135 وترميه للـiTunes في الكمبيوتر وهو يرسلها لآيفونك (زي ما تسوي مع اي اغنيه).
- والطريقة الأسهل انك تشترك بالبودكاست عن طريق برنامج iTunes على الكمبيوتر بحيث ينزل لك الحلقات الجديدة تلقائياً كل ما تشبك آيفونك فيه. كل اللي عليك تسويه هو انك تنزل برنامج iTunes في جهازك ثم تضغط زر “اشتراك باستخدام بنرامج iTunes” الموجود في الجهه اليسرى من هذي الصفحة.
آسفين على المشكله. مافي يدنا شي نسويه عشان نحلها، لكن ان شاءالله انها تنحل من آبل في اسرع وقت.
مشهور الدبيان تحديثات الموقع

كل عام وانتم بألف خير جميعاً بمناسبة عيد الأضحى المبارك، نتمنى لكم اجازه رهيبه مليئه باللحوم (نقصد اللي تاكلها) والالعاب القويه.
شوية تحديثات تخص اشياء سويناها او بنسويها هالاسبوع:
- عدلنا شوي على تصميم الموقع، يا ليت تعطينا ملاحظاتك ان كان عندك اي ملاحظات عليه.
- فيه مسابقة خفيفه هالاسبوع وجائزتها لعبتين من اقوى ألعاب الموسم.
- بسبب العيد والاجازه والالتزامات اللي موجوده فيهم، بنضطر نأجل الحلقة 129 الى بعد العيد…
- … ولكن فيه حلقه خاصة نحلل فيها Uncharted 3 بتنزل بكره (الاحد) ان شاءالله
- بنعلن عن شي كبير حصل للموقع خلال الايام القادمة ان شاءالله.
وسلامتكم
مشهور الدبيان تحديثات الموقع
بسبب ظروف صحّيه أمر فيها، بنضطر نأجل تسجيل حلقة البودكاست الى بكره الأحد، وبالتالي راح ننشر الحلقة 124 ان شاءالله يوم الاثنين.
آسفين على التأجيل. بنجتهد بحيث تكون الحلقة تستحق الانتظار ان شاءالله.
مشهور الدبيان تحديثات الموقع
مثل ما ذكرنا في الحلقة 120، بيتوقّف البودكاست مؤقتاً خلال شهر رمضان والعيد. الحلقة القادمه من البودكاست بتكون ان شاءالله يوم 11 سبتمبر. قررنا نتوقّف مؤقتاً بسبب الالتزامات الكثيره في رمضان والعيد، بالاضافة الى اننا نحتاج بريك شوي نجدد فيه نشاطنا، بحيث يرجع البودكاست افضل واقوى ان شاءالله.
خلال هذي الفتره يمكن ننزّل كم فيديو من رحلتنا الى Gamescom اذا لقينا شي يستاهل، فتابعنا في تويتر او عطنا لايك في فيسبوك عشان يوصلك اي جديد في الموقع.
مشهور الدبيان تحديثات الموقع
نظراً لوجود عدة ظروف والتزامات عند أعضاء الفريق، راح نضطر نأجل تسجيل الحلقة يوم واحد بحيث نسجل الحلقة الاحد وننشرها الاثنين ان شاءالله.
آسفين جداً على التأخير بس صار لظروف خارجه عن ارادتنا.
مشهور الدبيان تحديثات الموقع
لظروف خارجة عن ارادتنا، بنضطر نأجل الحلقة 114، فالعذر والسموحه.
بالمناسبه شكراً لجميع اللي ارسلوا ملاحظاتهم عن الحلقات السابقة. مخطّطين لاشياء قادمه لتطوير البودكاست ان شاءالله انها بتعجبكم.
مشهور الدبيان تحديثات الموقع