تحديث: تم اختيار الفائزين عشوائياً. الف مبروك للفائزين، وحظ أوفر لباقي المشاركين:
بمناسبة العيد، حبينا نسوي مسابقة نعطي المستمعين فيها 5 نسخ من Call of Duty: Modern Warfare 3! (نسخة البلايستيشن فقط)
طريقة المشاركة:
كل اللي عليك تسويه انك تسوي Tweet للموضوع (باستخدام الزر في آخر الموضوع)، وتتابع حسابنا في تويتر، وبتدخل تلقائياً في السحب على الجائزة. بنعلن عن الفائزين ان شاءالله نهاية يوم الثلاثاء الموافق 8 نوفمبر (يعني بكره)
طبعا لازم يكون عندك حساب في تويتر للمشاركة.
شروط المشاركة:
تكون مقيم في المملكة العربية السعودية، وتسوي Tweet للموضوع قبل نهاية المسابقة. المسابقه تنتهي الساعه 11 مساءاً يوم الثلاثاء الموافق 8 نوفمبر.
بالتوفيق للجميع!
مشهور الدبيان مسابقات
مثل ما اعلنا في الحلقة 127، يتعاون موقعنا مع موقع مصطلحاتك لطرح مسابقة حصرياً لمتابعين سعودي جيمر. الفترة هذي فيها زحمة العاب غير طبيعية، ونحاول بكل الطرق اننا نوفر اكبر قدر ممكن من الالعاب لمستمعيننا. بالاضافة الى ان موقع مصطلحاتك فكرته مفيده ونتوقع بيخدم عدد كبير من الناس في حال اثرينا محتواه.
كيف تشترك في المسابقة:
تدخل موقع مصطلحاتك بين اليوم الاثنين 24 اكتوبر و 5 نوفمبر 2011، وتسجّل (او تدخل بحسابك حق الفيسبوك)، ثم تضيف 10 مصطلحات أو تعريفات انجليزية مرتبطة بالعاب الكمبيوتر وتقنياتها مع الترجمة الأفضل في نظرك . (امثلة: First Person Shooter, Graphics, Gameplay…الخ)
الشروط:
- تكون مقيم في المملكة العربية السعودية (او تكون مقيم خارج المملكه لكن تختار جميع العابك على الـPC من Steam)
- المشاركة بـ10 مصطلحات على الأقل خلال الفترة المحدّدة في الفقرة السابقة.
- بعد ما تشارك في الموقع، تكتب تعليق على هذا الموضوع باستخدام نفس الايميل اللي استخدمته في التسجيل في موقع مصطلحاتك (او الايميل التابع لحساب الفيسبوك اللي استخدمته لتسجيل دخولك في الموقع)، عشان نضمن ما نختار الا اللي يبون يشاركون في المسابقة.
الجوائز:
يحق للفائزين اختيار عدد من الالعاب على الجهاز اللي يناسبهم (PS3 أو Xbox360 أو Wii أو PC)
- الفائز بالمركز الأول: 4 العاب من اختياره.
- الفائز بالمركز الثاني: لعبتين من اختياره.
- الفائز بالمركز الثالث: لعبه وحده من اختياره.
اختيار الفائزين بيكون عن طريق فريق عمل موقع مصطلحاتك، وبنعلن اسماء الفائزين هنا في الموقع يوم 19 نوفمبر.
بالتوفيق للجميع!
مشهور الدبيان مسابقات
تم السحب! ألف مبروك للفائزين: KholoudFariss, Al_zubi, MrMystry, _Sale7, Walee8، وحظ أوفر لبقيّة المشاركين.
قبل كم يوم كنت أشيّك على الـApp Store حق الآيفون اشوف وش فيه لعبه جديده، ولفتت انتباهي لعبة “الرجل المشنوق” اللي هي تعريب للعبة Hangman اذا كنت تعرفها.
صراحة اللعبه ممتعه وحلوه لتضييع الوقت، وواضح من تصميمها انه متعوب عليها، حتى انها أفضل تصميم من أي لعبه لعبتها قبل كذا من هذا النوع. وتقدر تلعب انت وشخص ثاني بحيث تألف كلمه من راسك وتخليه يحاول يعرفها.
» أكمل قراءة الموضوع
مشهور الدبيان مسابقات
انتهت المسابقة! الف مبروك للفائزين في السحب: Ali Al Dawood، عبدالرحمن القحطاني، al-khoja، HOOPS3، Sherlock Holmes! وحظ أوفر للي ما حالفهم الحظ
عندنا اليوم 3 تي شيرتات و بلوفرين أصليات للعبة Motorstorm: Apocalypse. ما اخفيك صراحه ايدي تحكّني ودي اخذ وحده لي، بس عاد بالنهايه قررنا نعطيها كلها للمستمعين احقاقاً للحق وردعاً للفساد الاداري.
هذي صورة للتي شيرت:
وهذي صورة للبلوفر:
وهذي صورة للورقه اللي معها توريك ان التي شيرت من سوني مو تقليد:
» أكمل قراءة الموضوع
مشهور الدبيان مسابقات
(هذا الموضوع تابع لاحتفالية سعودي قيمر بمناسبة وصولنا للحلقة 100)
انتهت المسابقة! الفائزين هم: iiYASERzZ، al-ahmad، meem22، bassimnnn9 . الف مبروك! وحظ أوفر لبقية المشاركين.
اليوم عندنا 4 بطاقات PSN (للستور السعودي فقط) من فئة 20 دولار!
بنسوي سحب على البطاقات، كل المطلوب منك للدخول في السحب هو كتابة تعليق على هذا الموضوع يحتوي على يوزرك في شبكة PSN (بنرسل الاكواد للفائزين عن طريق المسجات في الـPSN)، لأن مانبي يشارك الا اللي فعلا بيستفيد من النقاط.
شروط المشاركه:
- المشاركه مفتوحه للجميع (من داخل وخارج السعوديه)
- تشارك بتعليق واحد فقط مذكور فيه يوزرك في PSN. اذا شاركت باكثر من تعليق بنضطر آسفين اننا نشيل اسمك من السحب.
- تعليقك يكون انكتب قبل نهاية يوم السبت 5 مارس.
بنعلن عن الفائزين يوم الأحد الموافق 6 مارس باذن الله.
بالتوفيق للجميع
مشهور الدبيان أحداث, مسابقات
(هذا الموضوع تابع لاحتفالية سعودي قيمر بمناسبة وصولنا للحلقة 100)
تم اجراء السحب. الفائزين بالبطاقات هم: naif، maijo0or، The JoKeR، abo_x_jabar. ألف مبروك! وحظ أوفر للجميع في مسابقاتنا القادمه.
اليوم عندنا 4 بطاقات اكس بوكس لايف، كل وحده فيها 1600 نقطه! البطاقات مخصصه للستور الأمريكي.
بنسوي سحب على البطاقات، كل المطلوب منك للدخول في السحب هو كتابة تعليق على هذا الموضوع يحتوي على يوزرك في شبكة اكس بوكس لايف (بنرسل الاكواد للفائزين عن طريق المسجات في اكس بوكس لايف). مانبي يشارك الا اللي فعلا بيستفيد من النقاط.
شروط المشاركه:
- المشاركه مفتوحه للجميع (من داخل وخارج السعوديه)
- تشارك بتعليق واحد فقط مذكور فيه يوزرك في اكس بوكس لايف. اذا شاركت باكثر من تعليق بنضطر آسفين اننا نشيل اسمك من السحب.
- تعليقك يكون انكتب قبل نهاية يوم الخميس الموافق 3 مارس.
بنعلن عن الفائزين يوم الجمعه الموافق 4 مارس باذن الله.
بالتوفيق للجميع
مشهور الدبيان أحداث, مسابقات
(هذا الموضوع تابع لاحتفالية سعودي قيمر بمناسبة وصولنا للحلقة 100)
انتهت المسابقه. ألف مبروك للفائزين في السحب: معاذ الناصر، sahod، Queenx، aljasser. وحظ أوفر لكل من شارك.
اليوم عندنا 4 بطاقات iTunes من فئة 10 دولار بنوزعها للمتابعين. البطاقات مخصصه للستور الامريكي
بنسوي سحب على البطاقات، كل المطلوب للمشاركه هو كتابة تعليق على هذا الموضوع.
شروط المشاركه:
- تكون مقيم في السعودية.
- تشارك بتعليق واحد فقط. اذا شاركت باكثر من تعليق بنضطر آسفين اننا نشيل اسمك من السحب.
- تعليقك يكون انكتب قبل نهاية يوم الثلاثاء 1 مارس.
بنعلن عن الفائزين يوم الاربعاء الموافق 2 مارس باذن الله.
بالتوفيق
مشهور الدبيان أحداث, مسابقات
انتهت المسابقة! الفائز بالجائزة هو الأخ Ibrahim al turki! ألف مبروك، وحظ أوفر في مسابقاتنا القادمه لجميع اللي شاركوا.
اليوم عندنا مسابقه خفيفه ثانيه بنعطي فيها نسخه من لعبة كيلزون 3 مع تي شيرت اللعبه (اللي بالصوره).
بما انه مافيه الا نسخه وحده بتكون مسابقه خفيفه: كل المطلوب منك هو انك تكتب تعليق على هذا الموضوع تذكر فيه ليش متحمّس لكيلزون 3 (بشكل مختصر)، وبتدخل تلقائياً في السحب على اللعبه.
شروط المشاركه:
- تكون مقيم في السعودية.
- تذكر سبب حماسك للعبه في التعليق (يعني مو بس “ودي اجربها” او “متحمس لها”، ابذل جهد ولو كم كلمه
)
- تشارك بتعليق واحد فقط. اذا شاركت باكثر من تعليق بنضطر آسفين اننا نشيل اسمك من السحب.
- تعليقك يكون انكتب قبل الساعه ٩ مساءاً يوم الجمعه الموافق ٢٤ فبراير.
نهاية المسابقة بتكون يوم الجمعه الساعه ٩ مساء. اعلان الفائز بيكون الساعه ٩:٣٠ مساء ان شاءالله.
بالتوفيق للجميع !
مشهور الدبيان مسابقات
تم الاعلان عن جميع الفائزين وانتهاء المسابقة. ألف مبروك للي فازوا، وحظ أوفر للي شاركوا وما حالفهم الحظ.
تكلمنا عن لعبة Marvel vs. Capcom 3 في الحلقه 99، ومدحناها وقلنا انها من أفضل الالعاب القتاليه في هذا الجيل.
اليوم قدرنا نجيب 3 نسخ من اللعبه على جهاز Playstation 3 وعندك ثلاث فرص تربح وحده منها!
طريقة المشاركه:
» أكمل قراءة الموضوع
مشهور الدبيان مسابقات
بعد ما نشرنا اسماء الفائزين في مسابقة الكنكت، حبينا نختار لكم أفضل 18 مشاركه من اللي تجي بعدها في الترتيب (9 مشاركات من قسم الفيديو و9 من قسم الصور) وننشرها هنا. للأسف ما نقدر ننشر جميع المشاركات لانه هالشي يتطلب وقت وجهد ما نقدر عليه حالياً. لكن اذا كنت مشارك في المسابقه وما ظهرت مشاركتك هنا فبامكانك تشاركنا في بالتعليقات.
بالمناسبه فيه 10 نسخ ألعاب جوائز ترضيه لأفضل 5 مشاركات فيديو وأفضل 5 مشاركات صور. الجوائز هي:
- 5 نسخ من لعبة Fable 3 على الاكس بوكس مقدمه من مايكروسوفت السعودية.
- واذا ما عندك اكس بوكس (فيه ناس شاركوا عشان يفوزون فيه)، فعندنا أيضاً 5 نسخ من Call of Duty: Black Ops على البلايستيشن 3. مقدمه مننا.
اذا كنت من ضمن الفائزين فيا ليت تراسلنا على info [at] saudigamer.com وتختار اللعبه اللي تبي (Fable أو CoD). الأولويه بتكون لاصحاب المراكز المتقدّمه.
بالنسبة للفائزين…
» أكمل قراءة الموضوع
مشهور الدبيان مسابقات
