شاشة البلايستيشن الرسمية (شاشة 3D) اخيراً بتنزل عندنا في السوق السعودي.

الشاشة بتنزل ان شاءالله يوم 1 مايو  في محلات عالم بلايستيشن وعالم سوني والموزعين المعتمدين. بسعر 2149 ريال بتاخذ:

• شاشة 24 بوصة وضوح عالي مع خاصية 3D.
• نظارتين 3D تقدر تستخدمها مع شاشات الـ3D الثانية.
• لعبتين بلايستيشن فيهم خاصية 3D: لعبة Gran Turismo 5 و Kill Zone 3
• كيبل HDMI.

أرهب ميزة في الشاشة ميزة هي انك تقدر انت وواحد ثاني تلعبون بنفس الشاشه بس كل واحد يشوف شاشه مختلفه (شف الفيديو عشان تفهم وش اقصد) – بس مو متأكدين اذا تشتغل مع كل الالعاب. طبعاً الشاشه تقدر تستخدمها مع الكمبيوتر او التلفزيون ماهي بس للبلايستيشن.

وش رايك في الشاشه؟ وهل ناوي تشتريها؟

شاركنا برأيك بالتعليقات. ترا بيقراها وكيل سوني. صدز ما نمزح.

تحديث: تم تأجيل بداية التصفيات بحيث تبدأ يوم الخميس، بنفس المواعيد الموضحه

وصلتنا من سوني القائمة النهائيه للمشاركين في الجولة الأولى من كأس عالم فيفا التفاعلية اللي بتكون في الرياض في عالم بلايستيشن (شارع التحلية) يومين الاربعاء والخميس (29 فبراير – 1 مارس).

• الجولة بتبدا بمشاركة 256، 128 ضد 128.
• التصفيات تبدأ الساعه 4:30 يوم الاربعاء، والمباريات بتكون حسب الجدول الموجود في آخر الموضوع.
• جدول يوم الخميس بيتوفّر لنا بكره ان شاءالله بعد نهاية أول مجموعه.
• الانتظار للحضور هو 5 دقايق لكل مباراة، في حالة عدم الحضور يتأهل اللاعب الموجود.
• الفائز يوم الخميس يتأهل للعب في دبي على مستوى الدول العربيه، وبعدها لاوروبا على مستوى العالم.

بالتوفيق للجميع!

تحديث: انتهى العدد المحدد من المقاعد، شكراً لكل من اهتم وسجّل. اللي سجّل -في حال اختياره- بيكلمونه الشركه المنظمه يعطونه تفاصيل اكثر عن مشاركته.

مثل ما ذكرنا في الموضوع السابق، بامكانك الآن تشترك في بطولة فيفا 12 العالمية عن طريق موقعنا.

عندنا 50 مقعد حصري اعطوهم لنا منظمين البطولة، فاذا كنت في السعودية لا تفوتك الفرصة في الاشتراك عن طريق تعبئة بياناتك في نموذج الاشتراك

وفي حال ما لحقت على مقعد معنا، جرب حظك مع المقاعد المتوفره عند اخواننا في زيباد

تبدأ في أول مارس تصفيات منطقة الشرق الأوسط التابعة لبطولة فيفا 2012 العالمية “Fifa Interactive World Cup”، وهي بطولة يشارك فيها عدد ضخم من لاعبين فيفا من جميع انحاء العالم (وصل في بطولة 2011 الى 900,000 تقريباً!)، والفايز بالمركز الأول بيحصل على 20 الف دولار (75 ألف ريال)، بالاضافة الى رحلة الى حفل Fifa Ballon d’Or Gala، يعني شي خرافي اذا انت من عشاق الكوره (أو من عشاق الفلوس على الاقل ).

بالنسبة لتصفيات السعودية، فراح تكون في الرياض في يوم 1 و 2 مارس في عالم بلايسيتشن في التحلية.

الشركة المنظمة اعطتنا 50 مقعد حصري للي حابين يشتركون في البطولة عن طريق موقعنا. يوم السبت راح ننشر موضوع ان شاءالله يوضح كيف تقدر تشترك (الاشتراك ما بدأ حالياً)،

المقاعد بتكون لأول 50 شخص يسجّل (حسب اشتراط الشركة المنظمة)، فتابعنا عن طريق حسابنا في تويتر أو صفحتنا في الفيسبوك عشان تنتبه لموضوع الاشتراك بمجرد نزوله مساء يوم السبت ان شاءالله، وما تروح عليك الفرصة.

بامكانك الآن تحجز نسخه من جهاز البلايستيشن فيتا اللي بينزل في تاريخ 22 فبراير، وبكذا تضمن جهازك وتاخذ مزايا اضافية مجاناً.

وش بتستفيد اذا حجزت من الحين؟

بيعطونك هذي الاشياء الاضافية مع جهازك اذا استملته موعد اطلاق الجهاز.

• سماعات حصرية أو محفظة لجهازك.
• FROBISHER SAYS! (تطبيق استعراض، حصري لثلاث شهور)
• تخفيض بقيمة $5 على ألعاب البلايستيشن فيتا مختارة على سوق PSN
• أدوات بلايستيشن فيتا على PlayStation Home (نظارات شمسية رقمية + سماعات + ملابس + حقيبة)
• صورة بلايستيشن فيتا لحسابك في PSN

كيف تقدر تحجز الجهاز؟

تدفع عربون 500 ريال للجهاز (بيعطكونك كوبون) من احد الاماكن التالية:

• جميع معارض “عالم سوني” حول المملكة.
• محلات النسر وبعض محلات الالعاب الكبيره الثانية.
• فروع معارض إكسترا في الرياض (فرع الورود او غرناطه او طريق الملك عبدالله) وجدة (فرع شارع الامير سلطان او شارع التحلية) والمنطقة الشرقيه (فرع الخبر او الدمام).

صورة الكوبون:

مع العلم بان سعر الجهاز الرسمي هو 1200 ريال لنسخة الواي فاي، و1500 ريال لنسخة الثري جي.

هل ناوي تحجز الجهاز؟ شاركنا برأيك في التعليقات.

ولا تنسى تشيّك على مقاطع الفيديو اللي سويناها عن الجهاز.

متحمس للفيتا وتبي تجربه بدري؟ بامكانك تجربتة يوم الاربعاء والخميس (18 و 19 يناير) في مؤسسة الملك فيصل الخيرية جنب الفيصلية (المبنى اللي على اليسار في هالصورة) من الساعة 4 مساءاً الى الساعة 10 مساءاً، وبتقدر تجرب عليه الـ14 لعبه التالية:

1. Uncharted: Golden Abyss جديد
2. Gravity Rush جديد
3. Motorstorm: RC جديد
4. Escape Plan جديد
5. Frobisher Says
6. Little Deviants
7. Hustle Kings
8. Super Stardust Delta
9. Top Darts
10. Hot Shots Golf: World Invitation
11. WipEout 2048
12. Modnation Racers: Roadtrip
13. Virtua Tennis 4: World Tour Edition
14. FIFA (اهم شي، ولا؟)
15. Michael Jackson: The Experience HD
16. Rayman Origins
17. Touch My Katamari (اسمها شبهه)
18. Ridge Racer

فيه العاب متحمس لتجربتها في القائمة؟ شاركنا فيها بالتعليقات.

وطبعاً اهل جدة والشرقية مرحب فيهم اذا ودهم يتذمرون في التعليقات

بطولة دبل بيرفكت هي بطولة اقليميه تقام في المنطقة الشرقية من تنظيم RageTrigger و Double Perfect وبدعم من شركة Razer.

بطولة هالسنه بتكون محصورة في لعبة ستريت فايتر 4، واحد المشاركين في المسابقة بيكون احد أفضل لاعبين اللعبه “لطيف” (اللي سوينا معاه مقابله في احدى الحلقات).

الأجندة

البطوله بتكون في المنطقة الشرقية في محل Voltage7 (خريطة المحل)، يوم الخميس الموافق 12 يناير.

• الساعة 06:00: افتتاح البطولة
• الساعة 06:10: عرض توضيحي لقوانين ولوائح البطولة
• الساعة 06:15: قرعة البطولة
• الساعة 07:00: ابتداء البطولة ودوري المجموعات (ثمان مجموعات – خروج المنهزم على مرحتلين)
• الساعة 10:00: تدشين موقع دبل بيرفكت لالعاب الفيديو والترفيه الالكتروني
• الساعة 10:00: دوري الستة عشر (ثلاث جولات – كل جولة 99 ثانية – شخصية واحدة فقط)
• الساعة 01:00: اختتام البطولة وتوزيع الجوائز

التسجيل للمشاركة

التسجيل بيكون عن طريق محل Voltage7 (خريطة المحل)، يوم البطولة (الخميس 12 يناير) من الساعة 12 الظهر الى 5 العصر. التسجيل مجاناً.

الحضور ما يتطلب اي تسجيل.

القوانين وتفاصيل اللعب

• الجهاز: Xbox 360
• نسخة اللعبة: Street Fighter 4 Arcade Edition 2012
• يد التحكم: بامكانك اختيار يد تحكم الاكس بوكس، او الآركيد ستيك، او الفايت باد، او حتى يد البلايستيشن 2 او البلايستيشن 3 (بيكون فيه قطع تخليك تقدر تستخدمها مع الاكس بوكس)
• بامكانك تستخدم شخصية واحدة فقط.

الجوائز

• المركز الأول:
• درع البطولة للمركز الأول
• اسم وسيرة الفائز على حائط الأبطال في موقع دبل بيرفكت (يحدّث بعد شهر من البطولة)
• Samsung Galaxy Tab 10.1
• شريحة انترنت واشتراك شهر مجاناً 5 قيقا من موبايلي
• تي شيرت Razer
• قارورة Razer Flask
• جراب لابتوب من Razer
• المركز الثاني:
• درع البطولة للمركز الثاني
• سماعات Razer Chimera
• ماوس Razer Mamsa
• تي شيرت Razer
• قارورة Razer Flask
  
• المركز الثالث:
• درع البطولة للمركز الثالث
• تي شيرت Razer
• شنطة ماسنجر من Razer
• كاب Razer
• Most Valuable Shanab
•  درع البطولة للشنب الأكثر قيمة
• كاب Razer
• تي شيرت Razer

صفحة Double Perfect على الفيسبوك | صفحة الحدث على الفيسبوك | صفحة ستريت فايتر أرابيا الرسمية على الفيسبوك

——–

بالمناسبة، في الحدث ان شاءالله بيكونون متواجدين محمد الشريف وصالح النشوان ومشهور الدبيان (انا).

الحلقة تسجلت وراح تنزل في موعدها المعتاد يوم الاحد بالليل ان شاءالله.

رابط متابعة البث المباشر للحلقة (بيشتغل البث الساعه 9 مساءاً – ملاحظة: فيه لاق مدته دقيقه تقريباً بينا كلامنا والبث).

بامكانك كتابة التعليقات والمشاركة في الاستفتاءات المباشره في هذا المربع: (اذا ارسلت تعليق ما راح يطلع الا بعد الموافقه عليه)

بيبدأ بعد عدة أيام معرض TGXPO في الرياض (نستقبل شكاوي اهل جده والشرقيه في التعليقات ). المعرض راح يكون من الخميس الجاي الموافق 24 نوفمبر الى السبت الموافق 26 نوفمبر.

المعرض بيكون فيه عدة فعاليات منها بطولة Ultimate Marvel vs Capcom وبطوله رسميه لـGears of War 3. بتقدر أيضاً تجرّب فيه العاب ما نزلت للسوق مثل Street Fighter X Tekken، Azura’s WrathK، Resident Evil: Racoon City، وغيرها.

احلى شي في الموضوع ان المعرض ما يحتاج تسجيل. متى ما حبّيت مر وجرّب وشارك باللي تبي (الا اذا كنت تبي تشارك في بطوله فلازم تسجّل هناك).

راح نكون متواجدين ان شاءالله في المعرض، ونتمنى نقابل اكبر قدر من مستمعين سعودي جيمر هناك.

جميع التفاصيل موجودة في موقع TGXPO الرسمي.

قامت موبايلي مؤخراً بالاتفاق معنا لرعاية جميع حلقات البودكاست لمدة سنة كاملة!

الحمدلله هذي تعتبر خطوة كبيرة للموقع، وما كانت بتتم بدون توفيق الله ثم دعمكم الكبير لنا.

دعم موبايلي لنا بيعطينا أولاً دفعه معنويه كبيرة، وثانياً بيوفّر لنا مصدر دخل راح نستثمره كاملاً ان شاءالله في تطوير البودكاست والموقع، واعطائك كمستمع ومتابع للموقع تجربة أفضل. بالاضافة الى زيادة عدد المسابقات وأي شي يساهم في تطوير تجربتك معنا.

بالنسبة للحلقات فابتداء من الحلقة الجايه ان شاءالله بيكون فيه اعلان في بداية الحلقة (من موبايلي)، بالاضافه الى توضيحنا (داخل الحلقه) بشكل سريع لتفاصيل العرض الموجود في الدعايه، زي ما كنا نسوي مع اي معلن. اسلوبنا وجميع آرائنا بتستمر بنفس الطريقة. جميعنا (حتى موبايلي) حريصين انه ما يكون فيه اي شيء “مزعج” في الموضوع عشان يستفيد الجميع.

دعم البودكاست بيكون بداية شراكه بيننا وبين موبايلي نحاول عن طريقها ان شاءالله نحقق اهدافنا المشتركه، يعني ما راح يكونون مجرّد معلنين.

نتطلّع ان شاءالله لتعاون مثمر بين الطرفين.

تحديث: تم اختيار الفائزين عشوائياً. الف مبروك للفائزين، وحظ أوفر لباقي المشاركين:

بمناسبة العيد، حبينا نسوي مسابقة نعطي المستمعين فيها 5 نسخ من Call of Duty: Modern Warfare 3! (نسخة البلايستيشن فقط)

طريقة المشاركة:
كل اللي عليك تسويه انك تسوي Tweet للموضوع (باستخدام الزر في آخر الموضوع)، وتتابع حسابنا في تويتر، وبتدخل تلقائياً في السحب على الجائزة. بنعلن عن الفائزين ان شاءالله نهاية يوم الثلاثاء الموافق 8 نوفمبر (يعني بكره)

طبعا لازم يكون عندك حساب في تويتر للمشاركة.

شروط المشاركة:
تكون مقيم في المملكة العربية السعودية، وتسوي Tweet للموضوع قبل نهاية المسابقة. المسابقه تنتهي الساعه 11 مساءاً يوم الثلاثاء الموافق 8 نوفمبر.

بالتوفيق للجميع!

انتشارتد 3 متوفرة الآن، تدري كم سعرها؟ 220 ريال بس!

المحل هذا دايم نتكلم عنه في البودكاست، ونشتري منه جميع العابنا لسبب بسيط: مهما كانت اللعبه قويه أو مهمه، اول ما تنزل ما راح يتعدى سعرها 220 ريال (او 230 في اسوأ الحالات). وتعطي اللعبه كم يوم فجأه تلقى سعرها صار 200 او 180 ريال، هذا غير طبعاً كمية الالعاب المستعمله الموجوده عنده بسعر رخيص يوصل الى 50 ريال. السعر هذا غالباً لالعاب البلايستيشن لان قيمتها ارخص من العاب الاكس بوكس.

المحل يفتح الى الساعة 12، اذا حاب تستفسر عن اي لعبه وتوفّرها بامكانك تتصل على الاخ نايف (يشتغل في المحل) على جواله 0502102109. وهذا وصف المحل على خرايط جوجل

نهاية السنه مليانه العاب، ومهم جدا انك تشتري من محل يوفّر عليك فلوس وما يستغل الفتره هذي.

نتمنى انك تنشر الموضوع في تويتر أو فيسبوك عشان تفيد غيرك.

كيف تشترك في المسابقة:
تدخل موقع مصطلحاتك بين اليوم الاثنين 24 اكتوبر و 5 نوفمبر 2011، وتسجّل (او تدخل بحسابك حق الفيسبوك)، ثم تضيف 10 مصطلحات أو تعريفات انجليزية مرتبطة بالعاب الكمبيوتر وتقنياتها مع الترجمة الأفضل في نظرك  . (امثلة: First Person Shooter, Graphics, Gameplay…الخ)

الشروط:

• تكون مقيم في المملكة العربية السعودية (او تكون مقيم خارج المملكه لكن تختار جميع العابك على الـPC من Steam)
• المشاركة بـ10 مصطلحات على الأقل خلال الفترة المحدّدة في الفقرة السابقة.
• بعد ما تشارك في الموقع، تكتب تعليق على هذا الموضوع باستخدام نفس الايميل اللي استخدمته في التسجيل في موقع مصطلحاتك (او الايميل التابع لحساب الفيسبوك اللي استخدمته لتسجيل دخولك في الموقع)، عشان نضمن ما نختار الا اللي يبون يشاركون في المسابقة.

بالتوفيق للجميع!

طبعاً بالاضافة الى العوائل اللي يبون ياخذون بزارينهم بهذاك الوقت عشان “يلعبون اتاري” ويضيعون وقت شوي، وبعدها يشتكون من العنف الزايد في الالعاب وكيف ان الامريكان يستهدفون اطفالنا ويبون يخربونهم وكذا.

تم التحديث في 26 سبتمبر

في هذا الموضوع بتلقى جميع الالعاب اللي تأكد وجودها رسمياً في معرض يوم اللاعبين اللي بيبدا يوم الاربعاء الجاي في الرياض.

القائمة حتى الآن ما اكتلمت، فمجرد ما توصلنا العاب اضافية راح نضيفها للموضوع.

سوني:

• جهاز Playstation Vita
• جهاز تلفزيون Playstation 3D
• Uncharted 3
• Uncharted: Golden Abyss
• Resistance: Burning Skies
• Resistance 3
• Move Fitness
• Dancestar Party
• Twisted Metal
• Ratchet and Clank: All 4 One

يبدأ اليوم الطلب المسبق للعبة Gears of War 3 في الرياض وجدة والخبر في الفروع التالية لمحلات طوكيو:

• الرياض: فرع العليا
• جدة: فرع مركز تالة
• الخبر: فرع مول الراشد

1. توجه لاحد الفروع المذكوره وعبي الكوبون المخصص للطلب المسبق (بيطلبون منك اسمك ورقم جوالك وايميلك).
2. ادفع 50 ريال قيمة الحجز (قيمة النسخه الكامله 250)
3. ارجع يوم الثلاثاء (19 سمبتمبر) للفرع مع الكوبون بعد منتصف الليل (شدعوى؟) عشان تاخذ نسختك وتحصل على هديه.

اللعبه شكله بيصير عليها زحمه خرافيه، فانصح اللي حريص عليها مره يطلبها أضمن له.

معرض يوم اللاعبين هو معرض سنوي يقام في الرياض بتنظيم وكيل سوني، يعرض فيه عدد من أحدث الألعاب، بعضها يكون ما نزل للسوق حتى.

المعرض هذي السنه يبدو انه بيكون أكبر وأفضل من أي سنه قبلها بما انه صار فيه عدة شركات مشاركه (مو بس سوني)، وأيضاً تم تغيير المكان الى مكان أفضل وأكبر (أخيراً!!).

ننصحك تلحق وتسجّل بسرعه عشان تقدر تحضر أول يوم بما ان اول يوم بيكون الحضور محدود وبتكون فرصتك لتجربة أكبر عدد من الالعاب أكبر. اليومين اللي بعدها بتكون للجميع، بس عاد الله يعينك على الزحمه.

الى الآن ما عندنا القائمة النهائية للالعاب اللي بتكون بالمعرض، لكن من اللي سمعناه يبدو ان بتكون فيه عدة ألعاب قويه.

للتسجيل وللمعلومات الخاصة عن المعرض وأوقاته، بامكانك زيارة موقع معرض يوم اللاعبين 2011

نتكلم في هذي الحلقة الخاصه عن انطباعنا الاولي لكثير من العاب معرض Gamescom 2011 بعد تجربتنا لها مثل Modern Warfare 3, Battlefield 3, Batman Arkham City, Mass Effect 3 وغيرها!

بعض الالعاب الموجوده في المعرض احبطتنا، وبعضها كان افضل بكثير مما نتوقع، وبعضها كانت رهيبه لكن للأسف مالها شعبيه، بتتعرف على هذي الالعاب بالحلقة.

تقديم: مشهور الدبيان، طارق الدخيل

هذي صورة ولدنا بالاضافة الى فيديو مباراته الحماسيه مع دياجو (عبداللطيف يلعب بشخصية C. Viper):

كبير يا عبداللطيف!

مصدر صورة الخبر

يمكن تتسائل “طيب هو ما كان معكم من زمان؟”. هو فعلياً يشارك معنا من زمان في البودكاست، لكن الشباب في فريق العمل يسوون اشياء اضافية فوق الحضور والتسجيل في الحلقات. والاشياء اللي قدمها لنا محمد اكثر بكثير من حضوره ومشاركته معلوماته وتجاربه الثريه في حلقات البودكاست بشكل مستمر، وعنده مبادرات رائعه ساهمت في تطوير البودكاست بشكل مميز.

فاتمنى انك تساهم معنا بالترحيب فيه وتشجيعه لتقديم الافضل.

حنا من ناحيتنا سوينا له طقوس الانضمام المعتاده:

تابعنا كلنا اليومين اللي فاتوا مؤتمرات الشركات في E3. الى ما ننتهي من تجربة المعرض بالكامل ثم تحليله بالبودكاست، راح اشارككم بخلاصة سريعه عن المؤتمرات اللي حضرناها:

أقوى المفاجآت:

• الاعلان عن لعبة Halo 4.
• تلفزيون بلايستيشن جديد حجم 24 بوصه بتقنية الـ3D بسعر يقارب 1850 ريال تشمل نظارتين ونسخه من لعبة Resistance 3 وكيبل HDMI!
• تقنية الثري دي اللي تسمح للاعبين يلعبون في نفس التلفزيون وكل واحد فيهم يشوف شاشه مختلفه عن الثاني.
  
• الاعلان عن اسم NGP الرسمي (Playstation Vita) وسعره اللي كان ارخص مما توقعناه. سعره بيكون تقريبا 950 ريال لنسخة الواي فاي، و 1130 ريال تقريبا لنسخة الثري جي.
• يد تحكّم Wii U. مع انها كانت تقريباً مسرّبه من فتره، الا ان الطرق المقترحه لاستخدام الجهاز كانت مفاجئه رائعه. (فيديو)
  

حصريات بارزه:

• مايكروسوفت: امكانية استخدام الأوامر الصوتيه في لعبة Mass Effect 3. (فيديو)
• مايكروسوفت: لعبة Minecraft بتنزل حصرياً على الاكس بوكس في الشتاء.
• سوني: محتوى حصري للبلايستيشن فقط في الالعاب التالية: Saints Row: The Third، Need for Speed: The Run، SSX
• سوني: نسخة Battlefield 3 على البلايستيشن بيكون معها نسخه مجانية من لعبة Battlefield 1934

ألعاب أبهرتنا:

• نظام تطوير الاسلحة في Ghost Recon: Future Soldier 2، مفصّل بشكل جدا رائع وما سبق شفناه في لعبه ثانيه. (فيديو)
• جرافيكس لعبة Forza 4. الاهتمام بالتفاصيل فيها فعلاً مبهر. (فيديو)
• لعبة Rayman Origins. رسوماتها رائعه ونظام اللعب التعاوني يبدو ممتع. (فيديو)
• لعبة Uncharted 3 (طبعاً!)، عرضوا مرحلة على سفينه، مؤثرات المويه كانت مبهره صراحه. (فيديو)
• التفاصيل في لعبة Battlefield 3، تحسّسك انك فعلاً في حرب حقيقيه. (فيديو)
• لعبة Ruin على Playstation Vita فيها خاصية حفظ اللعبه في الفيتا واكمالها في البلايستيشن 3 والعكس.
• لعبة Tomb Raider الجديدة، ما توقعنا التغيير في اللعبه يكون كبير لهالدرجه. (فيديو)

أشياء احبطتنا:

• مايكروسوفت ما قدّمت مؤتمر يليق بها.
• سوني تعاقدت مع AT&T حصرياً لاصدار الثري جي من Playstation Vita، هل هذا يعني انه بيصير مقفل على شبكتهم بس؟
• ننتندو أغلب ألعابها اما اعادة اصدار لالعاب قديمه، أو العاب جديدة بنفس الشخصيات القديمه. (بس ماهو شي جديد عموما على ننتندو)
• Assassin’s Creed و Battlefield و Fifa 12 ما اخذوا حقهم في العرض في المؤتمرات، ولا شفنا شي جديد يستاهل فيهم.
• للأسف Modern Warfare 3 تقريباً نفس الشي اللي نعرفه في الاجزاء السابقه.
• Need for Speed: The Run تحمّسنا يوم سمعنا ان اللاعب يقدر يطلع من سيارته، لكن اكتشفنا بعدين للأسف انه كل اللي تسويه انك تضغّط الازرار اللي تطلع بالشاشه. (فيديو)

تواريخ تهمنا:

• اكتوبر 2011: صدور لعبة Forza 3
• سبتمبر 2011: البيتا حق Battlefield 3، بيكون مفتوح للجميع.
• سبتمبر 2011: مجموعة Ico و Shadow of the Colossus على البلايستيشن 3.
• شتاء 2011 (مافيه تاريخ محدد): صدور لعبة Minecraft على الاكس بوكس.
• نهاية 2011: اطلاق تلفزيون الثري دي الخاص ببلايستيشن.
• ديسمبر 2011: اطلاق البلايستيشن فيتا (المحمول).
• مارس 2012: صدور لعبة Mass Effect 3

من اللي شفناه من الحضور:

• أكبر ردة فعل ايجابيه كانت على اعلان سعر بلايستيشن فيتا.
• أكبر ردة فعل سلبيه كانت على اعلان حصرية نسخة الثري جي من بلايستيشن فيتا على شبكة AT&T.
• أكثر مؤتمر طفشوا فيه الناس هو مؤتمر Ubisoft (اعطوا وقت طويل جدا لـGhost Recon لدرجة ان الناس اللي حولنا صاروا يناظرون في جوالاتهم وطنشوا المؤتمر).

طبعا الملخّص هذا يشمل فقط الاشياء اللي شفناها في المؤتمرات. تجربتنا الكامله للالعاب الموجوده في المعرض راح نناقشها في البودكاست ان شاءالله بعد نهاية المعرض.

هالسنه ان شاءالله راح نغطي معرض E3 – أكبر معرض لالعاب الكمبيوتر – من أرض الحدث ان شاءالله.

ولكن! ما راح نطفّشكم بكم كبير من التقارير والاخبار المملة. نبي نروح نجيب المعلومات اللي فعلاً تهمّك كمتابع لموقعنا. طبعاً راح تكون فيه تغطية عامه للمعرض، لكن اللي يهمّنا أكثر اننا نجيب لك الاجابات اللي تبيها “أنت”.

فاللي راح نسويه هو التالي: اسألنا اي شي تبي تعرفه موجود في المعرض (سواء كان عن لعبه او غيره) ونبي نبذل كل جهودنا في اننا نجيب لك الاجابه وبالفيديو بعد ان امكن بعد. تبي نشيّك لك على ميزه اذا هي موجوده في لعبه تنتظرها؟ تبي نحاول نسأل مطوّر لعبه معينه سؤال في بالك؟ …الخ

الاسئلة بامكانك ترسلها على بريدنا المخصّص للحدث e3 @ saudigamer . com أو تكتبها في التعليقات في هذا الموضوع.

واذا ما كنت تعرف الالعاب الموجودة في المعرض، فبامكانك الاطلاع على قائمة الألعاب في IGN.

تحديث: اعتقد جانا عدد كافي من الاسئلة، راح نكتفي بهذا القدر عشان نبدا بالاعداد للرد عليها جميعاً ان شاءالله. شكراً لكل من شارك

وصلنا بيان صحفي من شركة EA يذكر ان اللعبه القادمه من سلسلة Fifa 12 بيكون فيها قوائم وتعليق باللغه العربية (مع المعلقين عصام الشوالي وعبدالله الحربي) – شي ننتظره من زمان صراحه بغض النظر اذا تحب المعلقين هذولي أو لا.

اعتقد الشي هذا راح يجذب باقي محبي Pro Evolution Soccer الى سلسلة فيفا، ولا وش رايك؟

بيان الشركه:

EA Sports FIFA 12 الآن باللغة العربية لمنصات الجيل الجديد

قوائم وتعليق باللغة العربية مع عصام الشوالي وعبدالله مبارك الحربي

EA Sports تغير اللعبة مع محرك Player Impact Engine

الرياض، المملكة العربية السعودية –27 مايو 2011 – أعلنت إليكترونيك آرتس (NASDAQ: ERTS) اليوم عن التعريب الكامل للعبتها القادمة EA Sports FIFA 12، حيث سينضم إلى فريق المعلقين كل من عصام الشوالي ومبارك عبد الله الحربي، حيث يجلب كلٌ منهما خبرة ومعرفة واسعة وتقديم تعليق مميز يعكس خبرتهما في التعليق على مئات المباريات الإقليمية والدولية لكرة القدم خلال العقد الماضي.

وعلق كاز ماكيتا، المنتج التنفيذي للعبة EA Sports FIFA 12 “إن لعبة FIFA 12 من أهم ألعابنا في الشرق الأوسط ونحن ملتزمون بتقديم أفضل تجربة أصلية لللاعبين العرب. نحن متحمسون للعمل مع عصام وعبد الله والذان يتمتعان بمعرفة عميقة بكرة القدم في الشرق الأوسط وتاريخها، مما سيجعلها أفضل لعبة بتاريخ EA Sports FIFA.”

بالإضافة إلى التعريب الكامل، أعلنت إليكترونيك آرتس عن تطوير محرك Player Impact الجديد والذي سيقدم تغييرات جذرية لأفضل لعبة رياضية على الكوكب*. استغرق تطوير المحرك الجديد سنتين وسيقدم تجربة واقعية من جميع الزوايا على الملعب. هذا المحرك واحد من عدة تحسينات جذرية على FIFA 12 والذي استوحيت من كرة القدم الحقيقية وتم تطويرها من قبل فريق الفيفا في EA Canada.

وأضاف كاز “هذا التحول لفيفا 12 شيء ثوري فعلاً. لقد قررنا بناء تقنية جديدة لإنتاج أفضل لعبة فيفا في التاريخ، وسيلاحظ معجبينا هذا الفرق وأهمية محرك Player Impact حين تجربتهم للعبة FIFA 12.”

محرك Player Impact الجديد سيغير قواعد اللعبة بشكل جذري على أنظم PS3 وX360. سيتمكن اللاعب الآن من عيش تجرة تحاكي الصراع الدائم على الكرة والمنافسة بين اللاعبين في عالم كرة القدم الحقيقية. سيقوم هذا المحرك بمعالجة قرارات اللاعب بشكل مستمر لإنتاج عدد لا نهائي من النتائج بعد كل اصطدام. سيشعر اللاعبون الآن بمرونة عالية، وجهد الكفاح من أجل حيازة الكرة والتعافي من التحديات بسهولة أكبر.

الابتكارات الثورية المستوحاة من العالم الحقيقي لكرة القدم تجعل من FIFA 12 أعمق وأكثر تفاعلاً. وتتضمن هذه الإبتكارات Precision Dribling وTactical Defending واللذين  بعداً جديداً للهجوم والدفاع على أرض الملعب. كما يتمتع اللاعبون الآن بنظام Pro Player Intelligence – نظام AI والذي يسمح للاعبين بالتحكم بأرض الملعب. أما طور Career Mode الجديد فسيقدم تجربة مبنية على قصص حقيقية من عالم كرة القدم.

خاصية Precision Dribbling الجديدة تخلق بعداً جديداً من الدقة عند التحكم بالكرة في مساحات ضيقة، بالإضافة إلى إتاحة اللاعب المزيد من الوقت عند التخطيط للهجوم والتحكم بسرعة المباراة بشكل عام. وتم موازنة إبداعات الهجوم بميكانيكيات دفاعية جديدة، حيث أصبح الدفاع الآن بأهمية الهجوم – شكراً لخاصية Tactical Defending والتي تركز على المواقع الإستراتيجية الدفاعية.

تم تسليح اللاعبين على أرض الملعب بنظام Pro Player Intelligence، والذي يسمح لهم بتسخير مهاراتهم المستوحاة من اللاعبين الحقيقيين وتغيير مجرى المباراة. فعلى سبيل المثال، يمكن للاعب يتمتع ببصر قوي من رؤية فرص لا يمكن للاعبين الآخرين رؤيتها حيث يمكن للاعب ريال مدريد كاكا من إستلام كرة بعيدة بشكل أفضل وأسرع مقارنة باللاعبين الآخرين. كما ستقوم الفرق بتعديل خططهم بناءً على قوة اللاعبين ونقاط ضعف الفريق المنافس – مما يمنح FIFA 12 بعداً جديداً من الواقعية.

كما ستقدم EA Sports FIFA 12 نمط Career الجديد كلياً، والمدعوم بقصص مستوحاة من عالم كرة القدم الحقيقية، حيث ستؤثر عدة عوامل مثل معنويات اللاعب ومركز الفريق في الدوري على نتائج المباريات. ويجب على اللاعب مواجهة قرارات ومواقف أكثر حزماً ومواجهة النتائج على الملعب.

EA Sports FIFA 12 باللغة العربية ستكون متوفرة على منصات PS3 وX360 في وقت لاحقٍ هذا العام. النسخة العادية ستكون متوفرة على منصات PS3, X360, Wii, PC, PS2, 3DS, PSP, iPhone, iPad و iPod Touch.

الفيديو المرفق من NG4A

مليت من المناسبات الرسميه الخاصه بالالعاب؟ اجل خلينا نشوفك يوم الخميس الموافق 19 مايو في قاعة الملك فيصل الخيريه في الرياض. انا وأحمد الأحمري من البودكاست بنكون احد المتحدّثين في عدد من جلسات نقاش مع شباب ثانيين، بتدور الجلسات حول عدة مواضيع تهمنا كلاعبين جيمز عموما، ولاعبين جيمز سعوديين خصوصاً. تقدر تتخيله كانه حلقة بودكاست، لكن امام جمهور، مع وجود بعض الالعاب اللي ما نزلت للتجربه قبل ما تبدا جلسات النقاش.

بالمناسبه، الموضوع ماهو رسمي ابداً، فما راح نشترط عليك تلبس لبس معين او نجبرك تستمع لكلام تسويقي ممل.

سجّل الآن لان المقاعد محدوده. المزيد من التفاصيل في موقع جمعة الجيمرز.

دعتنا شركة سيمافور المتخصّصة بتطوير الألعاب الى مكتبها يوم الخميس عشان نطّلع على لعبة “الركاز” (Unearthed)، القادمه الى 10 اجهزة قريباً (ايه، عشره!) من ضمنها البلايستيشن والاكس بوكس طبعاً. بصراحه اللي شفته ما كنت متوقعه ابداً من لعبه محليه، فيه اهتمام غير معتاد بالتفاصيل. (ملاحظه: هذي اللعبه تختلف عن Unearthed Online الموجوده حالياً)

كمتابع لسعودي قيمر بتكون من اول الناس اللي بيطّلع على اللعبه. النسخه اللي راح تشوفها في الفيديو تحت التطوير وماهي نسخه نهائيه، فلا تدقق او تستقعد كثير.

نتمنى تشاركنا بملاحظاتك عن اللعبه في التعليقات، لان المطوّر راح يطّلع عليها ويحاول ينفّذ اكبر قدر من الاقتراحات الموجوده هنا قبل اطلاق اللعبه.

في الحلقه 109 من البودكاست (يوم الاحد) بننشر لقاء مع المطوّر ورئيس الشركه يتكلمون فيه عن عملية تطويرهم للعبه وطموحاتهم وسبب بدايتهم بالنسخه الانجليزيه اولاً واشياء كثيره غيرها، فلا تفوتك.

تم السحب! ألف مبروك للفائزين: KholoudFariss, Al_zubi, MrMystry, _Sale7, Walee8، وحظ أوفر لبقيّة المشاركين.

قبل كم يوم كنت أشيّك على الـApp Store حق الآيفون اشوف وش فيه لعبه جديده، ولفتت انتباهي لعبة “الرجل المشنوق” اللي هي تعريب للعبة Hangman اذا كنت تعرفها.

صراحة اللعبه ممتعه وحلوه لتضييع الوقت، وواضح من تصميمها انه متعوب عليها، حتى انها أفضل تصميم من أي لعبه لعبتها قبل كذا من هذا النوع. وتقدر تلعب انت وشخص ثاني بحيث تألف كلمه من راسك وتخليه يحاول يعرفها.

اليوم عندنا 5 أكواد للعبه تخليك تحمّلها مجاناً. كل المطلوب منك انك تسوي Tweet لهذا الموضوع (عن طريق الزر في آخر الموضوع) وبنختار 5 أشخاص عشوائياً من الأشخاص اللي سوو له تويت اليوم.

تنتهي فرصة المشاركة في السحب على نهاية اليوم (الخميس 17 مارس). بنرسل الأكواد للفائزين يوم الجمعه (18 مارس) ان شاءالله.

واذا مستعجل تقدر تشتريها بـ1.99$ من الآب ستور، تستاهل اللعبه

]]> http://saudigamer.com/2011/03/17/hangman-giveaway/feed/ 40 http://saudigamer.com/2011/03/14/homefront-ban/ http://saudigamer.com/2011/03/14/homefront-ban/#comments Mon, 14 Mar 2011 08:23:05 +0000 مشهور الدبيان http://saudigamer.com/?p=1735 وصلنا الآن من وكيل سوني في السعودية ان الجمارك منعت لعبة Homefront من دخول السوق السعودي.

مافيه أي توضيح من الجمارك لسبب المنع، بس يمكن لان اللعبه جابت طاري السعودية، ويوم درا واحد بالجمارك قال “هذي اللعبه تبي تخرّب اطفالنا وتزرع فيهم افكار تغريبيه هدامه تؤثر في وطنيتهم!!!!” (مع انها قصه وهميه وحتى امريكا تم احتلالها بقصّه اللعبة) وقرر يمنع اللعبه. مجرد توقّع من طرفنا.

واذا كنت من اللي حجزوا اللعبه من عالم بلايستيشن أو فيرجن فلا تشيل هم، ارجع لهم بالكوبون حقك وبيرجعون لك فلوسك بالاضافة الى التي شيرت الشيوعي اللي كانوا واعدينك فيه. واذا كنت حاجز من عالم بلايستيشن فبالاضافه الى الخيار الأول بتقدر بعد تحتفظ بالكوبون وتستخدمه بعدين في شراء لعبة Motorstorm Apocalypse وتاخذ معها التي شيرت.

عندنا اليوم 3 تي شيرتات و بلوفرين أصليات للعبة Motorstorm: Apocalypse. ما اخفيك صراحه ايدي تحكّني ودي اخذ وحده لي، بس عاد بالنهايه قررنا نعطيها كلها للمستمعين احقاقاً للحق وردعاً للفساد الاداري.

هذي صورة للتي شيرت:

وهذي صورة للبلوفر:

وهذي صورة للورقه اللي معها توريك ان التي شيرت من سوني مو تقليد:

كيف تشارك؟ اكتب Saudi Gamer على قزازة اي سياره مغبّره وصورها بجوالك وارفعها على النت (يفضّل على imageshack) وحط رابط الصورة في التعليقات على هذا الموضوع، وبتدخل في سحب على الملابس مع نهاية المسابقة.

ايه نتكلم جد.

قسم بالله ما نمزح.

شروط المشاركه:

• تكون مقيم في السعودية.
• تحط تعليقك مع الصوره قبل نهاية يوم الثلاثاء الموافق 16 مارس.
• تقدر تشارك بصوره وتعليق واحد فقط.

ملاحظة: الملابس مقاسها M (فيه الظاهر ثنتين L)، فلا تقول ما قلنا لك اذا فزت فيها وما طلعت قدّك

وسلامتك

(هذا الموضوع تابع لاحتفالية سعودي قيمر بمناسبة وصولنا للحلقة 100)

بعد ما اقترحوا المستمعين علينا مقاطعهم المفضّله من البودكاست من أول ما بدينا، جمعنا اغلبها لك في حلقه وحده نتمنى انها تعجبك.

شكرا لمحمد الشريف وجميل عبدالأحد على جهدهم الخرافي في تقطيع وتجميع المقاطع من مختلف الحلقات.

صورة الموضوع من تصميم المبدع الاخ اسماعيل من البوابة الرقميه.

(هذا الموضوع تابع لاحتفالية سعودي قيمر بمناسبة وصولنا للحلقة 100)

انتهت المسابقة! الفائزين هم: iiYASERzZ، al-ahmad، meem22، bassimnnn9   . الف مبروك! وحظ أوفر لبقية المشاركين.

اليوم عندنا 4 بطاقات PSN (للستور السعودي فقط) من فئة 20 دولار!

بنسوي سحب على البطاقات، كل المطلوب منك للدخول في السحب هو كتابة تعليق على هذا الموضوع يحتوي على يوزرك في  شبكة PSN (بنرسل الاكواد للفائزين عن طريق المسجات في الـPSN)، لأن مانبي يشارك الا اللي فعلا بيستفيد من النقاط.

شروط المشاركه:

• المشاركه مفتوحه للجميع (من داخل وخارج السعوديه)
• تشارك بتعليق واحد فقط مذكور فيه يوزرك في PSN. اذا شاركت باكثر من تعليق بنضطر آسفين اننا نشيل اسمك من السحب.
• تعليقك يكون انكتب قبل نهاية يوم السبت 5 مارس.

بنعلن عن الفائزين يوم الأحد الموافق 6 مارس باذن الله.

بالتوفيق للجميع

الحمدلله وفقنا الله في الفوز (للسنه الثانيه على التوالي) في المركز الأول في فئة البودكاست في جائزة هديل العالمية للاعلام الجديد. (هذي التروفيز حقتنا اللي بالصوره )

هذي السنه كانت تختلف عن السنه اللي قبلها. السنه هذي كان معنا منافسين جدا شرسين وهم اصدقائنا في بودكاست FTWeekly و بودكاست “على طاري”، حتى لدرجة اني رحت الحفل وانا حاط في راس اننا بناخذ بالكثير بالمركز الثاني. لكن الحمدلله توفّقنا ووقع اختيار لجنة التحكيم علينا وفزنا بالمركز الأول.

الجائزة فعلياً جائزة معنويه (مافيه فلوس ولا شي)، لكن بتعطينا دفعه تشجيعيه كبيره جداً للاستمرار في تقديم الأفضل ان شاءالله، خاصة انها جت متزامنه مع احتفالنا بالحلقه 100.

ألف شكر لكل اللي صوّت لنا في مرحلة الترشيح في الجائزة، ولكل من يستمر بدعمه لنا بمتابعتنا والتفاعل معنا وارسال اقتراحاته وملاحظاته اللي تساعد في تطوير البودكاست.

وطبعاً شكراً من القلب لكامل فريق العمل: طارق، أحمد، جميل، فيصل، محمد على بذلهم جهدهم ومالهم في تطوير البودكاست وضمان جوده أفضل.

اليوم حبينا نشارككم بحلقه أول مره ننشرها في موقعنا و هي الحلقه التجريبيه (أو الحلقه صفر). الحلقه هذي سويناها قبل ما نبدا الموقع وارسلناها لبعض اعضاء منتدى البلايستيشن 3 في موقع البوابة الرقميه Adslgate.com.

بتلاحظ اذا استمعت للحلقه الفرق الكبير اللي صار بينها وبين آخر حلقه لنا. بتشوف كيف ان مستوانا كان جدا سيء، وان أي شي ممكن يتطوّر بالممارسه. يعني اذا كنت ناوي تبدا بودكاست أو أي مشروع ثاني فلا تتردد وتخاف انه ما راح تقدّم شي كويس من أول مره، لانك بتلقى كم واحد يدعمونك من البدايه الى ما توصل للمستوى المطلوب.

تم اجراء السحب. الفائزين بالبطاقات هم: naif، maijo0or، The JoKeR، abo_x_jabar. ألف مبروك! وحظ أوفر للجميع في مسابقاتنا القادمه.

اليوم عندنا 4 بطاقات اكس بوكس لايف، كل وحده فيها 1600 نقطه! البطاقات مخصصه للستور الأمريكي.

بنسوي سحب على البطاقات، كل المطلوب منك للدخول في السحب هو كتابة تعليق على هذا الموضوع يحتوي على يوزرك في  شبكة اكس بوكس لايف (بنرسل الاكواد للفائزين عن طريق المسجات في اكس بوكس لايف). مانبي يشارك الا اللي فعلا بيستفيد من النقاط.

شروط المشاركه:

• المشاركه مفتوحه للجميع (من داخل وخارج السعوديه)
• تشارك بتعليق واحد فقط مذكور فيه يوزرك في اكس بوكس لايف. اذا شاركت باكثر من تعليق بنضطر آسفين اننا نشيل اسمك من السحب.
• تعليقك يكون انكتب قبل نهاية يوم الخميس الموافق 3 مارس.

بنعلن عن الفائزين يوم الجمعه الموافق 4 مارس باذن الله.

بالتوفيق للجميع

على بال ما تخلّص مسابقة امس، حبينا نطرح موضوع خفيف فيه بعض المعلومات والاحصائيات العشوائيه عن الموقع من يوم ما بدا:

• البودكاست أول ما بدأ كان بودكاست متخصّص في البلايستيشن 3 فقط، ثم بعد 13 حلقه صرنا نغطي اخبار جميع الأجهزه.
• سجلنا أكثر من 170 ساعه وقضينا 320 ساعه اضافية (تقريبا) في اعداد ومونتاج الحلقات الصوتيه فقط (غير تقارير الفيديو).
• أكثر شخص حضر في الحلقات هو فيصل.
• على طاري فيصل، فقرة “قنعور يتذكّر” (اللي فيصل يتذكر لنا فيها لعبه قديمه) بدأت من مزحه مزحها فيصل مع المستمع سامي الرميح في تعليقه على الحلقه 27. يوم قريناها عجبتنا واجبرناه يسوي هالفقره كل اسبوع.
• مجموع الاستماعات لجميع الحلقات الصوتيه اللي سويناها هو اكثر من 260 ألف استماع وتحميل.
• ثاني اكثر دوله تحمل وتستمع للبودكاست هي أمريكا (الظاهر الطلبه المبتعثين)، يجي بعدها الامارات.
• اكثر حلقه استماعات Saudi Gamer + Gaming FTW (وصلت الى اكثر من 6000 استماعتحميل في فتره قصيره)
• أكثر موضوع صار فيه تهزيء كان في موضوع لقاء القناة السعودية الاولى مع سعودي قيمر
• أكثر موضوع كان فيه ابداع هو موضوع الرسومات المشاركه في احدى مسابقاتنا.
• أكثر موقع دعم البودكاست (وهو نفس الموقع اللي نشرنا الحلقه التجريبيه فيه) هو موقع البوابة الرقميه ADSLGate، وبالتحديد قسم البلايستيشن 3. فألف شكر لصاحب الموقع الأخ أبو ثابت وجميع مشرفي واعضاء قسم البلايستيشن 3.
• أكثر موزّع محلّي دعم البودكاست هي شركة الالكترونيات الحديثة وكيل سوني في المنطقه. دعمها للمواقع السعودية المتخصصه في الالعاب بشكل عام كان (وما زال) خرافي.
• شطحه: أفضل محترف اجنبي المهندس أحمد كامل من دولة مصر الشقيقه. مدري ليش بس دايم تعليقاته يتكلم عنها شخص أو اكثر من الفريق قبل ما نبدا نسجّل.

وأخيراً، أكثر 10 مستمعين يعلقون على مواضيع الموقع من بدايته (بالترتيب):

1. PoKe
2. عبدالله ابراهيم (king_056)
3. BLACK3SHADOW
4. memw
5. هتان الطويلي
6. D-black
7. A7madBan
8. أسير المحبّه
9. SyLaR
10. Jonn2

نشكرهم على تفاعلهم الكبير مع مواضيع الموقع

على فكره، اذا عندك اكس بوكس لازم لازم تسيّر علينا في الموقع بكره.

(هذا الموضوع تابع لاحتفالية سعودي قيمر بمناسبة وصولنا للحلقة 100)

انتهت المسابقه. ألف مبروك للفائزين في السحب: معاذ الناصر، sahod، Queenx، aljasser. وحظ أوفر لكل من شارك.

اليوم عندنا 4 بطاقات iTunes من فئة 10 دولار بنوزعها للمتابعين. البطاقات مخصصه للستور الامريكي

بنسوي سحب على البطاقات، كل المطلوب للمشاركه هو كتابة تعليق على هذا الموضوع.

شروط المشاركه:

• تكون مقيم في السعودية.
• تشارك بتعليق واحد فقط. اذا شاركت باكثر من تعليق بنضطر آسفين اننا نشيل اسمك من السحب.
• تعليقك يكون انكتب قبل نهاية يوم الثلاثاء 1 مارس.

بنعلن عن الفائزين يوم الاربعاء الموافق 2 مارس باذن الله.

بالتوفيق

نبدأ أول موضوع بالشي اللي طلبوه ناس كثير مننا من يوم ما بدينا البودكاست، وهي موسيقى البودكاست كامله.

سابقاً ما كنا نقدر نعطيها لاحد لاننا اخذنا اذن لاستخدامها في البودكاست فقط. حاولنا مؤخراً نتواصل مع صاحب المقطع لكن ما قدرنا نوصل له (موقعه اختفى)، فقررنا ننشرها هنا ولو اعترض شلناها.

بالمناسبة، مدري اذا احد لاحظ، لكن الموسيقى مبنية على اغنية Hard Better Faster لـ ـDaft Punk

حمّل المقطع من هنا (اضغط بزر الماوس اليمين على اللنك ثم احفظ الملف)، ولا أوصّيك خلها نغمه لجوالك عشان نعرف بعض اذا سمعناها في مكان عام

بدينا بودكاست Saudi Gamer سنة 2009 و من وقتها وحنا ننتج حلقه بشكل اسبوعي شاركناكم فيها بآرائنا عن جميع الاحداث اللي صارت في عالم العاب الكمبيوتر خلال السنتين الماضية، وواجهنا معكم المواقف الشينه والزينه، وطورنا البودكاست واستمرينا فيه من أول حلقه الى الآن بناء على دعمكم وملاحظاتكم وتعليقاتكم، فلولا الله ثم دعمكم الكبير لنا ما وصلنا للمرحله اللي وصلنا له. ومع وجود دعم من فتره لفتره من شركات كبيره لموقعنا، الا ان دعمكم يضل هو الأهم والأكبر ومستحيل شركه تقدم لنا اي شي بقيمة اللي قدمتوه لنا.

قررنا بدال ما نسجّل الحلقه 100 هالاسبوع اننا نأجلها للاسبوع الجاي ونخلي هالاسبوع كاحتفاليه في هذا الانجاز المشترك بيننا وبينكم. ما يعني هالشي انه بيصير اسبوع فاضي مافيه شي. هالاسبوع بننشر عدة أشياء بتفيد المستمعين عموماً والمستمعين الدائمين خصوصاً.

بننزل عدة مواضيع على مدى الاسبوع لكن بنخلي محتواها مفاجئه. هذي قائمة بالمواضيع المرتبطه بالاحتفاليه بنحدّثها كل ما نزلنا موضوع جديد. بعضها بيكون فيها اشياء متعلقه بالبودكاست وبعضها يمكن يكون فيها جوائز

مواضيع الاحتفاليّة:

• الأحد 27 فبراير: موسيقى البودكاست كامله للتحميل
• الاثنين 28 فبراير: اربح بطاقه من 4 بطاقات آيتونز 10$!
• الثلاثاء 1 مارس: معلومات واحصائيات عشوائيه عن الموقع
• الأربعاء 2 مارس: اربح بطاقه من 4 بطاقات اكس بوكس لايف 1600 نقطه!
• الخميس 3 مارس: الحلقه صفر من البودكاست
• الجمعه 4 مارس: اربح بطاقه من 4 بطاقات بلايستيشن نتورك فئة 20 دولار!
• السبت 5 مارس: مجموعه من أفضل مقاطع البودكاست في حلقه واحده

بالتوفيق للجميع، وكل 100 حلقه وانتم بخير!

انتهت المسابقة! الفائز بالجائزة هو الأخ Ibrahim al turki! ألف مبروك، وحظ أوفر في مسابقاتنا القادمه لجميع اللي شاركوا.

اليوم عندنا مسابقه خفيفه ثانيه بنعطي فيها نسخه من لعبة كيلزون 3 مع تي شيرت اللعبه (اللي بالصوره).

بما انه مافيه الا نسخه وحده بتكون مسابقه خفيفه: كل المطلوب منك هو انك تكتب تعليق على هذا الموضوع تذكر فيه ليش متحمّس لكيلزون 3 (بشكل مختصر)، وبتدخل تلقائياً في السحب على اللعبه.

شروط المشاركه:

• تكون مقيم في السعودية.
• تذكر سبب حماسك للعبه في التعليق (يعني مو بس “ودي اجربها” او “متحمس لها”، ابذل جهد ولو كم كلمه )
• تشارك بتعليق واحد فقط. اذا شاركت باكثر من تعليق بنضطر آسفين اننا نشيل اسمك من السحب.
• تعليقك يكون انكتب قبل الساعه ٩ مساءاً يوم الجمعه الموافق ٢٤ فبراير.

نهاية المسابقة بتكون يوم الجمعه الساعه ٩ مساء. اعلان الفائز بيكون الساعه ٩:٣٠ مساء ان شاءالله.

بالتوفيق للجميع !

تم الاعلان عن جميع الفائزين وانتهاء المسابقة. ألف مبروك للي فازوا، وحظ أوفر للي شاركوا وما حالفهم الحظ.

تكلمنا عن لعبة Marvel vs. Capcom 3 في الحلقه 99، ومدحناها وقلنا انها من أفضل الالعاب القتاليه في هذا الجيل.

اليوم قدرنا نجيب 3 نسخ من اللعبه على جهاز Playstation 3 وعندك ثلاث فرص تربح وحده منها!

طريقة المشاركه:

• أول نسخة بتكون لمتابعين حسابنا في تويتر. سوي ريتويت لهذا الموضوع (عن طريق زر Tweet) في آخر الموضوع. على الساعه 8 مساء اليوم بنختار – بشكل عشوائي – شخص واحد سوا ريتويت للموضوع ويربح النسخه.
• ثاني نسخه بتكون لمتابعين صفحتنا في الفيسبوك، الساعه 9 مساء راح نحط في صفحتنا في الفيسبوك سؤال متعلّق بسلسلة Marvel vs. Capcom، أول شخص يجاوب عليه صح هناك بيربح نسخه من اللعبه.
• ثالث نسخه بتكون أيضاً لمتابعين صفحتنا في الفيسبوك، الساعه 9:30 مساء راح نحط في صفحتنا في الفيسبوك سؤال متعلّق باحد شخصيات لعبة Marvel Vs. Capcom 3، أول شخص يجاوب عليه صح هناك بيربح نسخه من اللعبه.

شروط المشاركة:

• تكون مقيم في السعودية.
• اذا كنت مشارك عن طريق تويتر، فمسموح لك تشارك عن طريق Tweet واحد. اذا سويت اكثر من Tweet عشان تزيد من فرص ربحك في القرعه فراح نضطر نستبعدك من المسابقه.
• اذا كنت مشارك عن طريق فيسبوك فمسموح لك تشارك باجابة واحده فقط. كتابتك لاكثر من اجابه بيستبعدك من المسابقه.

اسماء الفائزين:
بنحدّث هذا الموضوع بعد انتهاء المسابقه باسماء الفائزين:

• الفائز الأول: مبروك @Eyad_Mesawa!
• الفائز الثاني: مبروك بوكي الجهني!
• الفائز الثالث: مبروك ابراهيم مفتي!

المسابقه بتبدا وتنتهي اليوم! فلا تفوتون الفرصه

للمتحمّسين لالعاب التصويب Killzone 3 و Homefront، ابتداء من اليوم في الرياض في محلات عالم بلايستيشن في الرياض (وابتداء من بكره في محلات Virgin في جده) بتقدر تحجز لك نسخه من Killzone 3 أو Homefront بعربون 50 ريال من هذي المحلات. (بيعطونك كوبون يضمن لك نسختك يوم صدورها)

بالنسبه لمزايا الحجز:

ميزة حجز Killzone 3:
اذا حجزت نسختك من المحلات المذكوره (بـ50 ريال مثل ما ذكرنا) بتشتري اللعبه في يوم صدورها بسعر 210 ريال فقط (عشان ما يحاول يلعب عليك أحد اذا كنت متحمس لها). سعرها بدون حجز بيكون 249 ريال.

ميزة حجز Homefront:
اذا حجزت نسخت من Homefront من المحلات المذكوره (بـ50 ريال بعد) بتشتري اللعبه بالسعر الاعتيادي 249 ريال وبتحصل على المزايا التاليه:

• أشياء حصريه للبلايستيشن هوم (فيه احد للحين يلعبه على فكره؟)
• ثلاث تصميمات حصريه للاسلحه (اللي يسمونه camo)
• تي شيرت في حال شريت اللعبه من احد المحلات التاليه: عالم سوني، طوكيو، النسر، جرير ومحلات Virgin
  

التي شيرت مناسب للي عندهم ميول شيوعيّه

—-

بالنسبه لتواريخ اصدار اللعبتين الى الآن ما وصلنا شي دقيق 100% بهالخصوص، لكن الموزّع (سوني) يضمن وصول Killzone 3 بدري لانه تتبع له، بينما Homefront ما تحدّد شي الى الآن.

أي لعبه متحمّس لها من اللعبتين؟ وأي وحده ناوي تحجز منها؟ واذا ما ودّك تحجز يا ليت تشاركنا السبب عشان نرسله لموزّع اللعبتين.

بالمناسبه فيه 10 نسخ ألعاب جوائز ترضيه لأفضل 5 مشاركات فيديو وأفضل 5 مشاركات صور. الجوائز هي:

• 5 نسخ من لعبة Fable 3 على الاكس بوكس مقدمه من مايكروسوفت السعودية.
• واذا ما عندك اكس بوكس (فيه ناس شاركوا عشان يفوزون فيه)، فعندنا أيضاً 5 نسخ من Call of Duty: Black Ops على البلايستيشن 3. مقدمه مننا.

اذا كنت من ضمن الفائزين فيا ليت تراسلنا على info [at] saudigamer.com وتختار اللعبه اللي تبي (Fable أو CoD). الأولويه بتكون لاصحاب المراكز المتقدّمه.

بالنسبة للفائزين…

مشاركات الفيديو

المركز التاسع: عبدالعظيم أمير السلامين. الفكره هي استخدام الكنكت في الالعاب اللي تستخدم الحوار و أيضاً الأوامر الصوتيه في القتال.

المركز الثامن: عبدالسلام القويعي، شارك بافكار متنوعه.

المركز السابع: عمّار الرمضان. الفكره استخدام الكنكت في العاب السحر والتعويذات.

المركز السادس: يزن العتيبي. استخدام الكنكت في بعض الحركات مثل رمي الفاس ووضع السي فور في لعبة كول أوف دوتي.

المركز الخامس: مازن. عدة افكار ومونتاج رائع. ضرّه فقط ان التركيز على المونتاج كان أكثر من التركيز على الأفكار.

المركز الرابع: عبدالعزيز الرشيد. استخدام الكنكت لتقطيع الفواكه في لعبة Fruit Ninja.

المركز الثالث: عبدالمجيد محمد. استخدام الكنكت للاتصال (الكوديك) بالشخصيات الثانيه زي ما يصير في لعبة Metal Gear Solid

المركز الثاني: عبدالرحمن العقل. عدة افكار لعدة ألعاب. عمل جبّار من ناحية الافكار والمونتاج. كان مؤّهل قوي للفوز، لكن أصحاب المركزين الأول والثاني ركّزوا افكارهم على لعبه وحده، وهالشي خلا افكارهم أعمق وساعدهم في التقدّم.

المركز الأول: أمين التركي. استخدام الكنكت للأوامر العسكريه في الالعاب الحربية، مع وجود اشاره لقطع الصوت. فكره رائعه وممكن تطبيقها على العاب كثيره.

مشاركات الصور

اضغط على الصورة لعرضها بالحجم الطبيعي

المركز التاسع: عبدالرحمن عبدالله حسين. فكرة استخدام اليد للتصويب أو التقنيص، وتضرب اليد من تحت عشان تعشّق السلاح.

المركز الثامن: The Queen.

المركز السابع: ياسين الصحّاف. عدة أفكار ممكن تستخدم في لعبة ريزدنت إيفل، هذي ابرزها:

المركز السادس: معاذ المحمدي. لعبة عمليات طبّية.

المركز الخامس: الأخت م . لعبه فكرتها تقريباً زي Cooking Mama مع امكانية التسوّق للمكوّنات.

المركز الرابع: ابراهيم التركي. تنفيذ ضربات الجزاء والكورنر والفاولات في العاب كرة القدم.

المركز الثالث: ناصر السكيت. كنكت أوركسترا.

المركز الثاني: نايف محمد. جدار جبّار.

المركز الأول: أسعد صالح. تنفيذ الهجمات القتالية في الأنمي.

————–

هذي كانت أفضل المشاركات اللي وصلتنا في مسابقة الكنكت، بالاضافة طبعاً الى الفائزين الاثنين اللي فازوا بالجائزة الرئيسية في المسابقة.

اتمنى انكم تكونون استمتعتوا في تصفّح المشاركات، وياليت تسوي للموضوع Tweet أو تشارك اصدقائك بالفيسبوك فيه.

نتمنى تدعمنا بصوتك بالتصويت لنا في قسم البودكاست، الموضوع ما راح ياخذ منك اكثر من 5 ثواني. موقع التصويت هو: http://www.hadeelprize.org

صحيح المسابقه مافيه جائزه ملموسه لنا، لكنها بتساعد في نشر البودكاست اكثر وتعطينا دفعه معنويه كبيره.

ألف شكر مقدماً!

ملاحظه: اذا ما لقيت Saudi Gamer في قائمة البودكاست، فياليت تحدّث الصفحه أو تشيّك على الموقع في وقت ثاني لانك ممكن جالس تشوف النسخه المخزّنه من الموقع.

قضينا تقريباً اسبوع في التدقيق على المشاركات والاتفاق على الأفضل منها، وان شاءالله نكون توفّقنا في الاختيار.

الموضوع هذا راح يكون فيه اسامي ومشاركات الفائزين فقط. الاسبوع الجاي ان شاءالله راح ننشر أفضل المشاركات في المسابقة. للأسف المسابقات كثيره جدا فما راح نقدر ننشرها كلها.

بالنسبة للفائزين…

الفائز في قسم الفيديو: محمد القرني!

محمد كان متحمّس مره في مشاركته في المسابقه. ارسل لنا فكرته بفيديو مدعوم بصور وشرح يكفي تحطّه في مجلّد، حتى من الحماس سوا للعبته تريلر لازم تشوفه أول (عشان تخش جو )

بس طبعا التقييم كان على الفكره اللي في مشاركته. قدّم مجموعة أفكار للعبة مبنيه على فلم Harry Potter (هاري بوتر) ممكن تشوفها في الفيديو التالي:

أعجبنا أكثر شي في مشاركة محمد ان فيها أفكار حلوه وجميعها للعبه وحده وهالشي أعطى عمق أكبر للمشاركه، وهي أفكار قابله للتطبيق ماهي خياليه. أيضاً اجتهاده في المونتاج لتوضيح الفكره كان رائع صراحه.

الفائز في قسم الصور: خالد العيسى!

مع ان فكرة خالد كانت للعبه موجهه للأطفال بشكل أساسي (عروض دمى)، الا انها اعجبتنا لانها ابداعيّه ومميزه وغير مسبوقه، وتوقعنا لو تتسوى فعلاً بتلقى اقبال عند العوائل واطفالهم.

الشرح كامل مع الصور موجود في ملف PDF الخاص بمشاركته، لا تنسى تحمّله وتلقي نظره عليه.

—-

هذولي كانوا الفائزين باجهزة الاكس بوكس مع الكنكت، فألف مبروك لهم، وان شاءالله الاسبوع القادم بنعرض فيديو لأفضل المشاركات اللي وصلتنا مع جوائز ترضيه اضافيه لمشتركين آخرين.

ألف شكر لكل من شارك في المسابقه، ونتمنى نعرف رأيك عن مشاركات الفائزين في التعليقات.

ما نقدر نحدّد يوم معيّن لان المشاركات كثيره جداً (تقريباً 60 مشاركه تنطبق عليها الشروط)، فبنحتاج كل الاسبوع هذا عشان نختار الفايز ونعلن عنه في نهاية الاسبوع اما الخميس او الجمعه ان شاءالله.

أيضاً الغينا مسألة تصويت الجمهور اللي كنا مخططين عليها بعد مطالبات من المتابعين في صفحة الفيسبوك، وقررنا يصير اختيار الفائز عن طريق فريق عمل الموقع. لكن هذي المره راح نغيّر شوي في طريقة اختيار الفائز عشان نضمن يكون فعلاً يستحق (قدر الامكان) ونتجنب المشاكل اللي واجهناها في اختيار الفائزين في مسابقه سابقه.

بالتوفيق لجميع المشاركين!

في حالة انك ما كنت حول الموقع وقتها: عندنا حزمتين اكس بوكس 360 الجديد اللي تجي مع كنكت ولعبة Kinect Adventures نبي نعطيها لأفضل مشاركتين في مسابقة الكنكت! عاد هذي مافيها تصويت، أفضل فكرتين هم اللي بيفوزون حسب تقييم فريق سعودي قيمر، يعني كل ما كانت فكرتك أفضل كل ما صارت فرصتك للفوز أكبر.

وصلنا الى الآن 29 مشاركه بين مشاركات بالصور ومشاركات بالفيديو، وباقي على آخر موعد لاستلام المشاركات 6 أيام بس! فرصتك للمنافسه عاليه. ما تدري، يمكن جهد 10 دقايق يفوّزك بالجائزه.

اطّلع على تفاصيل مسابقة الكنكت

تحديث 2: اخترنا احد الفائزين العشوائياً. الف مبروك لـBO صاحب الرد رقم 42. وحظ أوفر للمشاركين الثانيين في المسابقات القادمه.

تحديث: انتهت الفتره المحدده للمشاركه. الاجابات الصحيحه موجوده فوق كل صوره. اللي جابوا اسامي السيارات صح (مو شرط بالضبط زي ما كتبناها) بنختار واحد منهم عشوائيا ونعلن اسمه كفائز بالجائزه مساء اليوم الاربعاء (8 ديسمبر).

هذي فرصتك لربح اصدار Signature Edition للعبة Gran Turismo 5. سعرها في السوق 750 ريال (ارخص من بريطانيا واوروبا للي سألوا)، وعندك اليوم فرصه تاخذها هديه ببلاش!

محتويات العلبه:

• علبه حديديه مطليّه باللون الاسود (جايه كأنها بودي سيّاره)
• نموذج مصغّر لسيارة SLS AMG حصري لهذا الاصدار فقط.
• محفظه جلديه بشعار GT.
• بطاقة لدخول سحب على سيارة SLS حقيقيه.
• فلاش ميموري USB.
• ميدالية مفاتيح حديديه بشعار GT.
• كتاب يحتوي صور لسيارات ومواقع موجوده في Gran Turismo 5.
• مجله Apex، مجله فيها 300 صفحه مليانه تلميحات للسواقه واشياء عن سيارات مستقبليه وتعديل سيارات…الخ
• كود للحصول على 5 سيارات كروم مميزه داخل اللعبه + ثيم حصري للجهاز.
• كود للحصول على 6 سيارات من اصدار Stealth مميزه.

باختصار، شي يخقق :$

كيفية المشاركه:

عندنا ثلاث صور سيارات مغبّشين عليها شوي، نبيك تتعرف على السيارات الموجوده في الصور وتكتب اساميها في التعليقات. ركّز زين قبل ما تجاوب، ترا ماهي بالسهوله اللي تتوقعها!

السياره الأولى:

الجواب الصحيح: Mclaren MP4 12C

السياره الثانيه:

الجواب الصحيح: Chevrolet Camaro

السياره الثالثه:

الجواب الصحيح: Meserati Gran Turismo S

——

اكتب اسامي السيارات في التعليقات على هذا الموضوع (بتكون التعليقات مخفيّه، لا تخاف ما احد راح يسرق اجابتك)، واذا كانت اجابتك صحيحه بتدخل في سحب على الجائزه.

شروط المشاركه:

1. تكون مقيم في السعودية.
2. مسموح لك تشارك بتعليق واجابه واحده فقط. اذا كتبت اكثر من تعليق أو اكثر من اجابه في نفس التعليق فراح نستثني تعليقك تلقائياً.
3. تكتب تعليقك قبل نهاية يوم الثلاثاء 7 ديسمبر.
4. المشاركه بايميلك الحقيقي. اذا كان ايميلك الموجود مع اجابتك غير صحيح وفزت فما راح نقدر نراسلك وبالتالي بنختار فائز ثاني.

بتنتهي المسابقه بنهاية يوم الثلاثاء 7 ديسمبر، وبنعلن عن الفائز وننشر جميع التعليقات المشاركه يوم الاربعا ان شاءالله.

تحديث: انتهت الفتره المحدّده للمشاركه. شكرا لكل من شارك. اسماء الفائزين بنختارها عشوائيا ونكتبها بنفس الموضوع بكره ان شاءالله

تحديث ٢: مبروك للفائزين! @mazyoon93 و @aalsaeed و @MadamSpoon.

أول شي احب اذكر ان هاللعبه خرافيه. من جد خرافيه (استمع للحلقه 88 عشان تعرف ليش). من كثر ماهي خرافيه نبي نعطي 3 نسخ منها لثلاث مستمعين محظوظين (نسخة Playstation 3).

اذا تبي تشارك راسلنا وبنرسل لك صورة واحد تغتاله. أول ثلاثه ينهون المهمّه بنجاح بنرسل لهم نسخ اللعبه.

كيف؟ صعبه مره؟ اوكي خلاص اجل اضغط على زر الـTweet اللي موجود في آخر الموضوع (لازم يكون عندك حساب في Twitter)، وبتدخل في السحب وبنختار عشوائياً 3 من المشاركين نرسل لهم اللعبه يستمتعون فيها.

شروط المشاركه:

• انك تكون مقيم في السعوديه.
• انك تسوي Tweet للموضوع قبل يوم الاربعاء (الموافق 1 ديسمبر) الساعه 11 مساءاً.
• انه يكون حسابك في Twitter عنده 10 متابعين (followers) على الأقل. البعض للأسف سابقاً حاول يغش بانه يشترك بأكثر من اشتراك في تويتر عشان يزيد فرصه في الربح. نبي الفرص تكون متكافئه.

بنختار الفائز بمجرد ما تنتهي المسابقه (الاربعاء 1 ديسمبر الساعه 11 مساءاً) ونحدّث هذا الموضوع باسامي الفائزين يوم الخميس ان شاءالله.

اذا ما زال عندك اسئله فلا تتردد تكتبها في التعليقات

كيف تشارك:
ارسل لنا فكرة استخدام معيّنه للكنكت في الالعاب سواء في الألعاب العادية أو الألعاب الخاصة للكنكت (سواء لعبه موجوده حالياً أو لعبه خياليه)، وادعم فكرتك بشرحها بالصور (تصور نفسك مثلاً وانت تسوي حركه للكنكت) أو الفيديو (الفيديو ممكن يكون وانت تتكلم وتشرح الفكره حقتك وكيف تنفذها وانت تلعب). في كل الحالتين لازم يكون فيه أحد بالصوره يوضّح الحركه المقصوده في فكرته.

مثال لفكره: ترمي قنابل في كول أوف دوتي عن طريق انك تسوي حركه بيدك كأنك ترمي قنبله صدق. فكره ثانيه: تجلس على الكرسي وتسوي نفسك كأنك ماسك دركسون سياره وتخلي رجلك في وضعية كأنك تدعس بنزين وتسوق السياره في اللعبه.

هذي مجرد مثالين بسيطات. فيه أفكار كثيره ممكن يتم استغلال الكنكت فيها، ونبي نعرف فكرتك.

ارسل فكرتك مع الصور أو الفيديو اللي يشرحها الى العنوان التالي kinect @ saudigamer.com

ما زال الموضوع غير واضح بالنسبه لك؟ شف الفيديو:

جوائز المسابقة:

• أفضل فكره مدعومه بصوره توضّحها: حزمة أكس بوكس 360 الجديد مع الكنكت ولعبه مجاناً.
• أفضل فكره مدعومه بفيديو يوضّحها: حزمة أكس بوكس 360 الجديد مع الكنكت ولعبه مجاناً.

طريقة اختيار الفائزين:
الأختيار بيكون عن طريق تقييم فريق سعودي قيمر لجميع المشاركات، ثم اختيار أفضل فكرتين.

شروط المشاركة:

• انك تكون مقيم في السعودية.
• انك ترفق مع فكرتك صوره وحده أو فيديو واحد على الأقل، ويكون طالع فيها شخص يوضّح كيف تتنفّذ الحركه اللي يقصدها في فكرته (مو شرط يكون نفس صاحب الفكره طالع في الصوره أو الفيديو. يعني لو شاركت بنت ممكن تصور اخوها الصغير مثلا).
• انه تكون الصوره أو الفيديو المرفق لتوضيح الفكره هو من تصوير صاحب المشاركه.
• يسمح بالمشاركه بفكره وحده فقط.

آخر موعد لاستلام المشاركات: مساء يوم الأربعاء المواقع 15 ديسمبر 2010.

بالتوفيق!

يبدو ان لعبة غران توريزمو (5 Gran Turismo) بيكون لها حدث خاص لاطلاقها في السوق مثل كول أوف دوتي من تنظيم وكيل سوني، لكن هالمره بيكون أيضاً في مدينة جده!

ابتداء من يوم الثلاثاء (23 نوفمبر) الساعه 9 مساء، بتقدر تشتري اللعبه من “عالم بلايستيشن” في شارع التحليه في الرياض أو ”عالم سوني” في مركز لاتيرا في جده بسعر 259 ريال سعودي، أو تشتري الاصدار الخاص بسعر 749 ريال (اللي يشتريها بيدخل في سحب على Playstation 3 Slim و دركسون Logitech)

أيضاً أول 200 شخص يشتري اللعبه من الفروع المذكوره بيحصل على ميدالية المفاتيح هذي الخاصه بهذا الحدث:

يعني اذا انت تعشق اللعبه مره يبي لك تروح بدري وتاخذ وحده من هالميداليات المحدوده جداً.

هل بتحضر لحدث اطلاق اللعبه؟ ووش رأيك بالاسعار المطروحه؟

شاركنا برأيك في التعليقات.

الرياض فقط: ابتداء من بكره الأربعاء بتقدر تحجز نسخه من لعبة Call of Duty: Black Ops من محل عالم بلايستيشن في شارع التحلية في الرياض (نسخة البلايستيشن فقط).

الطريقة ببساطه بتكون كالتالي:

1. تروح عالم بلايستيشن في شارع التحليه وتدفع عربون 50 ريال يعطونك معه كوبون الحجز يضمن لك نسختك.
2. يوم اطلاق اللعبه بيكون يوم الاثنين (8 نوفمبر) الساعه 10 مساءاً في نفس المحل. تروح للمحل تعطيه الكوبون بالاضافة الى 200 ريال (اللعبه قيمتها 250) وبتاخذ نسخه من اللعبه في يومها وبدون تلاعب في الأسعار!

يفضّل يكون معك قيمة اللعبه بالضبط لأن في الزحمه المتوقعه غالباً ما راح يكون فيه صرف.

وش رايك؟ هل بتروح تحجز اللعبه؟

ألف شكر لوكيل مايكروسوفت على هذا الدعم، واتمنى انك تشاركني بشكرهم في التعليقات في هذا الموضوع. (بالنسبة لردة فعل فيصل على الموضوع بتسمعها في الحلقة 85 يوم الاحد القادم ان شاءالله)

وعلى طاري مايكروسوفت، لا تنسى تسيّر على التقرير المصوّر اللي سويناه للكنكت (Kinect)، بيعطيك تصوّر شامل عن تقنية الجهاز.

وصلنا من شركة الالكترونيات الحديثة (وكيل سوني في السعودية) أكواد للبيتا  حق طور الأونلاين للعبة كيلزون 3 (Killzone 3). طلع عندنا زيادة 3 أكود وحبينا نعطيها لثلاثه من متابعين سعودي قيمر.

بما اننا سابقاً وزعنا أكواد حصريا لمتابعينا في فيسبوك، فهالمره راح نوزع الاكواد حصرياً لمتابعينا في تويتر.

ببساطة انشر الموضوع هذا عن طريق زر Tweet الموجود في آخر هذا الموضوع، وبكره (الاربعاء) الساعه 8 الليل بنختار عشوائياً 3 أشخاص من اللي نشروا الموضوع عن طريق زر Tweet الموجود هنا عشان يستمتعون بالويكند بلعب وحده من أقوى الألعاب القادمة من سوني.

بالتوفيق

تحديث: بالمناسبة يا ليت اذا سويت تويت انك تسوي Follow لحسابنا عشان نرسل لك الكود على الخاص مباشره في حال فزت. اذا ما كنت تتابع الحساب فراح نضطر نختار شخص ثاني عشوائياً.

تحديث 2: تم فرز وترقيم التويتات، ثم اختيار 3 منها عشوائياً باستخدام خدمة Random.org. الفائزين هم:

• وليد الحسن
• سلطان العنزي
• بندر المحسن

ألف مبروك لهم، وحظ أوفر للشباب المشاركين في المسابقات الجايه

احتفالاً بمرور سنه على معرض عالم بلايستيشن في الرياض بتسوي سوني يوم الخميس القادم (الموافق 21 اكتوبر) تخفيضات كبيره على الاجهزة (PS3 و PSP) وعلى عدد كبير من الاكسسوارات والالعاب على جميع الأجهزة.

أيضاً اللي بيشتري أكثر من 100 ريال (أتوقع سهله) بيدخل في سحب على اجهزة بلايستيشن 3 و PSP و PSP Go.

التخفيضات بتبدا من أول ما يفتح المعرض يوم الخميس، والاحتفال محصور على مدينة الرياض في فرع عالم بلايستيشن بس. لا يفوتك. وحاول تروح بدري لأن ماله داعي تروح بآخر الليل وتلقى المعرض فاضي

تحديث: العرض فقط في فرع عالم بلايستيشن في الرياض في شارع التحلية.

اقترح تسجّل بدري من الآن، ولا تنسى تذكر انك وصلت لهم عن طريق موقعنا Saudi Gamer.

رابط التسجيل: http://sonygamersday.com

في كل الأحوال العيد جا، وحابين نعايد عليك، فكل عام وانت بألف خير، وتقبل الله منا ومنك الصيام والقيام

اذا طفشت مره في العيد ولقيت نفسك جالس لحالك مع جهازك في أي وقت من الأوقات، انصحك تسلّي نفسك بوحده من هالاشياء في حال ما سويتها:

• تتفرج على مقاطع انطباعنا الأولي عن Playstation Move
• تسمع حلقة البودكاست المشتركة مع Gaming FTW في حال ما سمعتها. يقولون ممتازه.
• تسمع حلقة تغطيتنا لمعرض Gamescom الثريه بالمعلومات، او حتى تتفرج على فيديو النقاش ولو ان الصوت تعبان شوي بس اللي شافوه يمدحونه.
• تتفرج على مقابلتنا مع نائب رئيس سوني حول موضوع التعريب.

نتمنى لك عيداً ممتعاً.

وصلنا قبل شوي من وكيل سوني في السعودية تفاصيل عن يوم اللاعبين 2010 المقام في الرياض.

المعرض بيكون في الرياض في مؤسسة الملك فيصل الخيرية (نفس المكان السابق) بين يوم الأربعاء 22 سبتمبر (الموافق 13 شوال) الى يوم الجمعة 24 سبتمبر (الموافق 15 شوال)، ويبدو انه بيكون أفضل معرض يوم لاعبين الى الآن.

الألعاب المؤكدة للمعرض إلى الآن هي:

• Killzone 3 (كيلزون 3)
• Gran Turismo 5 3D (غران توريزمو 5 بتقنية الـ3D)
• LittleBigPlanet 2 (ليتل بيق بلانيت 2)
• SOCOM 4 (سوكوم 4)
• F1 2010
• The Fight (ذا فايت)
• The Shoot (ذا شوت)
• Tumble (تمبل)
• Kung Fu Rider (كونغ فو رايدر)
• Start The Party (ستارت ذا بارتي)
• Sports Champions (سبورتس تشامبيونز)

وألعاب أخرى من EA و Namco Bandai و Activision ما تأكدت الى الآن. بننشر القائمة كامله فور وصولها.

المعرض السنه هذي ان شاءالله بيكون منظّم اكثر من المعرضين السابقين، وبيكون فيه أيام مخصصّة لأعضاء ومتابعي مواقع الألعاب من ضمنها موقعنا.

بننشر جميع التفاصيل الاضافيه اللي تخص المعرض أول ما توصلنا.

واذا عندك اي سؤال بخصوصه بامكانك كتابته في التعليقات وبحاول أجيبك عليه ان شاءالله.

اتفقنا مع الاخوان في بودكاست Gaming FTW على تسجيل حلقة بودكاست استثنائية مشتركه بين الموقعين ونشرها يوم السبت الأحد ان شاءالله. (يعني تقدر تقول Saudi Gamer X Gaming FTW)

الحلقة راح يكون لها صيغة مختلفة عن باقي الحلقات، وحابّين نركز فيها على النقاشات واسئلة مستمعيننا بشكل أساسي بدال الاخبار.

اذا كان عندك اي اقتراحات بخصوص المواضيع اللي حاب نناقشها في الحلقة، او اذا عندك اي اسئلة تبي نجاوب عليها، فبامكانك كتابتها في التعليقات او مراسلتنا على بريدنا info @ saudigamer.com

ملف الحلقه (FLV – للتحميل) عذرا طلعت الحلقه ما تقدر تحمّلها مدري ليش

تقديم:

مشهور الدبيان، طارق الدخيل، وائل السلمي، فيصل السيف

أقسام الفيديو:

• 00:01:00 – مقارنة Playstation Move و Kinect
• 00:06:12 – سوني
• 00:12:20 – مايكروسوفت
• 00:15:00 – ننتندو
• 00:18:55 – يوبيسوفت (Ubisoft)
• 00:31:51 – تيكمو (Tecmo)
• 00:38:39 – كونامي (Konami)
• 00:43:29 – نامكو بانداي (Namco Bandai)
• 00:46:30 – اكتفجن (Activision)
• 00:48:30 – باثسدا (Bathesda)
• 00:51:46 – EA
• 00:57:43 – مؤتمر Street Fighter X Tekken
• 01:01:00 – مقارنه بين فيفا 11 و برو إيفو 11
• 01:03:33 – اسئلة المستمعين عن المعرض

هذي مثل ما ذكرت أول تجربه لنا في تصوير حلقة مرئية، وبالتالي قد يكون فيها بعض الأخطاء، فيا ليت تعطينا أي ملاحظات تشوفها في الحلقه عشان نطوّر هالنوع من الحلقات المرات الجايه ان شاءالله.

وطبعا بتلقى معلومات وتفاصيل وأخبار أكثر في الحلقة 78 من البودكاست الاسبوعي!

• ليش الشركات تتفادى تعريب ألعابها.
• كيف نقدر نخلي الشركات تهتم فينا أكثر.
• هل عند سوني اي نية لانشاء محتوى مخصص للعالم العربي؟
• متى بنلقى دعم لمتجر الفيديو في الستور السعودي؟
• هل هناك اي خطط لطرح اصدارات خاصة لبعض الالعاب اللي تحتوي على اشياء مخلّه بحيث تصير تناسبنا أكثر؟
• ليش ما يتم تعريب النظام على الأقل؟

اخليك مع الفيديو:

لا تنسى تشاركنا برأيك بالتعليق على الموضوع

تحديث: انتهت المده المحدده للتعليق. نبي نعلن الفائزين قريباً ان شاءالله.

تحديث 2: الفائزين هم: عبدالله حامد و عبدالعزيز الزهراني و فهد العتيبي. مبروك!

يوم كنت في معرض Gamescom قدرت اجيب 3 اكواد بيتا فاينل فانتي 14، وحبيت اعطيها للي مهتم فيها بالموقع.

حسب علمي ان اكواد البيتا حقتها قليله وصعب تجيبها، فما ودي اوزّعها عشوائياً وياخذونها ناس ما يحبون هذا النوع من الألعاب أصلا.

فطريقة توزيع الأكواد بتكون كالتالي: اكتب رد على هذا الموضوع تشرح لنا فيه ليش المفروض نعطيك واحد من الثلاث اكواد. بنختار من الردود ثلاث أشخاص نعطيهم الأكواد هذي عشان يستفيدون منها.

بما ان الاكواد قليلة جدا، فعندك فرصه الى بكره (السبت) الساعه 8 مساءاً 12 ليلاً، بعدها بتنتهي هالمسابقه المصغّره.

ملاحظه: للي سألونا عن المعرض: الحلقه المصوّره اللي تناقشنا فيها عن ألعاب المعرض بننشرها بكره السبت ان شاءالله. هذا بالاضافه لتغطيتنا لها في الحلقه 78 اللي بننشرها يوم الأحد. فيه كمية معلومات خرافيه!

تحديث: جمعّت اكبر قدر ممكن من الاسئلة وراح انشر مقاطع الفيديو اللي فيها الاجابات قريبا ان شاءالله بعد تصويرها ورفعها.

دعتنا شركة سوني مشكورة الى معرض Gamescom عشان نسوي له تغطيه مثل ما ذكرنا بالحلقة ٧٧. فبكون انا (مشهور) ان شاءالله متواجد في المعرض عشان اغطّيه بمقاطع فيديو بنشرها في الموقع ان شاءالله.

لكن بدال ما تصير التغطية بناء على الشي اللي يهمنّا حنا، ودي تشوف قائمة الالعاب اللي بتكون موجودة بالمعرض وتسأل اي شيء تبي تعرفه عنها، وراح اجاوب على كل الاسئلة اللي اقدر عليها ان شاءالله بمقاطع الفيديو اللي راح اصورها (يعني تبي تجيك الاجابه مصوّره تشوفها بنفسك في اللعبه)، على اساس تصير التغطيه تجاوب على اغلب اسئلتكم باذن الله.

هذي بعض أهم الألعاب الموجودة في المعرض:

• Killzone 3 (كيلزون ٣)
• Infamous 2 (انفيموس ٢)
• LittleBigPlanet 2 (لتل بيق بلانيت ٢)
• Halo Reach (هيلو ريتش)
• Gears of War 3 (قيرز اوف وار ٣)
• Fable 3 (فيبل ٣)
• The Legend of Zelda: Skyward Sword (زيلدا)
• Call of Duty: Black Ops (كول أوف دوتي)
• Final Fantasy XVI (فاينل فانتسي)
• Diablo 3 (ديابلو ٣)
• World of Warcraft: Cataclysm
• FIFA 11
• Castlevania: Lord of shadows (كاسلفينيا)

والعاب كثير ثانيه حلوه بتلقاها في قائمة العاب المعرض.

فبامكانك تسأل اي شي تبي تعرفه عن أي لعبه عن طريق التعليق على هذا الموضوع. راح اعطي الأولويّة للتعليقات حسب نقاط التقييم حقتها.

في انتظار طلبات الجميع

بالنسبة للنتائج: المسابقة كان فيها مشاركات كثيرة حلوه، فمهما كانت اختياراتك بالنسبه لأفضل 3 بتحس نفسك ظلمت مشاركين آخرين، عشان كذا رجعنا لسوني وطلبنا زيادة الجوائز عشان على الأقل نكافيء أكبر قدر ممكن من المشاركين. ممكن البعض يختلف معنا في الرسومات اللي اخترناها، لكن بالنهايه مستحيل يتفق الجميع على “أفضل 3″، ولو كان الفوز بالتصويت كان برأيي بيصير ظلم بسبب التلاعب في التصويت عادة.

قضينا تقريبا 3 ساعات في التقييم مرّينا فيها على أكثر من 40 مشاركة ناقشناها وحده وحده قبل وبعد تقييمها عشان نتأكد من سلامة التقييم، فالموضوع ما كان ارتجالي او شي زي كذا.

بالنسبة للتحيّز: البعض اعتقد ان الموضوع فيه تحيّز لان ما فازت ولا بنت، لكن وش مصلحة اننا نفوّز الأولاد بس أساساً؟ ما أشوف فيه أي فائده صراحه. واحد من أعضاء الفريق اقترح – بعد ما اخترنا الفائزين – اننا نفوّز بنت وحده على الأقل عشان نتجنّب هالنوع من المشاكل، لكن بالنهايه ما اعتقدنا انه من المناسب اننا نحرم شخص فائز حسب تقييمنا لمجرد محاولة ارضاء البعض اللي ممكن يفهمون الموضوع غلط. شخصياً أعجبت جداً بمشاركات البنات في قسم المحترفين، لكن فيه ناس ثانيين يقيمون معي وما اقدر افرض رأيي على احد.

بالنسبة لادارة المسابقة عموماً: للأسف البعض يعتقد اننا متفرّغين تماماً للموقع عشان ندقق في جميع التفاصيل. جميع اعضاء سعودي قيمر يعملون في وظائف وبعضهم متزوج وعنده مسؤوليات عائليه، جميع الجهود المبذوله في الموقع نسويها في الأوقات الاضافيه اللي نقدر نوفّرها من يومنا لدعمه، فشيء متوقع انه تصير اخطاء أو مشاكل، لكن نحاول قد ما نقدر اننا نصلّح هالاخطاء قد اللي نقدر عليه، ونحاول نتفاداها مستقبلاً.

شكراً لكل من أحسن الظن ومن اعطى ملاحظاته أو تشجيعه، وان شاءالله بنستمر دائما في اننا نسوي كل اللي نقدر عليه لتقديم الأفضل لكم.

أخوكم،
مشهور

جا وقت اعلان نتائج المسابقة الصيفيه! بامكانك اطلاع على جميع الرسومات في الموضوع السابق.

بداية حاب أوضّح طريقة التقييم اللي اعتمدناها.

• قسم المحترفين: كل صورة تتقيّم من 10. 5 درجات لجودة الرسم و 5 درجات لفكرة الرسمة.
• قسم الهواة: كل صورة تتقيّم من 10. 3 درجات لجودة الرسم و 7 درجات لفكرة الرسمة.

كل شخص فينا (4 أشخاص) قيّم كل صوره بتقييم مستقل عن الآخر، مع العلم ان الصور المستخدمه في التقييم كانت بدون اسماء عشان نتجنّب أي نوع من أنواع التحيّز عند التقييم. بالنهايه ناخذ درجاتنا كلها والمتوسّط حقها يصير الدرجة النهائية للمشاركة.

بالنهاية طلعت النتائج غير متوقعه نهائياً!

بالنسبة للفائزين:

المركز الأول/ قسم المحترفين: حسن. مبروك الفوز بجهاز PSPgo!

المركز الثاني/ قسم المحترفين: عبدالسلام الشمري. مبروك الفوز ب بطاقة PSN بقيمة 100$ (375 ريال)

المركز الثالث/قسم المحترفين: حمدوش. مبروك الفوز ببطاقة PSN بقيمة 40$ (150 ريال)!

المركز الأول/ قسم الهواة: وحيد نجد العتيبي. مبروك الفوز بجهاز PSPgo!

المركز الثاني/ قسم الهواة: عبدالعزيز. مبروك الفوز ببطاقة PSN بقيمة 50$ (187 ريال)!

المركز الثالث/ قسم الهواة: Dark Death. مبروك الفوز ببطاقة PSN بقيمة 20$ (75 ريال)!

راح نتواصل مع الفائزين ان شاءالله خلال اليومين هذي عشان نرسل لهم جوائزهم.

ألف شكر لجميع من شارك، و المسابقات الجايه أكثر ان شاءالله.

بامكانك تصفّح الرسومات من حسابنا في Flickr أو في هذا الموضوع. الرسومات الفائزة بتكون في موضوع مستقل يتبع هذا الموضوع.

اضغط على أي صوره لعرضها بحجمها الأصلي.

رسومات قسم المحترفين

ريما محمد هاشم نواوي
شخصيات فاينل فانتسي (من الالعاب الحصرية على اجهزة سوني) وليتل بيق بلانيت.

Takelh Dark
افا يا كريتوس، وانا على بالي شخصيتك قويه، اخرتها قهوجي؟

حمدوش
سعودي قيمر مع الهيلقاست من لعبة كيل زون 2.

عبدالرحمن علي
Jak مع سعودي قيمر.

عبدالسلام الشمري
ينفع بوستر مسلسل بدوي.

Tiger Alwabel
كريتوس رايح مع سعودي قيمر يطعسّون بالهايلكس.

رانيا النعماني
مدري هي عرضه أو رقص خليجي، المهم انه ودنا نشوف شي زي كذا في ليتل بيق بلانيت 2

Vivi Cloe
سعودي قيمر يعزف مع umjammer lammy

حنان النعماني
سعودي قيمر يعلم “زاك” علوم الرجال

حسن
سعودي قيمر وواحد من الهيلقاست يتقهوون.

فاتن بنتن

فارس المطيري

رسومات قسم الهواة

محمد السماري
سعودي قيمر و نيثن دريك يتعشون سوا. (ملاحظه: دريك يشبه الشخصيات اللي كنا نشوفها بكتاب القراءة ولا يتهيأ لنا؟)

مساعد البشري
ليتل سعودي بلانيت

نواف الجدعاني
بقاله للعائلات؟ فال الله ولا فالك

تميم القايدي
رسمه مصممه باسلوب الستيكرز في ليتل بيق بلانيت.

حسن الفردان
يتغزلون ببعض ولا يتهيأ لنا؟

Talooon
كريتوس…. قهوجي مره ثانيه؟؟!! وش فيهم العالم مستخفين فيه؟

حسن بو محمد
سنيك يتصدق على كريتوس وواحد صايدهم بالفيديو.

عبدالعزيز الرشيد
سنيك يعاني بعد ما سحب عليه كوجيما

نواف
كريتوس ناشب لشخصية سعودي قيمر

عبدالعزيز
كريتوس ودريك وسعودي قيمر وشكلهم مع هالكروش متقاعدين او شي.

الكنعاني
تخيلت نفسي ألبس ثوب بدون شماغ وأقفّل الياقه اذا جيت اسجّل. ما يجي أبد.

حاتم
هالرسمه بالذات يبي لنا نرسلها لمطوّر ليتل بيق بلانيت لعل وعسى يسوونها في الجزء الثاني

أسير المحبه
سعودي قيمر على وشك يشوت بلنتي والجمهور يحارشون الحارس.

حسن حسان
شكله رزّه هالساك بوي

منجا منجا
شخصية ديمونز سولز (Demon’s Souls) مع سعودي قيمر.

احساس
زواج سعودي قيمر على سعودي قيمره. كريتوس هنا مطرب لان مثل ما نعرف صوته جدا ينفع كمطرب

سوسو سوسو
كريتوس مع سعودي قيمر.

مهند الربيعه
انتداب ساك بوي للرياض. ما الومه والله.

حمود المناعي
واحد من الأشخاص القليلين اللي ما ودك تزعلهم ابد اذا لعبت معهم.

أسامه الأنصاري
سعودي قيمر يسوي شي مع ساك بوي اللي جالس يسوي شي مع سنيك.

Dark Death
نيثن دريك (من انتشارتد 2) و زوجته ناريكو (من هيفنلي سورد) رايحين يشترون لعبه لولدهم سعودي قيمر من البلايستيشن ستور.

دحوم الدحمي
سعودي قيمر مركّب Cole حق انفيمس رايح يفحّط فيه. الظاهر عشان يضمن ماحد يوقفه.

وحيد نجد العتيبي
ساك بويز يصيدون ضبان. مين راح يسوي هالمرحله في ليتل بيق بلانيت 2؟

يوسف العنزي
أعتقد انضمام كريتوس للهيئة بينهي موضوع المغازلات في يومين ونص بالكثير.

رامي
سولد سنيك مع نيثن دريك في مضارب البادية.

يزيد الصقيه
ساك بوي يهوجس بالجنسيه (او شي زي كذا)

مصطفى الجيداني
ساك بوي يطلب شي ما ادري وش هو صراحه من سعودي قيمر.

خالد مخالف
جاك و راتيشت محارشين بعض وسعودي قيمر حاشر نفسه بالنص يتفرج.

أبو ركبه الغامدي
لو كريتوس يراقب كان تلقى نص طلاب الفصل متقطّعين في الفصل.

عبدالرحمن البطاطي

هشام المغيره

بعد ما بدينا المسابقة الصيفية الثانية الاربعاء اللي فات، وصلنا في خلال عدة ايام أكثر من 15 مشاركة كثير منها متعوب عليها صراحه. فتقديراً للجهود المبذولة من المشاركين في المسابقة، وافق وكيل سوني السعودية على طلبنا بزيادة الجوائز، وصراحة كانوا جدا كريمين.

الآن أصبحت جوائز المسابقة عندنا اثنين PSP Go و بطاقات PSN بقيمة 210$ (788 ريال)! فالآن بدال ما يصير فيه فائز واحد بيصير فيه 6 فائزين! (مدري ليش حسيت نفسي فيصل العيسى وانا اكتب هالسطر)

الآن توزيع الجوائز بيكون كالتالي:

جوائز الرسّامين المحترفين:

الرسّامين المحترفين أو الموهوبين بيكون لهم جوائز مستقله (عشان نعدل بين المشاركين) كالتالي:

• الجائزة الأولى: PSP Go (يجي معه 10 ألعاب كاملة حسب عرض سوني)
• الجائزة الثانية: بطاقة PSN بقيمة 100$ (375 ريال)
• الجائزة الثالثة: بطاقة PSN بقيمة 40$ (150 ريال)

اختيار الفائزين بيكون عن طريق فريق سعودي قيمر بناء على فكرة الرسمة + جمال الرسم.

جوائز الرسّامين الهواة:

الرسّامين الهواة (او اللي يمشون حالهم في الرسم) لهم جوائز مستقلة أيضاً وهي:

• الجائزة الأولى: PSP Go (يجي معه 10 ألعاب كاملة حسب عرض سوني)
• الجائزة الثانية: بطاقة PSN بقيمة 50$ (187 ريال)
• الجائزة الثالثة: بطاقة PSN بقيمة 20$ (75 ريال)

بس الفرق هنا ان اختيار الفائزين بيكون مركّز على فكرة الرسمه أكثر من جمال الرسم نفسه، مع الاخذ بالاعتبار طبعاً جمال الرسم بشكل بسيط.

ولا تنسى، المسابقة تنتهي يوم الاربعاء 14 يوليو!

اذا هذي اول مره تقرا عن المسابقة، فبامكانك قراءة تفاصليها كاملة في موضوعها الاصلي.

بالتوفيق للجميع

تحديث 2: تمت اضافة المزيد من الجوائز للمسابقة!

تحديث 3: انتهت الفترة المحددة لاستلام المشاركات. شكرا لكل من شارك! بنعرض جميع المشاركات بالاضافه الى اسامي الفائزين خلال ايام ان شاءالله.

بالصيف بتكثر طلعاتك أو يمكن حتى تسافر، وبالتالي زي أي “قيمر” مخضرم لازم يكون معك جهاز زي الـPSP Go يشفي غليلك وانت بعيد عن السوني أو الاكس بوكس حقك اللي بالبيت. أو يمكن تكون واحد عادي يبي بس شي يسلّيه وهو برا البيت، خاصّة انه معاه 10 ألعاب كامله مجاناً!

مثل ما وعدنا سابقاً، هذي هي المسابقة اللي بنعطي فيها PSP Go اثنين PSP Go مقدّمين من شركة سوني بالاضافة لبطاقات شراء من متجر PSN. تفاصيل المسابقة كما يلي:

كيفية المشاركة:

ارسم رسمه “تسعود” (يعني تخليه سعودي) فيها واحد من الشخصيات الحصرية لجهاز سوني بلايستيشن، وترسم معها خوينا المتلطّم اللي بالشعار بالشكل اللي تشوفه مناسب:

تقدر مثلا تخليهم يتقهوون سوا، يفحّطون سوا… اللي هو، اهم شي يكونون مع بعض في صورة تحسسك انهم اخويا سعوديين. ومو شرط ترسم شخصية سعودي قيمر بالضبط زي ماهي، اهم شي يكون واحد متلطم.

هل تحتاج تكون رسّام عشان تشارك؟ ابداً، حاول باللي يطلع معك، لأن بالنهاية فكرة الرسمة لا تقل اهمّية عن احترافيتها. فيمكن رسمة فكرتها رهيبه مره تفوز على رسمه فكرتها عادية مرسومه باحترافيه.

اذا ما تعرف وش اسامي الشخصيات الحصريه لجهاز سوني، فهذي صور بعضها من Google:

• Nathan Drake
• Helghast
• Jak and Daxter
• Nathan Hale
• Sackboy
• Kratos
• Ratchet and Clank

طبعا أكيد فيه غيرهم.

ملاحظة: بامكانك ترسم على الورق أو باستخدام برنامج في الكمبيوتر او باستخدام الـTablet على ان يكون العمل من صنعك، يعني مو تعديل على صورة.

جوائز المسابقة:

جهاز PSP Go مع ذاكرة 16 GB مقدم من شركة سوني. وطبعاً لا تنسى عرض سوني اللي يخليك تحمّل 10 ألعاب كامله مجاناً!

جهازين PSP Go مع ذاكرة 16 GB وبطاقات شراء من متجر PSN. التفاصيل في موضوع الجوائز الاضافية.

شروط المشاركة:

• ان تكون مقيم في السعودية.
• ان تكون الشخصية المرسومه هي حصرية لجهاز سوني بلايستيشن.
• ان تكون شخصية سعودي قيمر موجوده في الصورة مع الشخصية اللي تختارها ومرسومه بيدك، وتكون على شكل شخصيه (يعني تركّب له جسم اذا احتجت). الرجاء عدم نسخ شعار الموقع نفسه.
• مسموح لك المشاركه في رسمه واحده فقط، وتقدر اذا حبيت تغيّر الرسمه اللي شاركت فيها.
• ان الشي اللي بيسوونه الشخصيتين سوا يكون شي نقدر ننشره في الموقع طبعاً.

كيفية ارسال مشاركتك:

ارسل رسمتك الى contest @ saudigamer .com (بدون مسافات)

آخر تاريخ لاستلام المشاركات:

بنستمر في استقبال المشاركات الى تاريخ 7 July الى تاريخ 14 July، و بنعلن عن الفايز في بعد الحلقة 73 ان شاءالله ونرسل له الجائزه بعدها مباشرة.

طريقة اختيار الفائزين:

فريق بودكاست سعودي قيمر بيكون الحكم على المشاركات، و بيختار الرسمة الفائزة، ومن ثم نرسل الجائزة للفائز باستخدام احدى شركات الشحن.

تقديم:

مشهور الدبيان، جميل عبدالأحد، فيصل، أحمد الأحمري، طارق الدخيل

نناقش في هذه الحلقة:

مؤتمرات واحداث ومفاجئات معرض E3، تجربتنا للـPlaystation Move، أول لعبة اكس بوكس سعودية، والمزيد!

• مؤتمر مايكروسوفت: من 00:15
• مؤتمر EA:من 00:55
• مؤتمر Ubisoft: من 01:10
• مؤتمر Nintendo: من 01:23
• مؤتمر Sony: من 01:49
• مؤتمر Konami: من 02:19

الروابط المذكورة في الحلقة:

• لعبة الـxbox السعوديه (لسى ما نزلت)
• فيديو: ديمو Mortal Kombat الجديد (مورتال كومبات)

ملاحظة: هذولي الروابط اللي قلنا اننا بنحطها في الموضوع. لو حطينا روابط كل المقاطع اللي تكلمنا عنها بيصير طول الموضوع 2 كيلو

ومع ان الحضور كان قليل  (كنا كلنا تقريباً 10)، الا ان هالشي خلانا نقدر كلنا نسولف سوا واستمتعنا كثير باللقاء صراحة. ونتمنى في حال تكرار هاللقاءات المرات الجايه انه يكون الحضور أكثر (يمكن الوقت -الخميس العصر- كان سبب عدم حضور الكثيرين).

هذي بعض صور اللقاء:

من اليمين لليسار: طارق الدخيل، أحمد الأحمري، فيصل

محمد النشار (من بودكاست Tech FTW) و عبدالله الدريعان (من بودكاست على طاري)

مشهور، طارق، احمد، فيصل، محمد الشريف، واحد نسيت اسمه >.<

يوسف العيد، عبدالله حامد

سامي الرميح، فيصل، محمد الشريف

طارق، سامي، فيصل

ونتمنى نشوفك انت في اللقاءات القادمة ان شاءالله سواء كانت في الرياض او مدينه ثانيه

مافيه أي مناسبة للاجتماع، مجرد اجتماع خفيف نبي نتعرف فيه على بعض ونسولف وجها لوجه.

بنتواجد ان شاءالله انا وفيصل واحمد الاحمري وطارق الدخيل (جميل ما يقدر يحضر لانه بجده)، ونتمنى انك تكون معنا.

بالمناسبة، بتكون اول مره يلتقي فيها فيصل و احمد وطارق وجها لوجه، فرصه تشوف لك شوية دراما. يمكن يصير فيه دموع بعد. :p

بامكانك تأكد حضورك في صفحة اجتماعنا في الفيسبوك.

و لا تدققون واجد على المذيع و المذيعه، بتشوفون اسئله غريبه عجيبه في اللقاء

راح نبدأ بالعد التنازلي للمراكز الخمسة الأولى في المسابقة و التي تميزت عن غيرها و هي كالتالي:

المركز الخامس:

من تصوير Ren Azuma و هي صورة اليد الموجوده في غلاف لعبة Left 4 dead.

الصورة متعوب عليها و تبدو واقعية الى حد كبير و لو ان جوده و نقاء الصورة كان أفضل كان من الممكن الحصول على مرتبه اعلى … مبروك Ren لقد نلت المركز الخامس!!

المركز الرابع:

من تصوير الأخ Rakan Masoudi و هو يصور الكعكة الموجوده في لعبة Portal  كما انه جعل التصوير يبدو كأنه منظور الشخص الأول حيث لا يظهر إلا ايديه و هو جاهز للإلتهام …. لو بس شاركتنا الكيكه بدل ما تجوعنا كان عطيناك المركز الاول!!  مبروك راكان على المركز الرابع.

المركز الثالث:

لقد تعادل في هذا المركز شخصان و هم (سلطان الماضي) و (HackeD Is My joP sfd) لا تسألوني هو كذه كاتب اسمه.

هذه هي صورة الأخ سلطان الماضي يظهر فيه النبته الخضراء و الحمراء و الموجوده في سلسلة ريزيدنت ايفل و صندوق بداخله مسدس ايضا مثل السلسلة.. الفكره حلوة و التطبيق احلى … بس ودي اعرف كيف لون النبته بالأحمر.

و هذه الصورة الأخرى التي شاركت المركز الثالث و هي بعدسة الأخ HackeD Is My joP sfd و هي تشبه جنود العرب في لعبة cod4  كما لفت انتباهنا النار المتناثر لعله يحاكي الدمار و الانفجار في المنطقة… نحييك على هذه الصورة و مشهور اكثر واحد عجبته الصورة.

المركز الثاني:

بعدسة الأخ  محمد العويد و هو يقلد البائع في لعبة ريزدنت ايفل 4 الفكرة كانت حلوة و بسيطة جدا للتنفيذ و لكن النتيجة جميله و يشبه بائع ريزدنت ايفل الى حد كبير… مبروك المركز الثاني.

المركز الأول:

بعدسة Laughing Guy الصورة اذهلتنا من كل النواحي بدون استثناء مثل نقاء الصورة و طريقة الإخراج و المكان و الملابس و قد يسأل البعض وين الورقة الي مكتوب عليها سعودي قيمر فهي موجودة على الصندوق الموجود في الخلفية بطريقة لا تشوه الصوره:

الصورة تحاكي لعبة ميتل قير 4 و لكن في رأيي ايضا تحاكي cod4 بشكل كبير .. و لكن على اية حال تستحق المركز الأول بجدااااره … الف مبروك ايها الرجل الضاحك على المركز الأول و الجائزة!!

الصور الأخرى المشاركة:

بعدسة ابوفهد و هي جميلة و لكن لم نستطيع تحديد ما هي اللعبة المقصود بها.

بعدسة يوسف البلوي و حسب الايميل المقصود ان الشخصية تقليد شكل الزومبي و لكنه يذكرني اكثر بالأنميشن Princess mononoke

بعدسة عبدالعزيز الزهراني و هو أول من ارسل صوره للمشاركة و لكن حظا اوفر في المره القادمة.

abduallh AL-ibrahim صور اليد الموجود في لتل بق بلانت … بس مدري وش اقول.

abdu alraheem ALMOHJTY يقول هذا من لعبة pepsi man

صورة جميلة جدا من بوحمد و كنا نتوقع له ان يأخذ مركز ضمن الخمسة الأوائل لأن الفكره كانت رائعه جدا و نحييه على المجهود.

Kaled alwabel مصور بمنظور الشخص الأول و لكن ياريت لو كان في منظر افضل من جدار.

من الأخHussien H2 3 و هو يقلد منظر من لعبة LBP ايضا فكره جديدة.

الصور المستبعده:

و هي الصور التي خالفت القوانين و لم تدخل الترشيح

صوره من عبدالملك زبيله جميلة جدا و لكن ورقة سعودي قيمر لم تكن بداخل الصوره نفسها و إنما تم إدخالها.

صورة رائعه من BigBoss 3zoz و لكن ورقة سعودي قيمر لم تكن بداخل الصوره و تم إدخالها.

منظر جميل من Hussien H2 و لكن كلمة سعودي قيمر غير موجوده.

صورة الجوكر من amoona al lzooza و لكن تم إدخال الكلمة و لم تكن موجوده في الأصل.

صورة للجوكر مره اخرى من abdalkader alnajar و لكن كلمة سعودي قيمر غير موجوده.
و هذه هي جميع الصور المشاركة في المسابقة … كلها محاولات جميلة.

و للذين لم يفوزوا بمركز لا تيأسوا انشاء الله المسابقات جاية كثير و راح تكون في فرص اخرى.

و السلام عليكم و رحمة الله و بركاته.

كيفية المشاركة:

صوّر صوره لها علاقه بالالعاب الكمبيوتر، سواء صورتك و انت مقلّد شخصيه معيّنه او صورة لمنظر يشبه منظر في لعبه، او صورة شي مسوّيه انت يمثّل شي في لعبه. اهم شي تكون الصوره من تصويرك، و الشي اللي تصوره من ابداعك.

بعد ما تصوّر الصورة، ارفقها برساله و ارسلها على البريد الالكتروني info @ saudigamer.com بعنوان “مسابقة سعودي قيمر الصيفية” عشان نميّزها عن الرسايل الباقيه.

جائزة المسابقة:

لعبتين اصليتين من اختيارك على جهازك المفضّل، بشرط انها تكون النسخه العاديه من اللعبه. يعني العاب يجي معها ضافات (زي Rock band او Wii fit) و الاصدارات الخاصة من الالعاب (special edition او collector edition) مستبعده. نبيك تنبسط بالصيف، مو تطفّرنا. P:

شروط المشاركة:

• ان تكون مقيم في السعودية فقط، لان شحن الجائزه لخارج السعودية غالي
• ان يكون في الصوره ورقه مكتوب عليها بخط يدك “SaudiGamer.com” عشان نعرف انها من تصويرك.
• مسموح لك المشاركه في صوره واحده فقط.
• انك ما تسوي اي تعديل على الصورة باستخدام اي برنامج تحرير للصور زي فوتوشوب. اي صوره مشبوهه بنستبعدها على طول.
• ان تكون صوره محترمه نقدر ننشرها بالموقع، يعني لا تلبّس شغالتكم لبس لارا كروفت و تصورها لنا.

و بس

طريقة اختيار الفائز:

فريق بودكاست سعودي قيمر بيكون الحكم على المشاركات، و بنختار الصورة الافضل.

آخر تاريخ لاستلام المشاركات:

بنستمر في استقبال المشاركات الى تاريخ 24 July، و بنعلن عن الفايز في الحلقة 28 ان شاءالله.