فرح عبدالله
فينس زامبيلا (Vince Zampella)، مؤسس استوديو انفينيتي وارد (Infinity Ward) و ريسبون انترتينمنت (Respawn Entertainment)، وصانع لعبة تايتن فال (Titanfall) و كول اوف ديوتي (Call of Duty)، بيفتح استوديو جديد لألعاب الجوال اسمه نيوكلير ديفيجن (Nuclear Division) مع لاري بيسي (Larry Pacey) اللي كان في شركة WMS للألعاب.
قالو انهم بيستخدمون الشركة لتجربة افكار جديدة، لأن ريسبون انترتينمنت مايناسبها انها تجرب مع العاب الجوال. زامبيلا يتمنى ياخذ كل شي يتعلمه من نيوكلير ديفيجن الى ريسبون انترتينمنت. نيوكلير ديفيجن عندها منصة وكم لعبة تحت التطوير، لكن ماهي مستعده تعطي اي تفاصيل. اول اصدار للشركه ممكن يكون بعد كم سنة.
زامبيلا ما راح يترك وظيفته في ريسبون، لأنه بياخذ دور الاستشاري فقط في نيوكلير ديفيجن. الشركتين راح يكونون جنب بعض في لوس انجلوس.
حاليا نيوكلير ديفيجن عندها اقل من 12 موظف، لكن متوقع انهم يزيدون الى 50. زامبيلا يقول “لما تشوفون كيف كانت بدايتنا، كنا نطور العاب بفريق صغير. هذي هي الطريقه الي ترجّعنا للشي المهم بالنسبه لنا وترجّع القِيَم الي تخلي اللعبة رائعه.”
زامبيلا عنده سجل جيد في تأسيس فرق جديدة لتطوير الالعاب. مع شريكه السابق جيسون ويست (Jason West)، بدأو شركة تطوير كول اوف ديوتي المعروفة، انفينيتي وارد (Infinity Ward)، وشركة تطوير تايتان فال، ريسبون انترتينمنت (Respawn Entertainment). وكلهم نجحو نجاح كبير.
شكلها بداية جيده لشركة جيدة. اتمنى انها تنتج العاب جديدة غير الي تعودنا عليها.
بارعة
